Matayo 25 - Nouveau Testament et Psaumes en Ndandi Version 1962

Abakondo ikumi

¹ Neryo obwami bwelubula bwasyalingiranibwa nabakondo ikumi abaheka esiseke syabo neriya hindana niba womu heruki.

² Abatanu bakubo babya bikiru, nabatanu babya bamenge.

³ Kusangwa omugulu ebikiru baheka esiseke syabo, mobataheka amaguta haguma nabo;

⁴ Nikwa abamenge mo baheka matambya wamaguta haguma nesiseke syabo.

⁵ Neryo omugulu iba womuheruki arindirira, abosi mobayitsingirako mobaya to.

⁶ Nikwa omo kati kanene mohabya omulenge ati, Lebaya, iba womuheruki! Mwase muhindane naye.

⁷ Neryo abakondo abo abosi mobahangana mobatwa amakala okwiseke syabo.

⁸ Ebikiru mobabwira abamenge bati, Mutuhe oko maguta wenyu, kusangwa esiseke syetu sikahombera.

⁹ Nikwa abamenge mobasubirya bati, Mbino sienditutsungana itwe nenyu; nikwa mugende oko batundya muyigurire.

¹⁰ Nomu gulu bayagula, iba womuheruki mwasa, nababya banalumire mobingira haguma naye okwirya ryeriherukya; noluyi molwa kingwa.

¹¹ Nenyuma abandi bakondo nabo mobasa, bati, Mukama, mukama, utukingurire.

¹² Nikwa mwasubirya ati, Kwenene, ngababwira, sinyibasi.

¹³ Neryo mutegaye, kusa­ngwa simwasi ekiro kutse endambi.

Omusyo weritundya

¹⁴ Kusangwa kyasyabya ngo mundu oyo wagenda oko lugendo omo kindi kihugo, neryo mwabirikira abagombe buwe mwasigirabo ebindu biwe;

¹⁵ oko muguma mwaha esyofaranka maelfu magana abiri na makumi atanu, noko gundi esyofaranka maelfu erigana, noko gundi maelfu makumi atanu, oko buri mundu nga menge wuwe. Neryo mwagenda.

¹⁶ Oyo wimaya esyofaranka maelfu amagana abiri na makumi atanu mwaya tundyasyo neryo-neryo; mwabana mwendundi awandi maelfu amagana abiri na makumi atanu.

¹⁷ Ritya, oyo wabya na maelfu erigana mwatundya mwabana awandi maelfu erigana.

¹⁸ Nikwa oyo wimaya esyofaranka maelfu makumi atanu, mwaya takula omo kitaka mwabisa esyofaranka syomukama wuwe.

¹⁹ Nikwa enyuma womugulu muli omukama wabagombe abo mwasa mwabulya eriganza ryabo.

²⁰ Noyo wimaya maelfu amagana abiri na makumi atanu mwahikaho, akaleta awandi amaelfu amagana abiri na makumi atanu, ati, Mukama, mowamba esyofaranka amaelfu amagana abiri na makumi atanu; hano nabiritundya awandi amaelfu amagana abiri na makumi atanu.

²¹ OMukama wuwe mwamubwira ati, Wamakola ndeke, we mugombe owene utibirirawa; suribirirawa oko bike, nasyaku hira eriteya bingi; wingire omo butseme bwomukama wawe.

²² Noyu wabya na maelfu erigana mwasa, ati, Mukama, wamba maelfu erigana; hano nabiritundya awandi maelfu erigana.

²³ OMukama wuwe mwamubwira ati, Wamakola ndeke, we mugombe owene utibirirawa; suritibirirwa omo bike, nasyakuhira eriteya bingi; ingira omo butseme bwomukama wawe.

²⁴ Noyu wimaya esyofaranka amaelfu makumi atanu mwasa ati, Mukama, nabya nyasi kukalire erigesa aho utabiba, nerikumakuma aho utagulukaya;

²⁵ monubaha, monaya bisa esyofaranka syawe omo kitaka. Syesi esyawe une nasyo.

²⁶ Nikwa omukama wuwe mwamusubirya ati, Uwe mugombe mubi mugata! Wariminya ko ngagesa aho ndabiba, nerikuma kuma aho nda-sanza kwehi?

²⁷ Kumbe wahira esyofaranka syage oko bakatundaya, neryo okwihika ryage inimya esyage haguma nendundi.

²⁸ Neryo mumusagulesyo muhesyo oyo wite esyofaranka maelfu magana atanu.

²⁹ Kusangwa oyu wite asyahabwa ebindi, iniabya nebingi kwilaba; nikwa oyu tawite asyasagulwa nebyo awite.

³⁰ Muguse omugombe oyu tekuba lwahi omo mwirimya weyihya; eyo bandu basyaririra nerikere geta ameno wabo.

Eritswerwa ryebihanda

³¹ Omugulu oMugala womundu asyasa omo lukengerwa luwe, nabalaika bosi haguma naye, asikala oko kitumbi kiwe kyolukengerwa.

³² Embere siwe ebihanda byosi byasyahinda nibwa, asya-sololabo ngomulisya kwaka-solola esyombuli omo mbenehene,

³³ asyahira esyombuli oko byala biwe byamali, nikwa esyombenehene oko malembe.

³⁴ Neryo oMwami asyabwira abari oko byala biwe byamali ati, Mwase, inywe Tata wage abirihira komuyisa, murye obwami mo mwandu obwa kokotibawa busana nenyu oko kibanza kye kihugo;

³⁵ kusangwa nabya nenzala momwanyaganula, nabya nenyota momwamba aweripulya, nabya omugeni momwanyikokya,

³⁶ nabya endu mbu momwanyambalya, nabya nyilwere tnomwayanyibana, nabya omo nyumba yomuliki momwanyihikako.

³⁷ Neryo abatunganene basyamusubirya bati, Mukama, twakulolako ukwire enzala nerikwaganula mugulu wahi kwehi? kutse ukwire enyota nerikuha aweripulya kwehi?

³⁸ kandi mugulu wahi twakulolako uri mugeni twakukokya kwehi? Kutse uri endu mbu twakwambalya kwehi?

³⁹ Kandi mugulu wahi twakulo lako unalwere kutse omo nyumba yomuliki twasyakubana kwehi?

⁴⁰ NoMwami asyasubiryabo ati, Kwenene, ngabuga nenyu, ngoko mwakolakyo oko muguma woko bakebake aba bagala betu, ingye mwakolerakyo.

⁴¹ Neryo asyabwira abo ko byala biwe byamalembe ati, Mulwe aho wage, inywe batakirwa, muye omo muliro wakera na kera owakokotibawa busana na Setani na bamalaika bayo;

⁴² kusangwa nabya ngwire enzala momutanyaganula, nabya ngwire enyota momutamba aweri pulya,

⁴³ Nabya mugeni momutanyikokya, nendumbu momu tanyambalya, inyilwere nomo nyumba yomuliki momutayanyi bana.

⁴⁴ Nabo bakandisyasubirya, bati, Mukama mugulu wahi twakulolako unakwire enzala kutse ukwire enyota kutse mugeni kutse endumbu kutse ulwere kutse omo nyumba yomuliki, tutetakukolera kwehi?

⁴⁵ Neryo asyasubiryabo ati, Kwenene, ngabuga nenyu nyiti, ngoko mutakolera omuguma goko bake bake aba, momutakolakyo kwingye.

⁴⁶ Basyagenda omwisu yirwa ryakera nakera, nikwa abatunganene basyaya omo ngebe yerikota.