Matayo 22 - Nouveau Testament et Psaumes en Ndandi Version 1962

Eriherukya ryomugala womwami

¹ Kandi Yesu mwabuga nabo omo misyo, ati,

² Obwami bwelubula buringene nomwami oyo wakokotaya erirya ryeriherukya busana nomugala wuwe,

³ mwatuma abagombe buwe eribirikira ababwirawa erisyarya oko byalya beriherukya; nikwa mobagana eriasa.

⁴ Kandi mwatuma abandi bagombe ati, Mubwire ababirikirawa, muti, Lebaya, nabirikokotya erirya ryage, esyonde syage nehyana hesyonde hinenehire hyabiri sinzwa, nebyosi bilumire; mwase okwirya ryeriherukya.

⁵ Nikwa mobatenyeraryo mobayigendera, muguma omwirima riwe, nogundi omo busoki buwe,

⁶ nabasigala mobahamba abagombe buwe mobitabo esisoni, mobitabo.

⁷ Omwami oyo mwahitana, mwatuma emilondo yiwe mwaherya abiti abo mwahisya omuyi wabo.

⁸ Neryo mwabwira abagombe buwe ati, Eriherukya rilumire, nikwa babirikirawa sibabya batolere.

⁹ Mugende omo mahwa wesyonzira, nabosi mukandilola kweyo mubirikirebo okwirya ryeriherukya.

¹⁰ Nabagombe abo mo bagenda omo syombalu mobahindania abosi begayayo, ababi na babuya; ritya enyumba yeriherukya moyosula na bageni.

¹¹ Nikwa omugulu omwami ahikamo erilebya abageni, mwalola oko mundu isiambite olukimba olweriherukya;

¹² mwamu bwira ati, Mwira, uringira muno uti utawite olukimba lweri herukya kwehi? Naye mwayibera bukutu.

¹³ Neryo mwami mwabwira abagombe ati, Mumubohe oko byala nebisandu, mumuguse omo mwirimya weyihya; eyo bandu basyarira neri keregeta ameno wabo.

¹⁴ Kusangwa bangi bakabirikirawa, nikwa abakayisogawa ni bake.

Eririha parata

¹⁵ Neryo abaFarisayo mobaya embita ngoko bangamutega obugobya mwibuga riwe.

¹⁶ Mobatuma abiga babo bo kwiye, nabaHerode, bati, Mukangirirya, twasi kuri kwenene, ukaka ngiriraya enzira yoMungu nekwenene, surisombola omundu; kusangwa suri lebaya obunene bwabandu.

¹⁷ Utubwire, nikwa, ebyo ukaganiraya. Oko bihano rinatolere itwa-solera Kaisari kutse eyihi kwehi?

¹⁸ Nikwa Yesu, inianasi obubi bwabo mwabuga, ati, Busana naki mukanyilengako, inywe batebya kwehi?

¹⁹ Munyikangaye olufaranka lwomusolo. Nabo moba muletera olufaranka.

²⁰ Yesu mwabuga nabo ati, Eki ni kisosekanio neriandika ryandi kwehi?

²¹ Mobabuga bati, Bya Kaisari. Naye mwabuga nabo ati, Muhe Kaisari ebya Kaisari, noko Mungu ebindu byoMungu.

²² Omugulu bowa ebyo, mobasweka; mobamusiga mobagenda.

Omwatsi werilubuka

²³ Oko kiro ekyo baSadukayo mobamuhikako, abakabuga bati sihari erilubuka; mobamubulya,

²⁴ bati, Mukangirirya, Musa mwabuga ati, Omundu amahola, atawite abana, mugala wabo iniasigaria omukwakali, iniaswamubuta kwabana busana na mugala wabo.

²⁵ Nikwa haguma netu habya ababutirwe haguma barinda; owembere mwahikya omukali, mwahola, isiawite abana mwasigira mugala wabo yo mukali.

²⁶ Ritya owakabiri nowakasatu, erihika oko wakarinda.

²⁷ Enyuma wabosi omukali naye mwahola.

²⁸ Nikwa okwilubuka, asyabya mukandi oko barinda abo kwehi? Kusangwa abosi mobamwi mya.

²⁹ Nikwa Yesu mwasubiryabo ati, Mukatala, kusangwa simwasi amasako kutse akagala koMungu.

³⁰ Kusangwa okwilubuka sibehikaya kutse eriherukania, nikwa baringa abalaika welubula.

³¹ Nikwa busana nerilubuka ryabaholi, simweta-soma ebyo Mungu ababwira ati,

³² Ingye ndi Mungu wa Abrahamu, noMungu wa Isaka, na Mungu wa Yakobo kwehi? Iye si Mungu wabaholi, nikwa wabariho.

³³ Omugulu endeko yowa, mobaswekera erikangirirya riwe.

Ekihano kikulu

³⁴ Nikwa omugulu abaFarisayo bowa kwabirigasamia abasadukayo, mobahindana haguma.

³⁵ Nomuguma wakubo, omwimiri, mwamubulya eKinywa busana nerimulengako.

³⁶ Ati, Mukangirirya, ekihano kikulu kyo mobihano ni kyahi kwehi?

³⁷ Naye mwamubwira ati, Wanze Mukama Mungu wawe nomutima wawe gosi, nekirimu kyawe kyosi, noburingi kania bwawe bosi.

³⁸ Eki kyo kihano kikulu ekyerimbere.

³⁹ Nekyakabiri kiringene nakyo kyeki, Wanze mulikyenyu ngoko uyanzire.

⁴⁰ Oko bihano bibiri ebi erihana ryosi rika byako nabaminyereri.

Mugala wa Dawidi

⁴¹ Nikwa omugulu abaFarisayo bahindana haguma, Yesu mwabulyabo eKinywa,

⁴² ati Mukaganirayaki busana na Kristo kwehi? Ni mugala wandi kwehi? Mobamubwira bati, Wa Dawidi.

⁴³ Naye mwabwirabo ati, Dawidi omwisi weKirimu akamwahula mo Mukama ati kwehi? ati,

⁴⁴ OMukama mwabwira Mukama wage, ati, Ikala oko byala byage byamali, Erihika aho nasyahirira esyonzigu syawe omwisi webi sandu byawe?

⁴⁵ Dawidi amamwahula mo Mukama atya, ni mugala wuwe ati kwehi?

⁴⁶ Kandi mohatabya nomuguma oyu katoka eri musubirya eKinywa, kutse mohatabya nomuguma eritsuka ekiro ekyo oyo walenga erimubulya ekindi kinywa.