Matayo 23 - Nouveau Testament et Psaumes en Ndandi Version 1962

Erihana busana nabaFarisayo

¹ Kandi Yesu mwabuga nesyendeko na biga biwe,

² ati, Abasaki nabaFarisayo bikere oko kitumbi kya Musa;

³ mukole mubike ebyosi bakababwira, nikwa simukole ngoko bakakola; kusangwa bakatulago nikwa sibekolabyo.

⁴ Baka senge emiheke iritohire eyikalire eriheka, bakahirayo oko bitigo byabandu; nikwa ebo sibesegeryayo nomunwe wabo.

⁵ Nikwa bakakola emibiri yabo yosi erilolwako nabandu; kusangwa bakahira emilondo yerisaba oko syongimba syabo mo bugale bakahamaya emisike yesyongimba syabo,

⁶ banzire aherisi kibwa okwirya nebitumbi ebibuya omo manyumba werihindana,

⁷ neribukibwa omwiguriro, neribirikirwa nabandu mo Muka ngirirya.

⁸ Nikwa inywe simwahulawe mo mukangirirya, kusangwa muguma ni mukangirirya wenyu, nenyu bosi muri bagala babo.

⁹ Simwahule omundu mo tata wenyu monaki hugo, kusangwa muwite Tata muguma, oyuri elubula.

¹⁰ Kandi simwahulawe mo bakama, kusangwa muwite mu kama muguma ye Kristo.

¹¹ Oyuri mukulu omukati-kati kenyu yo wasyabya mugombe wenyu;

¹² oyu wasyayihamya asyakehibwa, noyu wasyayikehya asyahamibwa.

¹³ Nikwa obulige kwinywe, abasaki nabaFarisayo, abatebya! kusangwa mukakingira obwami bwelubula bwabandu; kusa ngwa nenyu simuriingiramo, kutse simweliga abangingira bakingiramo.

¹⁴ Obulige kwinywe, abasaki nabaFarisayo, batebya! kusangwa mukarya amanyumba wabakwakali na bu sana neritebya mukasaba muli-muli; kyasyaleka imwimya olubanza lubi kwilaba.

¹⁵ Obulige kwinywe, abasaki naba Farisayo, abatebya! mukatimbatimba oko ngetsi ne kihugo eriyira omundu muguma mo mubindulwa, neryo mwamabi muyira mutya, mukamuyira mo mwana wekyuna kyomuliro engendo ibiri kwilaba inywe.

¹⁶ Obulige kwinywe, abasondoli ndimatime, abakabuga bati, Omundu amalahirya ehekalu, si mwatsi; nikwa omundu ama lahirya omo zahabu yehekalu, akayiboha omwilahirya riwe.

¹⁷ Inywe bikiru esyondimatime! kusangwa ekilabire mo kikulu ni kyahi, ezahabu kutse hekalu eyikayira ezahabu mo ibuyirire kwehi?

¹⁸ Kandi mukabuga muti, omundu oyu kalahiraya aheriherera, sihari mwatsi; nikwa oyu kalahiraya erihitya eriri aheriherera, akayiboha omwilahirya riwe.

¹⁹ Inywe ndima time! Kusangwa ekilabirye kindi obukulu ni kyahi, erihitya kutse aheriherera ahakayira erihitya mo ribuyirire kwehi?

²⁰ Ritya oyu kalahiraya aheriherera, iniakalahiraya nebyosi biriko;

²¹ kandi oyu kalahiraya ehekalu, akalahirayayo noyo wikeremo;

²² noyu kalahiraya elubula, akalahiraya ekitumbi kyoMungu noyo wikere kukyo.

²³ Obulige kwinywe, abasaki nabaFarisayo, abatebya! ku sangwa mukabana ekiguma kyerikumi kyekomunanaa na bizari na jira, imwabirileka emyatsi mikulu kwaho eyomo bihano, eritswera ritunganene, neriganyira nerikirirya; nikwa ebi mutolere ibyomwakola, neritindaleka ebindi.

²⁴ Inywe ba-so ndoli ndimatime, imukakekena akahuka kake imwamera engamia!

²⁵ Obulige kwinywe, abasaki nabaFarisayo abatebya! ku sangwa mukeraya eyihya yolutehi nekisya, nikwa omwisi moswire erihunga nesyongumbu nyibi.

²⁶ Uwe muFarisayo ndimatime! utsuke erierya omwisi golutehi nekisya, neyihya iyatoka eriera nibya.

²⁷ Obulige kwinywe, abasaki nabaFarisayo, abatebya! ku sangwa muringe sisinda esihakabirye embemba, esikaminyikala eyihya mo nyibuya, nikwa omwisi moswire amakuha wabaholi nebihondire byosi.

²⁸ Nenyu ritya mukaminyikala eyihya nga batunganene oko bandu, nikwa omwisi moswire neriteba nebibi.

²⁹ Obulige kwinywe, abasaki nabaFarisayo, abatebya! ku sangwa mukahimba amasinda wabaminyereri mukabambiraya amasinda wabatunganene,

³⁰ muti, Kumbe twaribyaho oko biro byabotata wetu, nga sitwetabya omo luhota haguma nabo kweriuta omusasi wabaminyereri.

³¹ Mukayiminyikalaya ko muri abagala babita abaminyereri.

³² Ritya, musulaye olu lengero lwabotata wenyu.

³³ Inywe nzoka, abana besyonzoka, mwasyabala muti eritswerwa lubi lwekyuna kyomuliro kwehi?

³⁴ Neryo, lebaya, ngabatumira abaminyereri nabamenge naba saki, nabandi bakubo mwasitabo neribambabo, nabandi mwa syaswiriryabo omo manyumba wenyu werihindana mwasyende reryabo erilwa komuyi okundi nokundi,

³⁵ neryo omusasi atunganene gosi abye kwinywe ogutawa oko kihugo, eritsuka oko musasi wAbele oyu takola nabi erihika oko musasi waZakaria omugala wa Barakia oyo mwitira omukati-kati kahabuyirire naheriherera.

³⁶ Kwenene ngabuga nenyu, ebyosi ebi bikandisyahika oko lulengo olu.

Eririra busana neYerusalema

³⁷ Uwe Yerusalema, Yerusalema, ugu kita abaminyereri ukaswirayabo amabwe abakatumawa kuwe! Ngendo singahi nabya nyanzire erihindania abana bawe nge ngoko ikahindanaya ehyani hyayo omwisi webipupa byayo, imutaliga!

³⁸ Lebaya, enyumba yenyu yamasigirwa mo kihuma.

³⁹ Kusangwa nga babwira nyiti, Simwendisyaswanyilolako erihika aho mwasya bugira muti, Omuyisa ari kwoyu kasa omo rina ryoMukama.