Yoane 18 - Nouveau Testament et Psaumes en Ndandi Version 1962

Yuda akahotela Yesu

¹ Yesu amabibuga ebinywa ebi, mwasokira eyisirya wo musya waKiduroni haguma nabiga biwe, ahabya eririma, neryo mwingiramo na biga biwe.

² Neryo Yuda, oyo wamu hotela, abya asi ho: kusangwa Yesu ngendo nyingi iniakayayo haguma na biga biwe.

³ Neryo Yuda amabihabwa omulondo wabasoda, nabalima bakalwa oko bahereri bakulu noko baFari sayo; mwasaho nesiseke nehisuku nebindu byamalwa.

⁴ Neryo Yesu, inianasi emyatsi ikandimuhikako yosi, mwahuluka, mwa bulyabo, ati, Mukasondandi kwehi?

⁵ Mobamusubirya, bati, Yesu wa Nazareti. Yesu mwabwirabo, ati, Ni ingye. Na Yuda, oyo wamuhotela, inianahangene haguma nabo.

⁶ Abere abi bwirabo, ati, Ni ingye, mobasuba enyuma mobayihinda oko kitaka.

⁷ Kandi mwabulyabo ati, Mukasondandi kwehi? Nabo bati, Yesu weNazareti.

⁸ Yesu mwasubirya ati, Indiaba bwira kwali ini ngye; mwamabya mukanyisonda, muleke aba bagende:

⁹ eKinywa ekyo abuga kibererere, ati, Ukwabo wamba sinditatalya nomuguma.

¹⁰ Simoni Petero iniawite omuyari mwakulago mwabanda omugombe womuhereri mukulu, mwa twa okutu kuwe kwamaryo. Erina riomugombe oyo ryabya Malko.

¹¹ Neryo Yesu mwabuga na Petero, ati, Hira muyari wawe omo lubo: olutehi olo Tata abirimba, sindiendipulyalo kwehi?

Petero akagana Yesu

¹² Neryo omulondo oyo nomukulu wago, nabalima baba Yuda, mobatisimba Yesu mobamuboha,

¹³ mobamutwala ku Ana erimbere; kusangwa abya isebyala waKayafa, oyo wabya muhereri wendata kobandi oko mututa oyo.

¹⁴ Nikwa Kayafa abya oyo wahana abaYuda, ati, ritolere mundu muguma erihola busana nabandu.

¹⁵ Simoni Petero nogundi mwiga mobakwama Yesu. Neryo ogundi mwiga oyo abya asibwe nomuhereri oyo wabya wendata kobandi, omwiga oyo mwingira haguma na Yesu omu kibuga kyomuhereri mukulu oyo;

¹⁶ nikwa Petero mwimana ahihya oko luyi. Nogundi mwiga oyo, wabya asibwe nomuhereri oyo mukulu, mwaya yihya mwabuga nomwanamuto oyo wategaya oluyi, mwingirya Petero.

¹⁷ Neryo mwanamuto oyo wategaya oluyi mwabuga na Petero, ati, Uri muguma goko biga bomundu oyu kwehi? Naye mwabuga, ati, Ingye eyihi.

¹⁸ Neryo abagombe nabalima babya bimeneho, ibamabiakya omuliro wamakala; kusangwa habya embeho ibakota: na Petero abya haguma nabo, inianimene akota.

Yesu embere wa Atia

¹⁹ Neryo omuhereri oyo mwabulya Yesu busana nabiga biwe, nerikangirirya riwe.

²⁰ Yesu mwamusubirya, ati, Monabuga omo kihugo neriminyikalya; monakangirirya omo manyumba werihindana, nomo hekalu, aho abaYuda bosi bakahindana; bubi-sobiso sinditabugaki.

²¹ Ukanyibulaya busana naki kwehi? bulaya abanyowa, nganabugaki nabo: lebaya, aba banasi ebyo nabuga.

²² Nomugulu amabibuga atya, muguma woko balima babya bimeneho mwaswirya Yesu ekikundi, ati, Uka subiraya muhereri mukulu utya kwehi?

²³ Yesu mwamusu birya, Namabya namabuga nabi, utulego busana nekibi ekyo: nikwa kyamabya kwowene ukanzwirirayaki kwehi?

²⁴ Neryo Ana mwamutuma inianabohire ku Kayafa omuhereri mukulu.

Engokolume ikabika

²⁵ Neryo Simoni Petero abya imene neriota. Mobamubulya bati, Nawe, uri muguma boko biga biwe kwehi? Naye mwa gana, mwabuga, ati, Singye.

²⁶ Muguma goko bagombe bomuhereri mukulu, abya wekitunga kyoyo Petero atwa kwo kutu, mwamubulya, ati, Mondakulolako omwirima haguma naye kwehi?

²⁷ Petero mwagana kandi: neryo-neryo engoko lume moyabika.

Yesu embere wePilato

²⁸ Neryo mobatwala Yesu erilwa ewaKayafa eriingira omwi bugiro: bwabya ngyakyangyakya; nabo mobatingira omwi bugiro, sibaswebya okwihalya, nikwa batoke erirya Erilabwako (ryePasaka).

²⁹ Neryo Pilato mwahulukira eyihya mweyabo, mwabuga ati, Omundu oyu mukamuhandikirirayaki kwehi?

³⁰ Mobamusubirya, bati, Omundu oyu atabya mukola nabi, nga sitwetamuleta uku we.

³¹ Pilato mwabwirabo, ati, Mumu twale imwebene, mumutswere ngoko ebihano byenyu biri. AbaYuda bati, Itwe situwite hamuli eriita mundu nomuguma:

³² eKinywa kyaYesu kibererere, ekyo abuga eriminyisya omu sindo woluholo asyahola.

³³ Neryo Pilato mwingira kandi omwibugiro, mwabirikira Yesu, mwamubulya, ati, Uri Mwami wabaYuda kwehi?

³⁴ Yesu mwasubirya ati. Ukabulaya eki ugowene kwehi, kutse nabandi bakubwira busana nage kwehi?

³⁵ Pilato mwasubirya, ati, Ingye indi muYuda kwehi? Ekihanda kyawe nabahereri bakulu mobakuhotela kwingye: wabirikolaki kwehi?

³⁶ Yesu mwasubirya, ati, Obwami bwage si bwe kihugo kino: kumbe obwami bwage bulwe bwe kihugo kino, nga bagombe bage nga bamalwa, isinangahabwa oko baYuda: nikwa lino obwami bwage sibweno.

³⁷ Neryo Pilato mwabuga naye ati, Nikwa lero uri mwami kwehi? Yesu mwasubirya, Uwe ukabuga ko ndi Mwami. Busana nekyo monabutwa, ekyo kyo kyandeta omo kihugo, inatula omwatsi wakwenene. Abosi bekwenene bakowa omulenge wage.

³⁸ Pilato mwamubulya, ati, Ekwenene niki kwehi? Abere abibuga eki, mwasuba eyihya aha baYuda bari, mwa buga nabo, ati, Ingye sinditamubana ko kibi ekyangamwitisya.

³⁹ Nikwa inywe muwite omutsye, ko ngababoholera omuguma omukiro kyErilabwako: nikwa mukasonda inababoholera oMwami wabaYuda kwehi?

⁴⁰ Nabo mobaswabugira iguma guma, bati, Butsira omundu oyu, nikwa Baraba. Neryo Baraba abya munyeyi.