Yoane 13 - Nouveau Testament et Psaumes en Ndandi Version 1962

Yesu akeraya ebisandu byabakwenda

¹ Nikwa embere yekiro ekyo kinene kyErilabwako, Yesu inianasi endambi yiwe yamahika eyerilwa omo kihugo eriya eyiri Ise, abya anzire abuwe ababya omo kihugo, mwa nzabo erihika oko nduli.

² Nomugulu barya olulaliro, Satani iyamabihira omo mutima wa Yuda Iskariota, mugala wa Simoni erimuhotela,

³ Yesu inianasi ko Ise abirihira emyatsi yosi mu byala biwe, kandi kwalwa oko Mungu, akaswaya oko Mungu,

⁴ mwahangana aho barira, mwahira esyongimba syoluhande; mwimya ekihande kyolukimba, mwayihangakyo.

⁵ Neryo muta amagetsi okwituba, mwatsuka erierya ebisandu byabiga, neri sangulabyo omo kihande kyolukimba ekyo abya ayihangire.

⁶ Neryo mwahika uku Simoni Petero. Naye mwamubulya ati, Mukama, ukeraya ebisandu byage kwehi?

⁷ Yesu mwamu subirya ati, Ekyo ngakola siwasikyo lino: nikwa wasyakiminya erinyuma.

⁸ Petero mwabuga naye ati, Siwendierya ebisandu byage na kera. Yesu mwamusubirya ati, Namatindakwerya, suri nobusangi haguma nage.

⁹ Simoni Petero mwabuga naye ati, Mukama, siweraye ebisandu ibyo byene, nikwa weraye ebyala byage nomutwe wage nibya.

¹⁰ Yesu mwamubwira ati, Oyu yikosire syarisonda kindi, bye nebisandu, nikwa erire kundu: nenyu mwerire, nikwa butsira imwe bosi.

¹¹ Kusangwa abya asi oyu kandisyamuhotela; kyaleka iniabuga, ati, Simwe rire inywe bosi.

Omugombe si mukulu ku mukama wuwe

¹² Neryo amabierya ebisandu byabo, neriswimya esyongimba siwe, mwaswikala, mwabulyabo ati, Mwamaminya ekyo nama bakolera kwehi?

¹³ Mukanyahula muti; Mukangirirya no Mukama: imukabuga ndeke; kusangwa ko nyine nyitya.

¹⁴ Namabya ini ingye Mukama noMukangirirya, nabirierya ebisandu bienyu, nenyu mutolere erierania kwebisandu.

¹⁵ Kusangwa nabiribaha ekiminyikalo, imwakola ngoko nabi ribakola.

¹⁶ Kundu, kundu, ngabuga nenyu, Omugombe siarilenga omukama wuwe; nomukwenda sialengire oyu ria mutuma.

¹⁷ Mwamaminya emyatsi eyi, imuri batsumulwa mwamakolayo.

¹⁸ Sindibahula inywe bosi: nyinasi abo nayi soga: nikwa amasako abererere, Oyu karya obundu bwage yukanyisumbira akasinziro kiwe.

¹⁹ Ngababwira lino bitebya bya, neryo omugulu byasyabya imwikirirya ko ndi ye.

²⁰ Kundu, kundu, ngabuga nenyu, nyiti, Oyu kakokaya mundu wahi ngatuma iniakanyikokaya: noyu kanyikokaya iniakakokaya oyu wanyituma.

Yuda oyo wamuhotela

²¹ Yesu amabibuga atya, mwakwa bulige omo mutima, mwa tulago ati, Kundu, kundu, ngabuga nenyu, nyiti, Omuguma gukwinywe asyanyihotela.

²² Abiga mobalola-lolanako, isibasi oyo akahula.

²³ Habya mwiga muguma imakegemera oko kikuba kyaYesu bakarya oyo Yesu anzire.

²⁴ Simoni Petero mwamukoherya, mwamubwira ati, Utubwira nga kahulandi.

²⁵ Neryo erikegemera atya oko kikuba kyaYesu mwamubulya ati, Mukama, ni ndi kwehi?

²⁶ Yesu mwamusubirya ati, Yoyo ngandikolerya kitole, erimuhakyo. Neryo amabikolerya ekitole mwahakyo Yuda Iskariota, mugala wa Simoni.

²⁷ Ne nyuma yekitole, Satani mwingira omwisi wuwe, Neryo Yesu mwabuga naye, Ekyo ukakola, ukolekyo luba.

²⁸ Nikwa sihabya mundu woko barya oyu waminya nga mwahuliraki.

²⁹ Kusangwa abandi baganiraya, kusangwa Yuda aheka ngunza, ambu Yesu amubwira ati, Ugule ebyo bitutolere oko kiro kikulu busana nerirya; kutse ahe kindu oko bera.

³⁰ Neryo amabimya ekitole mwahulukira eyihya: ibwamabihumbera.

Eritegeka rihyarihya ryerianzana

³¹ Neryo abere abihuluka, Yesu ati, Lino Mugala womundu amabana olukengerwa, noMungu amakengwa omwisi wuwe;

³² OMungu amakengwa omwisi wuwe, Mungu asyamukenga omwisi wuwe, asyamukenga luba.

³³ Abana balere, akandi katambi kake inindi haguma nenyu. Mwasyanyisonda-sonda: kandi ngoko nabwira baYuda, ritya ngababwira lino, Eyo ngaya simwangatoka erihikayo.

³⁴ Erihana rihyarihya ngabaha, mwanzane; ngoko nyibanzire, nenyu mwanzane.

³⁵ Busana neki abandu bosi basyaminya komuri biga bage, mwamanzana.

Petero ati siendigana Yesu

³⁶ Simoni Petero mwabuga naye, ati, Mukama, ukayahi kwehi? Yesu mwamusubirya, ati, Eyo ngaya, siwangatoka eringwama linolino; nikwa wasyangwama bolo.

³⁷ Petero mwabuga naye, ati, Mukama, niki kyangaleka inindakukwama lino kwehi? Nasyakuholera.

³⁸ Yesu mwamusubirya, Wa syanyiholera kwehi? Kundu, kundu, ngabuga nawe, nyiti, Engokolume siendibika, utewanyigana ngendo isatu.