Yakobo 5 - Nouveau Testament et Psaumes en Ndandi Version 1962

Erikunga abebindu

¹ Inywe, abebindu mwase, murire mususumane busana namalige awakandisyabahikako.

² Ebindu byenyu byabiri honda nesyongimba syenyu syabiriribwa nehinyurugunzu.

³ Zahabu syenyu nebitsipa byenyu byabirikwa amakenge, na makenge wabyo asyabya mulangiri busana nenyu asyarya emibiri yenyu ngomuliro. Mwabiriyibikira ebindu busana nebiro byenyuma.

⁴ Lebaya, ebihembo byabagesi benyu aba gesa amarima wenyu, ebyo mwimabo neriteba, bikabirikira; nerilaka ryabagesi ryabirihika omo matwi woMukama wemi londo.

⁵ Mwabiriikala omo kihugo omo bindu neriyitsemesya; mwabiriugutya emitima yenyu omo kiro kyerikera.

⁶ Mwabi ritswera lubi, mwabiriita oyu tunganene; naye isiaritalwa nenyu.

Erisika

⁷ Neryo, bagala betu, mulindirire, erihika aho oMukama asyasira. Lebaya omulimi akalinda ebiguma bye kihugo ebye nzwere nene, akalindirirabyo erihika aho asyabanira embula eyerimbere ne yenyuma.

⁸ Nenyu mulindirire mutya. Musi kaye emitima yenyu, kusangwa erihika ryoMukama riri hakuhi.

⁹ Abagala betu, simutongane, mukasyatswerwa lubi; lebaya, oMutsweri ahangene embere wesyonyui.

¹⁰ Abagala betu, muleberaye oko baminyereri ngo lulengo lweriagalwa nerilinda ababuga omo rina ryoMukama.

¹¹ Lebaya, tukahulabo mo bomuyisa abasika. Mwabiriowa erisika eriteluha ryaYobu, kandi mwabirilangira erisonda ryoMukama, ngoko Mukama ni weriganyira nolukogo.

Simulahiraye

¹² Nikwa kwilaba ebyosi, bagala betu, simulahiraye, kutse elubula, kutse e kihugo kutse erindi erilahirya eryosi, nikwa ega yenyu ibye ega, ne yihiyenyu ibyeyihi simubane eritswerwa lubi.

Obutoki bwerisaba

¹³ Hari mundu wa kwinywe oyu kagalawa kwehi? Asabe. Hari oyu katsema kwehi? Imbe eripipa.

¹⁴ Hari omukati-kati kenyu oyu lwere kwehi? Abirikire abakulu bekanisa, bamu sabire, nerimuhakabya maguta omo rina ryoMukama;

¹⁵ neri saba ryerikirirya ryasyalamya omundu ulwere, noMukama asyamuhangania; amabya arikola ebibi, asyabuyirwa.

¹⁶ Neryo mukangananaye ebibi byenyu, nerisabirana, imwatoka erila mibwa. Erisaba ryomundu oyu tunganene riwite obutoki bunene omwikola ryaryo.

¹⁷ Elia abya mundu womusindo wetu naye mwasaba nomuhwa ati embula siswewa, neryo mwitaswawa omo kihugo emituta isatu nemikera ndatu,

¹⁸ Kandi mwaswasaba nolubula molwaleta embula, ne kihugo mokyaswabuta ebiguma byakyo.

¹⁹ Abagala betu, omundu wakwinywe amatala akalwa omo kwenene nogundi amamusubulya,

²⁰ aminye kwoyu ukasu bulaya omukola nabi akamulusaya okwitala ryenzira yiwe asyalamya ekirimu kiwe omo luholo kandi asyakuningira ebibi binene.