Yoane 12 - Nouveau Testament et Psaumes en Ndandi Version 1962

Maria na maguta owakakumba ndeke

¹ Hakisiya biro ndatu emuliro wErilabwako Yesu mwahika eBetania, aho Lazaro abya, oyo Yesu alubukaya oko baholi.

² Neyo mobamutsumbira akaryo kamwigologolo: Marata abye akahukula; nikwa Lazaro abya muguma woko babya bikere okwirya haguma naye.

³ Neryo Maria mwimya ekihande kyekilo kyamaguta wenardo agowene, wobuguri bunene, mwahakabya abisandu byaYesu, mwasangula ebisandu biwe omo nzwiri siwe: nenyumba moyusula nerikumba rya maguta.

⁴ Nikwa Yuda Iskariota, muguma woko biga buwe, oyo wasyamuhotela, mwabuga, ati,

⁵ Busana naki amaguta aya siaritagulibwa busana nesyofaranka elfu ngoma namagana arinda na makumi munani, isyahabwa oko bera kwehi?

⁶ Nikwa abuga atya, butsira erianza erilembera abera; nikwa kusangwa abya mwibi, iniawite oko ngunza neryo mwabya akiba esyahirawamo.

⁷ Neryo Yesu mwabuga, ati, Mumuleke, abikego busana nekiro nasyatabwa.

⁸ Kusangwa muri nabera ebiro byosi; nikwa ingye simuri nage biro byosi.

Embita yeriita Lazaro

⁹ Neryo abandu bangi babaYuda mobaminya kwariyo: mobasa, butsira busana na Yesu iyowene, nikwa bati balebaye na Lazaro, oyo alubukaya erilwa oko baholi.

¹⁰ Nikwa abahereri bakulu mobaya embita eriswita Lazaro;

¹¹ kusangwa busana naye bangi boko baYuda mobalwayo, mobikirirya Yesu.

Eriingira e Yerusalema

¹² Nengyakya endeko nene oko bahika oko kiro kinene ekyo, omugulu bowa ko Yesu akasa oko Yerusalema,

¹³ mobimya emitahi yamabondo, mobayahindana naye, ibakabirikira, bati, Hosana: oyu kasa omu rina ryoMukama ari nomuyisa, ye Mwami wa Israeli.

¹⁴ Yesu abere abibana ekyana kyepunda, mwikala kukyo; ngoko kisakire, kiti,

¹⁵ Siubahe uwe mwali wa Siona: langira, omwami wawe akasa, inianikere oko kyana kyepunda.

¹⁶ Abiga biwe mobataminya emyatsi eyi erimbere: nikwa omugulu Yesu abihabwa olukengerwa, neryo mobibuka kwe myatsi eyi yasakawa busana naye, ngoko bamuyira batya.

¹⁷ Nendeko eyabya haguma naye ekiro abirikira Lazaro omwisinda, nerimulubukya oko baholi, mobatula mwatsi wuwe.

¹⁸ Busana nomwatsi oyu endeko moyaya hindana naye, kusangwa bowa kwakola ekitikotiko eki.

¹⁹ Neryo abaFarisayo mobabuga omukati-kati kabo, bati, Mulebaye, ko hate ekyo mwangakola; lebaya e kihugo kyosi kyamamukwama.

AbaGiriki bakasonda erilola uku Yesu

²⁰ Nikwa habya abandi baGiriki omukati-kati kabayasaba oko kiro kikulu:

²¹ mobahika uku Filipo, munyaBetesaida yeGahlaya, mobamubulya, bati, Mukama, twanzire erilola uku Yesu.

²² Filipo mwayabwira Anderea: Anderea na Filipo, mobayabwira Yesu.

²³ Yesu mwasubiryabo, ati, Endambi ya mahika, oMugala womundu ahabawe olukengerwa.

²⁴ Kundu, kundu, ngabuga nenyu, nyiti, Embuto yenganu yamatindato gera omo kitaka nerihola ikikala yoyene; nikwa yamahola ika buta ebiguma binene.

²⁵ Oyu kanza engebe yiwe akatalayayo; noyu kakwa engebe yiwe ye kiniga omo kihugo kino akabikayo erihika oko ngebe yerikota.

²⁶ Omundu amanyikolera, angwame; naho nyiri, omugombe wage asyabyaho: omundu amangolera, Tata asyamusikya.

²⁷ Na lino omutima wage ali nobulige; nyibugeki kwehi? Nyiti, Tata, unyilamaye omo ndambi eyi? kusangwa Jeyokyaleka inahika oko ndambi eno.

²⁸ Tata, uhe erina ryawe olukengerwa. Nomulenge mwalwa elubula ati, Nabiriharyo olukengerwa, ngandiswaharyo oluke ngerwa.

²⁹ Nendeko eyabya ihangena hakuhi, eyowago, moba buga, bati, Ni mulumo: abandi bati, Omulaika amabuga naye.

³⁰ Yesu mwasubirya, ati, Omulenge oyo siaritasa busana nage, nikwa busana nenyu.

³¹ Lino ni tswera rye kihugo kino: lino omutabali we kihugo kino akagusawa eyihya.

³² Nage nama sumbirwa endata oko kihugo nasyakurira abandu bosi ukwingye.

³³ Nikwa abuga eki eriminyisa omusindo woluholo olo akandi syahola.

³⁴ Neryo endeko moyamusubirya, iti, Twabiriowa mubihano ko Kristo asikala na kera: niki kikaleka iwabuga uti, oMugala womundu atolere iniasumbirwa endata kwehi? oMugala womundu oyo ni ndi kwehi?

³⁵ Yesu mwabuga nabo ati, Hakisiya katambi kake ekyakakala kikine omukati-kati kenyu. Mulendere mukiri nekyakakala, omwirimya ate aba tanga: noyo kalendere mo mwirimya siarimmya eya akaya.

³⁶ Omugulu muri nekyakakala, mwikiriraye ekyakakala, mubye abagala bekyakakala. Yesu Yesu abere abibuga emyatsi eyi, mwagenda mwabisamabo.

Abagana eriikirirya

³⁷ Nikwa nomwanakola ebitikotiko bingi embere syabo, moba tamwikirirya:

³⁸ eKinywa kya Isaya muminyereri ikyatoka eri bererera, ekyabuga ati, OMukama, ni ndi wikirirye eritulago ryetu kwehi? Nokoboko kwoMukama kwamabibisulirwandi kwehi?

³⁹ Busana nomwatsi oyu mobatatoka erikirirya, kusangwa Isaya mwaswabuga, ati.

⁴⁰ Abiriliba ameso wabo, abirikalya mitima yabo; Sibalangire omo meso wabo, neriminya omo mitima yabo, Bakabinduka, nage ngalamyabo.

⁴¹ Isaya mwabuga emyatsi eyi, kusangwa mwalola oko luke ngerwa luwe; nakandi mwamwahula.

⁴² Nikwa bangi boko barongani mobamwikirirya; nikwa busana nabaFarisayo moba tetakangyaryo, busana neribuga bati bakasyalusibwa omu nyumba yerihindana:

⁴³ kusangwa mobanza olukengerwalwabandu kwilaba olukengerwa lwoMungu.

Ni Mungu oyo watuma Yesu

⁴⁴ Na Yesu mwabirikira, ati, Oyu wamanyikirirya, siarinyi kiriraya, nikwa akikiriraya oyo wanyituma.

⁴⁵ Noyu kanyilo lako akalola kwoyo wanyituma.

⁴⁶ Namasa omo kihugo indi ekyakakala, oyu kanyikiriraya sikale omo mwirimya.

⁴⁷ No mundu amowa ebinywa byage, atebikabyo, sindimutswera lubi: kusangwa mondasa eritswera e kihugo, nikwa erilamya e kihugo.

⁴⁸ Oyu kanyigana, isiariangirira ebinywa byage, awite oyu kamutswera: eKinywa nabuga kyo kikandisyat nutswera oko kiro kyenyuma.

⁴⁹ Kusangwa mondabuga busana nage ingyowene; nikwa Tata wanyituma, yowanyitegeka, ebyo nyitolere eribuga nebyo nyitolere erikangirirya.

⁵⁰ Nyasi eritegeka riwe ni ngebe yerikota; neryo ebyo ngabuga, ngabuga ngoko Tata abirimbwira.