Matayo 7 - Nouveau Testament et Psaumes en Ndandi Version 1962

Eritswera

¹ Simutswere, imomutatswerwa.

² Kusangwa omwitswera eryo mukatswera mwasyatswerwa muryo, nolulengo olo mukalengamo mwasyalengerwa mulo.

³ Busana naki ukalangira akati akari omo riso rya mugala wenyu, nikwa surihenga ekitika ekiri omo riso ryawe kwehi?

⁴ Kutse ukabwira mugala wenyu yuti, uti, Taleka natalusya akati akari omo riso ryawe, nekitika kikine omo riso ryawe kwehi?

⁵ Uwe mutebya, tsuka erilusya ekitika ekiri omo riso ryawe, neryo wasyalangira ndeke erilusya akati akari omo riso rya mugala wenyu.

⁶ Simuhe esyombwa syekibuyirire; simuguse esyolulu syenyu emuliro wesyongurube isisyaryatangirirasyo omo bisandu byasyo isyabinduka nerilwa nenyu.

Erisabanerihabwa

⁷ Mubulaye, mwasyahabwakyo; musonda-sonde mwasyabana; mukongote, mwasyakingulirwalo.

⁸ Kusangwa omundundi oyu kasaba akimaya, noyu kasonda-sonda akabanakyo, na kwoyu kakongota lwasyakingulwa.

⁹ Kutse ni mundundi kwinywe, omugala wuwe amamusaba obundu, iniamuha eribwe kwehi?

¹⁰ Kutse amamusaba erihere, iniamuha enzoka kwehi?

¹¹ Mwamabya imuri babi, munasi eriha erihitya ryowene oko bana benyu, Tata wenyu oyuri omo lubula sialabire kwaho eriha ebindu byowene oko bakamusaba kwehi?

¹² Neryo kinduki mukasonda bandu babakolere, nenyu mukolebo mutya; kusangwa eri ni bihano nabaminyereri.

Erilimbo ike

¹³ Mwingira omwirimbo ike; kusangwa eririmbo ni rigali nenzira ni nyigali nenyolo ebikalolaya okwihera, nabakingiramo ni bangi.

¹⁴ Kusangwa eririmbo nike nenzira ikalire ebikalolaya oko ngebe, nabakabanayo ni bake.

Abaminyereri bamabihi

¹⁵ Muyitegaye busana nabaminyereri bamabihi, abakabahikako omo syongimba syesyombuji nikwa omwisi ini mbwa syomoli.

¹⁶ Mwasyaminyererabo ko biguma byabo. Ebinyu bikohawa oko misakisaku, kutse mitini oko matolu kwehi?

¹⁷ Ritya omuti mubuya akabuta ebiguma byowene, nikwa omuti mubi akabuta ebiguma bibi.

¹⁸ Omuti owene siangatoka eributa ebiguma bibi, kandi nomuti mubi siangatoka eribute ebiguma byowene.

¹⁹ Oburi muti owatebuta ebiguma byowene akakondawa inaguswa oko muliro.

²⁰ Ritya mwasyaminyerabe oko ebiguma byabo.

²¹ Omundu oyu kabuga nage ati, Mukama Mukama, yu tesingira omo bwami welubula, yonoyu kakola erisonda ryaTata wage oyuri elubula.

²² Oko kiro ekyo bang basyabuga nage bati, Mukama, Mukama, motutaminyerera omo rina ryawe, motutagusa esyombinga mo rina ryawe, motutakola emibiri yamaka omo rina ryawe kwehi?

²³ Nage nasyabwirabo nyiti, Mondabaminya na kera; munyilwire hano inywe bakoli bebibi.

Erihimba okwibwe

²⁴ Oburi mundu oyu kowa ebinywa byage ebi akakolabye asyabya ngomundu wamenge oyo wahimba enyumba yiwe okwibwe;

²⁵ nembula moyawa, nekigeri mokyasa, nekihung; mokyabuhirira mobyayiswirya oko nyumba eyo, nikwa moyitatera, kusangwa moyahandwa okwibwe.

²⁶ Kandi obur mundu oyu kowa ebinywa byage atekolabyo asyabya ngomundu mukiru oyu wahimba enyumba oko misege;

²⁷ nembula moyawa, nekigeri mokyasenda, nekihunga mokyabuhirira mobyayiswirya oko nyumba eyo, moyatera; kandi neritera ryaye moryabya inene.

²⁸ Neryo Yesu abere abibuga ebinywa ebi, esyondeko mo syasweka busana nerikangirirya riwe,

²⁹ kusangwa mwakangi rirya ngoyu wite ehamuli, butsira nga basaki babo.