Yoane 16 - Nouveau Testament et Psaumes en Ndandi Version 1962

Eriendirerya rye kihugo

¹ Emyatsi eyi nabiribuga nenyu, imutabana ekyeribatwi kalya.

² Basyabahiga omo manyumba werihindana: kandi, endambi ikasa, oyo wasyabita asyaringikania nga akakola omubiri busana noMungu.

³ Nemyatsi eyi basyakolayo ku sangwa sibetaminya Tata, kutse ingye.

⁴ Nikwa nabiribabwira emyatsi eyi, neryo omugulu endambi yasyabya yahika, imwi bukayo, ngoko nababwira. Nemyatsi eyi eritsuka erimbere mondababwirayo, kusangwa nabya nenyu.

⁵ Nikwa lino ngaya ukwoyo wanyituma; sihari muguma kwinywe oyu kambulaya, ati, Ukayahi kwehi?

⁶ Nikwa kusangwa nabiribabwira emyatsi eyi, emitima yenyu ikusula nobulige.

⁷ Nikwa ngababwira kwenene: Litolere busana nenyu inagenda, kusangwa nama tindagenda, Embuyi isiyendisyasa kwinywe; nikwa namagenda, nasyabatumirayo.

⁸ Naye, asyabya asa, asyasinga e kihugo busana nebibi, nebitunganene, neritswera:

⁹ busana nebibi, kusangwa sibetanyikirirya;

¹⁰ busana neritunganene, kusangwa ngaya ewaTata, nenyu imutaswanyilolako;

¹¹ busana neri tswera, kusangwa omusoki we kihugo eki amatswerwa lubi.

¹² Ngwite kandi emyatsi mingi yeribabwira, nikwa simwa­ngatoka erihekayo lino.

¹³ Nikwa omugulu iye, Kirimu kyekwenene kyasyasa, asyabasondolera omo kwenene yosi: kusangwa siendisyabuga erilwa kwiye; nikwa emyatsi yahi asyowa yakandisyabuga: kandi asyabatulirayo eyikandisyasa.

¹⁴ Asyanyikenga: kusangwa asyimya ebyage, iniabatulirabyo.

¹⁵ Emyatsi yosi yahi Tata awite ni yage: kikaleka inabuga, nyiti, akimaya ebyage, asyabatulirabyo.

Enyuma hake

¹⁶ Hakisiya katambi kake imutaswanyilolako; nakandi ka tambi kake imwaswanyilolako.

¹⁷ Abandi boko biga mobabulania, bati, Eki ni kyahi ekyakabuga netu, ati, Hakisiya akatambi kake imutaswanyilolako; na kandi katambi kake, imwaswanyilolako: na kandi, ati, Kusangwa ngaya ewaTata.

¹⁸ Kyaleka ibabuga, bati, Eki ni kyahi ekyakabuga, ati Aka tambi kake, kwehi? Sitwasi ebyamabuga.

¹⁹ Yesu mwaminya kobakasonda erimubulya, mwabulyabo, ati, Mukabulanaya busana nekyo ngabibuga nyiti. Hakisiya akatambi kake, imuta swanyilolako, na kandi katambi kake, imwaswanyilolako kwehi?

²⁰ Kundu, kundu, ngabuga nenyu, Mwasyarira, nerilaka, nikwa e kihugo kyasyatsema: mwasyasusumana, nerisusumana ryenyu ryasyabindulwa mo butseme.

²¹ Omukali omugulu akakunda ari nobulige, kusangwa endambi yiwe yamahika: nikwa omu gulu amabibuta omwana, siaribuka kandi eriagalwa, busana nobutseme kusangwa omundu amabutwa omo kihugo.

²² Ne nyu muri nobulige lino: nikwa nasya swabalolako, nemitima yenyu yasyatsema, nobutseme bwenyu sihali mundu wasyaba sagulabo.

²³ Noko kiro ekyo simwendisyabulyaki. Kundu, kundu, ngabuga nenyu, nyiti, Kindu kyahi mwasyabulya Tata, asyabahakyo omo rina ryage.

²⁴ Erihika lino simwatabulyaki omo rina ryage: musabe, imwasimya, obutseme bwenyu butoke erisulibwa.

²⁵ Emyatsi eyi nabiribabwirayo omo misyo: endambi ikasa sindiendisyabuga nenyu omo misyo, nikwa nasyababwira emyatsi ya Tata neriminyikalya.

²⁶ Oko kiro ekyo mwasyasaba omo rina ryage: sindibuga nenyu, nyiti, Nasyasaba Tata busana nenyu;

²⁷ kusangwa Tata anabanzire iyowenewene, kusangwa mwabirinyanza, mwabirikirirya ko nalwa ku Tata.

²⁸ Nalwa ku Tata, monasa omo kihugo: kandi, ngasiga e kihugo, ngaya ewa Tata.

²⁹ Abiga biwe bati, Lebaya, lino ukabuga nerimi nyikalya, suribuga omo misyo.

³⁰ Lino tunasi ko wasi emyatsi yosi isutolere mundu akakubulya: busana neki tukikiriraya ko walwa oko Mungu.

³¹ Yesu mwabulyabo, ati, Mwamikirirya lino kwehi?

³² Lebaya, endambi ikasa, kandi yamahika, imwasyapanzapanzwa, ogundi ewuwe, nogundi ewuwe, mwa syanyisiga ingyowene: nikwa sindi ingyowene: kusangwa Tata ari haguma nage.

³³ Emyatsi eyi namabuga nenyu, mubye nobuholo omwisi wage. Omo kihugo muri neriendereribwa: nikwa muyisyandire; nabirikinda e kihugo.