Matayo 24 - Nouveau Testament et Psaumes en Ndandi Version 1962

Emyatsi eyikandisyasa

¹ Yesu mwalwa omo hekalu neryo abere anemogenda, abiga buwe mobamuhikako mobamukangya emihimbire yehekalu.

² Nikwa mwasubiryabo ati, Emyatsi eyi yosi simwetalangirayo kwehi? Kwenene ngabuga nenyu nyiti, sihendisyasigala hano eribwe riguma endata oko rindi, eritindi syaguswa ahisi.

³ Omugulu abya anikere oko kitwa kyeMizeituni, abiga mobasa ahari bubi-sobiso, bati, Utubwire ngebi byasyabya mugulu wahi kwehi? kandi ekiminyikalo kyerihika ryawe nerihwererera ryemigulu byasyabya biti kwehi?

⁴ Yesu mwa subiryabo ati, Muyitegaye sihabye mundu ukabatalaya.

⁵ Ku sangwa abangi bakandisyasa omo rina ryage, bati Ingye Kristo, basyatalya bangi.

⁶ Mwasyowa amalwa nengulu ya malwa: isimwahahukaya omutima; kusangwa bitolere ibyabyaho, nikwa enduli isiriyaberwa.

⁷ Ekihanda kyasyalwa nekindi kihanda, nobwami bwasyalwa no bundi bwami, hasyabya esyonzala nemisiki ehandi nehandi:

⁸ ebi byosi ni tsuka ryamagali.

⁹ Ba syabaha okwagalibwa neriitwa; Mwasyakubwa obusu nebihanda byosi busana nerina ryage.

¹⁰ Oko mugulu oyo abangi basya suba enyuma, basyahoterana, basyakwana ekiniga.

¹¹ Na baminyereri bangi bamabihi basyahangana basyatalya bangi.

¹² Kandi kusangwa ebibi byasyakanya, olwanzo lwabangi lwasyaholoka.

¹³ Nikwa oyu wasyasika erihika oko nduli asyalamibwa.

¹⁴ Nengulu yowene eyi yobwami yasyatulwa omo kihugo kyosi, ngeriminyisya oko bihanda byosi; neryo enduli iyahika.

¹⁵ Ritya omugulu mwasyalangira ekikalire kyeriherya ekya hulawa nomuminyereri Danieli ikihangene ahabuyirire (oyu kasoma aminye),

¹⁶ Neryo oko mugulu oyo abari omo Yudea basagire oko bitwa;

¹⁷ noyuri endata oko nyumba siakime eriimya ebiri omo nyumba yiwe;

¹⁸ noyuri omwirima siasubire esyongimba siwe.

¹⁹ Kandi obulige oko bakule nabakaha abana mabere omo biro ebyo!

²⁰ Musabe erisaga ryenyu siribye oko mugulu weritsuka kutse oko sabato.

²¹ Kusangwa oko ndambi eyo hasyabya amalige manene owatyatabya okwitsuka rye kihugo erihika na lino, eyihi, na kera siendisya swabya.

²² Kandi kumbe ebiro ebyo sibyetakuhihibwa, sihari mundu wangala mibwa; nikwa busana nabayisogawa ebiro ebyo byasyakuhi hibwa.

²³ Oko mugulu oyo omundu amabuga nawe ati, Lebaya Kristo ari hano! kutse ari harya! Isimwikirirayakyo.

²⁴ Ku sangwa abaKristo bamabihi nabaminyereri bamabihi basyaha­ngana ibakangya bitikotiko binenebinene nebyeriswekera, kyamatokekana, ibatalya abayisogawa.

²⁵ Lebaya, nabiriba bwira erimbere.

²⁶ Ritya, bamababwira bati, Lebaya, ari omo mbwarara, isimwayayo; bamabuga bati, Lebaya, ari omo bisenge, isimwikiriraya.

²⁷ Kusangwa ngoko eripalya rikalwa eyo ryuba rikahuluka rikakolelaya erihika eyo eryuba rikale ngera, ritya erihika eryoMugala womundu ko rikandisyabya ritya.

²⁸ Ahari kinda, ha mahungu asyahindana.

²⁹ Nikwa neryo-neryo enyuma wamalige webiro ebyo eryuba ryasyakinibwa, nomukera siendisyakola, nesyongununu syasya togonga erilwa elubula, nebyamaka byomo matuku byasyatenga tenganibwa;

³⁰ neryo ekitikotiko kyoMugala womundu kya syahuluka omo lubula, noko mugulu oyo ebihanda byosi byomo kihugo byasyasusumana, basyalangira oMugala womundu akasa oko bitu byelubula namaka nolukengerwa lunene;

³¹ asyatuma bamalaika buwe nomulenge munene wengubi, asyahindania abayisogawa buwe erilwa oko mahunga ani, eritsuka oko nduli nguma yelubula erihika oko yindi nduli.

³² Mwigire oko muti womutini omusyo wago; omugulu mutahi wago akabya muleremulere akatoheraya ebikoma byago, mukaminya ko mututa ari hakuhi.

³³ Ritya mwamalangira emyatsi eyo yosi mukaminya kwari hakuhi, okongyo.

³⁴ Kwe nene, ngabuga nenyu, olulengo olu silwendisyahwaho emyatsi eyi yosi yiteyabererera.

³⁵ Elubula ne kihugo byasyahwaho, nikwa ebinywa byage sibendisyahwaho.

³⁶ Nikwa ekiro ekyo nendambi sihari oyo wasi, nomo bangabya abamalaika belubula, kutse oMugala, nina Tata iyowene.

³⁷ Ngoko ebiro bya Noa byabya, ko bikandisyabya bitya okwihika ryoMugala womundu.

³⁸ Kusangwa ngoko biro ebyo embere yerigunga ryamagetsi mobabya bakarya neri pulya, nerihikya neriherukania, erihika ekiro Noa ingira omo bwato,

³⁹ mobataminya erihika aho erigunga ryamagetsi ryasa neritwalabo abosi, ko rikandisyabya ritya eriasa ryoMugala womundu.

⁴⁰ Oko mugulu oyo abalume babiri basyabya omwirima; omuguma asyatwalwa nomuguma asyasigwa.

⁴¹ Abakali babiri basyabya bakaswa oko luso; omuguma asya twalwa nomuguma asyasigwa.

⁴² Neryo mutegaye, kusangwa simwasi nga ku kiro kyahi oMukama wenyu asyasa.

⁴³ Nikwa muminye eki, kumbe mwenye nyumba aribya asi endambi yekiro omurahi akahika, ngabiriteya isiangaleka enyumba yiwe ikatulwa.

⁴⁴ Neryo ritolere imwabya imunalumire; kusangwa oMugala womundu akandiasa oko endambi mutaringikenie.

⁴⁵ Omugombe wa menge noyu tebirirawa nindi, oyo mukama wuwe asigira abenyumba yiwe, erihabo akaryo kabo oko mugulu atolere kwehi?

⁴⁶ Omuyisa ari oko mugombe oyo omu kama wuwe asyasa asyeya akakola atya.

⁴⁷ Kwenene, ngabuga nenyu, asyamuhira endata oko bindu biwe byosi.

⁴⁸ Nikwa omugombe mubi oyo amayibwira omo mutima wuwe ati, OMukama wage alindire,

⁴⁹ iniatsuka eriswirya abagombe bali kyabo, nerirya neripulya nabakundirya,

⁵⁰ omukama womu gombe oyo asyasa oko kiro atamulindirire noko ndambi atasi,

⁵¹ asyamusuyira, nerimuhira haguma nabatebya; eyo bandu basyarira nerikeregeta ameno wabo.