Yoane 1 - Nouveau Testament et Psaumes en Ndandi Version 1962

eKinywa

¹ Okwitsuka mohabya eKinywa, neKinywa mokyabya haguma noMungu, neKinywa kyabya Mungu.

² Nakyo mokyatsuka haguma noMungu.

³ Ebindu byosi mwabumbabyo; na butsira iye sihari kindu kyabumbawa ekyabiribumbwa.

⁴ Mwiye habya engebe; nengebe moyabya ekyakakala kyabandu.

⁵ Ne kyakakala kikakoleraya omo mwirimya; nomwirimya mwata kindakyo.

⁶ Omundu mwasa, oyo watumawa noMungu, erina riwe ryabya Yoane.

⁷ Ni ye oyo wasa neritulago, neryo atule omwatsi wekyakakala, neryo abosi bikiriraye busana naye.

⁸ Iye syabya ekyakakala ekyo, nikwa mwasa atule omwatsi wekyakakala.

⁹ Kyo kyabya ekyakakala kyakwenene, ekikako leraya bandu bosi abakasa omo kihugo.

¹⁰ Abya mona kihugo, ne kihugo yo wabumbakyo, ne kihugo mokitetamuminya.

¹¹ Iye mwasa oko biwe, nabo ababya buwe mobatetamukokya.

¹² Nikwa abosi bambukokaya abo mwahabo ehamuli eribya abana boMungu, abo abakikiriraya oko erina riwe:

¹³ ababutawa butsira omusasi, butsira erisonda ryomubiri, nobutsira erisonda ryomundu, nikwa eryoMungu.

¹⁴ NeKinywa mo kyabya mubiri, mokikala omo katikati ketu (netu motwalangira olukengerwa luwe, olukengerwa ngolwoyo wabutawa iyowene erilwa na Tata), iniuswire nolukogo nekwenene.

¹⁵ Yoane mwatula omwatsi wuwe, mwabirikira, ati, Oyu yoyo nahula, nyiti, Oyo akasa enyuma syage, yowabya emuliro wage: kusangwa abya iniane embere syage.

¹⁶ Kusangwa okwiusula riwe itwe bosi motwimya, olukogo endata oko lukogo.

¹⁷ Ku sangwa ebihano byahabawa omo Musa; olukogo nekwenene mobyasa na Yesu Kristo.

¹⁸ Sihari mundu abirilola oko Mungu na kera; oMugala mubutwa muguma, oyuri oko kikuba kyaTata abirimuminyikalya.

Eritulago ryaYoane

¹⁹ Neritulago ryaYoane ryeri omugulu abaYuda bamutu mako abahereri na baLawi bakalwa Yerusalema erimubulya, bati, Urindi?

²⁰ Naye mwakangya, mwatagana; nikwa mwa kangya, ati, Sindi Kristo.

²¹ Nabo mobamubulya, bati, Nikwa urindi? Uri Elia kwehi? Naye ati, Ingye eyihi. Uri mumi nyereri kwehi? Naye mwasubirya, Eyihi.

²² Neryo mobabuga naye, bati Uwendi kwehi? Itwatoka erisubirya abariatutuma. Ukabugaki busana nawe kwehi?

²³ Naye mwabuga, Ndimulenge woyo kabirikira omo mbwarara, ati, Tungananaya enzira yoMukama, ngoko muminyereri Isaya abuga.

²⁴ Nabo batumawa na baFarisayo.

²⁵ Mobamubulya, neribuga naye, bati, Ukabatisaya busana naki, wamabya ute Kristo, kutse Elia, kutse muminyereri?

²⁶ Yoane mwasubiryabo, ati, Ngabatisaya omo magetsi: nikwa omukati-kati kenyu muhangene muguma oyo mutasi

²⁷ oyo yukasa enyuma kwingye, omuliki wenge ndero yiwe ingye sinyitolere erikundulago.

²⁸ Emyatsi eyi yakolawa eBetania eyisirya weYorodani, aho Yoane abatisiraya.

Ekyana kyembuli kyoMungu

²⁹ Engyakya mwalangira Yesu akasa eyari, mwabuga, ati, Lebaya eKyana Kyembuli kyoMungu, ekikalusaya ebibi byeki hugo!

³⁰ Oyu yoyo nahula nyiti, Enyuma kwingye omundu anemwasa oyu abiribya emuliro wage: kusangwa abya embere syage.

³¹ Nage sinabya nyimwasi; nikwa aminyikalibawe oko Israele kyo kyaleka inasa eribatisya omo magetsi.

³² Na Yoane mwatula mwatsi, ati, Monalangira eKirimu kikandagala kikalwa elubula nga kalikuku; mokikala ukwiye.

³³ Nage mondamu minya; nikwa oyo wanyituma eribatisya omo magetsi yo wambwira, ati, oyo wasyalangira eKirimu kikamwandagalilako, neriikala kwiye, yoyo kabatisaya omo Kirimu Kibuyirire.

³⁴ Nage nabirilangira nabiritula omwatsi, nyiti oyo yo Mugala woMungu.

Abiga berimbere

³⁵ Na kandi engyakya Yoane abya imene, nabiga biwe babiri;

³⁶ mwalangira Yesu akagenda, mwabuga, ati, Lebaya eKyana Kyembuli kyoMungu!

³⁷ Nabiga abo babiri mobowa akabuga mobakwama Yesu.

³⁸ Na Yesu mwakeba, mwalangira ibana mukwamire, neryo mwabuga nabo, ati, Mukasondaki kwehi? Nabo mobamubwira, bati, Rabi (eribindulakyo riti Muka ngirirya), Wikerehi?

³⁹ Naye mwabwirabo, ati, Mwase, mukandilebyaho. Neryo mobasa mobalangira abikere; nabo mobikala naye ekiro ekyo, yabya endambi ikumi.

⁴⁰ Omuguma woko babiri abowa Yoane akabuga nerimukwama, abya Anderea, mugala wabo Simoni Petero.

⁴¹ Mwatsuka eribana mugala wabo ye Simoni, mwamubwira, ati, Twabiribana Mesia (eribindula, riti ye Kristo).

⁴² Mwamuleta uku Yesu. Yesu mwamutungerera, mwabuga, ati, Uri Simoni, mugala wa Yoane: wasyahulwa mo Kefa (eribindularyo, riti, Petero).

Filipo na Natanaeli

⁴³ Nengyakya abya anzire eriya eGalilaya, neryo mwabana yo Filipo; Yesu mwabuga naye, ati, Unyikwame.

⁴⁴ Na Filipo abya we Betesaida, omuyi wa Anderea na Petero.

⁴⁵ Filipo mwabana Natanaele, mwabuga naye, ati, Twabiribana oyo Musa mwasaka omo bihano, nabaminyereri basaka busana naye, bati, Yesu weNazareti, omugala waYosefu.

⁴⁶ Natanaele mwabuga naye, ati, Ekindu kyowene kyanganalwa eNazareti kwehi? Filipo mwabuga naye, ati, Asa ulebaye.

⁴⁷ Yesu mwalangira Natanaele akasa kwiye, neryo mwabuga busana naye, ati, Lebaya, muIsraeli wekwenene, oyo te mo matebo.

⁴⁸ Natanaele mwabuga naye, ati, Wanyiminyira hahi? Yesu mwasubirya mwabuga naye, ati, Embere Filipo isiariakubiri kira, omugulu ulwe mo ndina yomuti wamtini, monakulangira.

⁴⁹ Natanaele mwamusubirya, Mukangirirya, uri Mugala wo Mungu; uri Mwami waIsraele.

⁵⁰ Yesu mwasubirya mwabuga naye ati, Kusangwa namabuga nawe, nyiti, Mongakulangira omo ndina yomuti gomtini, wamikirirya kwehi? Wasyalola oko myatsi minene kweyi.

⁵¹ Neryo mwamubwira, ati, Kundu, kundu, ngabuga nenyu, nyiti, Mwasyalangira olubula ilukingu kere, nabalaika boMungu bakahetuka neriandagalira oko Mugala womundu.