Matayo 27 - Nouveau Testament et Psaumes en Ndandi Version 1962

Yuda mwayita

¹ Neryo bwasonda erikya, abahereri bakulu bosi nabakulu babandu mobaya embita yeriita Yesu;

² mobamuboha mobamutwala nerimuha oko Pilato murongani.

³ Neryo Yuda, omuhoteri wuwe, mwalebya kwamasingwa, mwabinduka mwa subulya ebihande byebitsipa amakumi asatu oko bahereri bakulu na bakulu,

⁴ ati, Nabirikola nabi erihotera omusasi owate nolubanza. Nabo mobabuga bati, Ekyo niki kwitwe kwehi? Olo ni lwawe.

⁵ Naye mwagusa ebihande byebitsipa ahisi omo hekalu mwalwaho; mwagenda mwayayihanika.

⁶ Nikwa abahereri bakulu, mobimya ebihande byebitsipa, bati, Siritolere oko bihano erihirabyo omo kibu, kusangwa ni byo buguri bwomusasi.

⁷ Neryo mobaya embita, mobagula kubyo kwekitaka kyomubumbi, busana nerita abagendi.

⁸ Neryo elotaka ekyo kikahulawa kitya erihika na lino mo kitaka kyo musasi.

⁹ Neryo mokyaberera ekyabugawa nomuminyereri Yeremia, ati, Mobimya ebihande byebitsipa amakumi asatu, obuguri bwoyo abandi abagala baIsraeli bahira kwenzwere,

¹⁰ mobahabyo busana nekitaka kyomubumbi, ngoko oMukama anyitegeka.

Yesu emuliro waPilato

¹¹ Nikwa Yesu mwahangana emuliro womurongani; noinu rongani mwamubulya ati, Uri mwami wabaYuda kwehi? Yesu mwabuga naye ati, Wamabibuga,

¹² Nikwa omugulu ahandi kirirawa na bahereri bakulu na bakulu, mwatasubyaki.

¹³ Neryo Pilato mwabuga naye ati, Suritowa emyatsi ingaha bakakuhandikirira kwehi?

¹⁴ Nikwa mwatamusubirya, kutse noko kinywa nekiguma; kyaleka omurongani inasweka kutsibu.

¹⁵ Nikwa okwirya eryo omurongani agenda akaboholera endeko omundu muguma womuliki oyo banzire.

¹⁶ Neryo oko mugulu oyo babya bawite omundu womuliki oyo wabya asibwe ndeke ahulawa mo Baraba.

¹⁷ Neryo babere babihindana, Pilato mwabuga nabo ati, Ni ndi yo mwanzire inababoholera kwehi? Baraba kutse Yesu oyo kahulawa mo Kristo kwehi?

¹⁸ Ku sangwa abya asi ko bamuhotera busana neritsuro.

¹⁹ Kandi, omugulu abya ikere oko kitumbi kyeritswera, mukaliwe mwa mutumirako ati, suyihire omo mwatsi womundu utunganene oyo na hake, kusangwa nabiriagalwa kutsibu omwilota muna bwire busana naye.

²⁰ Nikwa abahereri abakulu na bakulu mobahana endeko babulaya busana na Baraba baheraye Yesu.

²¹ Omurongani mwabuga kandi nabo ati, Ni ndi oko babiri yo mwanzire inababoholera kwehi? Mobabuga bati, Baraba.

²² Pilato mwabuga nabo ati, Neryo ngandikolaki na Yesu oyu kahulawa mo Kristo kwehi? Abosi mobabuga bati, Abambawe oko musalaba.

²³ Naye mwabuga ati, Busana naki, akolire ekibi kyahi kwehi? Nikwa mobalabya kwaho emilenge bati, Abambawe oko musalaba.

²⁴ Neryo Pilato amabilangira kwate ngatoka erikolaki, nikwa olukanda lunene lukandibyaho, mwimya amagetsi mwanabya ebyala biwe embere syendeko, ati, Ingye sindi ko kibi kyomusasi womundu oyu tunganene; olo ni lwenyu.

²⁵ Abandu bosi mobasubirya bati, Omusasi wuwe abye kwitwe noko bana betu!

²⁶ Neryo mwaboholerabo Baraba, neryo abere abiswirya Yesu emikoba, mwamuhabo eribambwa oko musalaba.

Embita yamahwa

²⁷ Neryo abasoda bomurongani mobatwala Yesu omwibu giro, mobahindania omulondo gosi wabasoda embere siwe.

²⁸ Mobamwambula kwesyongimba mobamwambalya ekanzu yomunyama,

²⁹ mobaluka embita yamahwa mobahirayo oko mutwe wuwe, mobahira olubingo omo byala biwe byamali. Mobamukukamira mobamusiningulira bati, Obuholo, Mwami wa baYuda!

³⁰ Mobamutwira kwamatande, mobimya olubingu mobamuswirya oko mutwe.

³¹ Neryo babere babimusiningu lira, mobamwambula kwekanzu, mobamwambalya esyongimba siwe, mobamutwala eriyabambwa oko musalaba.

Eribambwa

³² Babere bakalwaho, mobahindana nomundu weKurene, oyu kahulawa mo Simoni; mobahatikana mundu oyo bati aheke omusalaba wuwe.

³³ Neryo babere babihika ahakahulawa mo Golgota (eribindula riti aherihanga),

³⁴ mobamuha ebinyu ebitulungene nendulu eripulya; nikwa mwaganabyo abigerya byo.

³⁵ Neryo babere babimubamba oko musalaba, mobagaba esyongimba siwe omukati-kati kabo mobakanga obukanga;

³⁶ neryo mobikala ahisi mobamuteya aho.

³⁷ Nendata oko mutwe wuwe mobahira erihandikirira erisakire riti, Oyu ni Yesu oMwami wabaYuda.

³⁸ Neryo abanyeyi babiri moba bambwa oko misalaba haguma naye, omuguma oko mali nogundi oko malembe.

³⁹ Nabalabaho mobamutsuma baka sukya emitwe yabo

⁴⁰ bati, uwe wangaherya ehekalu neriswa himbayo omo biro bisatu uyilamaye! Wamabya uri Mugala woMungu, ukime ulwe oko musalaba.

⁴¹ Batya abahereri nabasaki nabakulu mobamusiningulira, bati,

⁴² Mwalamya abandi; siaritoka eriyilamya. Ni mwami wa Israeli; alwe oko musalaba linolino, netu twasyamwikirirya.

⁴³ Akayiketera Mungu; Mungu amutongolaye lino, amabya amwanzire; kusangwa mwabuga ati, Indi Mugala woMungu.

⁴⁴ Naba nyeyi ababambawa haguma naye nabo mobamutsuma batya.

Oluholo lwa Yesu

⁴⁵ Nikwa eritsuka oko ndambi yendatu erihika oko ndambi yomwenda mohabya omwirimya omo kihugo kyosi.

⁴⁶ Hakuhi nendambi yomwenda Yesu mwabirikira nomulenge munene ati, Eli, Eli, lama sabaktani kwehi? eribindula riti, Mungu wage, Mungu wage, busana naki ukanyisiganaya kwehi?

⁴⁷ Abandi boko babya bimeneho babere babiowakyo, moba buga bati, Omundu oyu akabirikira Elia.

⁴⁸ Neryo-neryo muguma wakubo mwatibita mwimya esifongo, musulyayo mwepata mwahirayo oko lubingu mwamuhayo eripulya.

⁴⁹ Nikwa abandi bati, Ulinde, twatalebya nga Elia akandiasa erimulamya.

⁵⁰ Kandi Yesu mwaswabirikira nomulenge mu nene mwaha ekirimu kiwe kyenzira.

⁵¹ Neryo lebaya, omwenda munene gomo hekalu mwasatibwa mwibiri, eritsuka endata erihika ahisi; ne kihugo mokyatitimana, namabwe mwasata ngika;

⁵² nesisinda mosyakingulwa, nimibiri mingi yababu yirire ababya bari to moyalubukibwa,

⁵³ mobalwa omo masinda enyuma werilubuka riwe mobaya oko muyi abuyirire mobabutukira abangi.

⁵⁴ Omugulu omukulu wabasoda naba bya haguma naye, abategaya Yesu, babere babilangira omusiki nebyamabya, mobubaha kutsibu, bati, Kwenene oyu alwe mugala woMungu!

⁵⁵ Kandi habya abakali bangi aho, ibani mene hali bakalebya, abakwama Yesu akalwa eGalilaya, bakamukolera;

⁵⁶ ukubo habya Maria Magdalene, na Maria nyinya wa Yakobo na Yose, na nyinya wabagala ba Zebedayo.

Eritabzoa rya Yesu

⁵⁷ Bwabere bwabya igologolo, mohasa omundu webindu alwa Arimatia, erina riwe Yosefu, oyo wabya mwiga wa Yesu.

⁵⁸ Oyo mwaya uku Pilato mwasaba omubiri wa Yesu. Neryo Pilato mwategeka ati, ahabawego.

⁵⁹ Neryo Yosefu mwimya omubiri, mwalangira kugo ko lukimba lwomusohe,

⁶⁰ moba hirago omwisinda yiwe nyihyanyihya, eyo abatsa omwibwe; mwakumbagarirya eribwe inene oko lukyo lweyisinda, mwa genda.

⁶¹ Maria Magdalene nogundi Maria babyaho, ibanikere eyisiria okwisinda.

⁶² Nengyakya ekiro kikwamire Erikokotya, abahereri bakulu na baFarisayo mobahindana embere syaPilato

⁶³ bati, Mukama, twamibuka ngoko mutebya oyo mwabuga akiriho ati, Enyuma webiro bisatu nasyalubuka.

⁶⁴ Neryo utegeke eyisinda iteyi bawe erihika oko kiro kyakasatu, sibase bakamwiba, bakabwira bandu ambu, Abirilubuka oko baholi, neriteba ryerinyuma iryabya ibi kwilaba eryerimbere.

⁶⁵ Pilato mwabuga nabo ati, Munawite abateya babasoda; mugende, muwatayeyo ngoko mwasi.

⁶⁶ Neryo mobayawatya eyisinda erihiraho ekibohi okwibwe nerihiraho abateya.