Matayo 21 - Nouveau Testament et Psaumes en Ndandi Version 1962

Eriingira e Yerusalema

¹ Nomugulu bahika hakuhi neYerusalema bahika eBete fage, oko kitwa kyeMizeituni, Yesu mwatuma abiga babiri,

² mwabwirabo ati, Mugende omo kayi kari embere wenyu, neryo-neryo mukandieya epunda inahangire, nekyana kyayo haguma nayo; muhangulesyo mundeteresyo.

³ Omundu amababwira kindu, mukandibuga muti, OMukama ari nobwaga bwasyo, naye akanditumasyo neryo-neryo.

⁴ Eki kyabya eri berererya ekyabugawa nomuminyereri, ati,

⁵ Mubwire mwali wa Sioni, muti, Lebaya, omwami wawe amasa okuwe, Neriyikehya, iniane oko punda, Noko kyana kyepunda.

⁶ Abiga mobagenda mobakola ngoko Yesu ategekabo;

⁷ mo baleta epunda nekyana kyayo, mobahira kusyo kosyongimba syabo, naye mwikalako.

⁸ Na bangi boko ndeko mobasanza esyongimba syabo omo nzira, nabandi mobatwa emitahi yemiti mobasanzayo omo nzira.

⁹ Nesyondeko esygenda embere siwe nabamukwama mobabuya olukuko bati, Hosana oko Mugala wa Dawidi! Omuyisa abye noyu kasa omo rina ryoMukama! Hosana endata kutsibu!

¹⁰ Omugulu ingira eYerusalema, omuyi gosi mwagulungukania, bati, Oyu nindi kwehi?

¹¹ Ne syondeko siti, Oyu ni muminyereri Yesu akalwa eNazareti we Galilaya.

Yesu mwahiga abatundi

¹² Yesu mwingira omo hekalu yoMungu mwahigira eyihya abosi abagulaya nabagula omo hekalu, kandi mwakubula amatara wabahinganaya esyofaranka nebitumbi byabagulaya hilikuku.

¹³ Naye mwabwirabo ati, Kisakire kiti, Enyumba yage yasyahulwa mo nyumba yerisabiramo; nikwa inywe mwa biriyirayo mo buto bwabanyeyi.

¹⁴ Esyondimatime nebirema mobamuhikako omo hekalu, naye mwalamyabo.

¹⁵ Nikwa omugulu bahereri bakulu nabasaki balangira emyatsi yeriswe kera akola, na bana ibakabirikira omo hekalu bati, Hosana uku Mugala wa Dawidi! mobahitana;

¹⁶ mobamubwira bati, Unowire ebyo bakabuga kwehi? Yesu mwabuga nabo ati, Ega; simweta-soma hati, Erilwa omo buno bwa bana balere na bakarya mabere, wabirileta eripipa erihikene kwehi?

¹⁷ Neri sigabon mwahuluka omo muyi mwaya eBetania mwagotse rayo.

Omuti moma

¹⁸ Omongyakya-ngyakya, abere akasuba oko muyi, mwakwa enzala.

¹⁹ Nerilangira muti womutini oko musike wenzira mwaya ahari, mwatabanaho kindu byene bikoma bisa. Neryo mwabwirago ati, Susyeswaheta ko biguma na kera! NOmuti womutini moma neryo-neryo.

²⁰ Omugulu abiga balangira mobasweka, bati, Omuti womutini amoma neryo-neryo ati kwehi?

²¹ Yesu mwasubiryabo ati, Kwenene ngabuga nenyu, mwamabya neriikirirya isimwetikatika na kera, simwendisya kola ekyo kiriakolawa oko muti womutini kisa, nikwa mwa mabuga nekitwa eki muti, Kulika ugusawe omo ngetsi, kyasya kolwa kitya.

²² Nebyosi mwasyabulya omwisaba, mwasimya, munikirirye.

²³ Kandi omugulu mwingira omo hekalu, abahereri bakulu nabakulu babandu mobamuhikako anemokangirirya, bati, Ukakola emyatsi eyi nehamuli yahi kwehi? noyu wakuha ehamuli eyi ni ndi kwehi?

²⁴ Yesu mwasubiryabo ati, Nage ngandibabulya eKinywa kiguma; nenyu mwamanzubirya, nage ngandibabwira nga ngakola emyatsi eyi yumu hamuli yahi.

²⁵ Eribatisya rya Yoane, ryalwahi kwehi? Yalwa elubula kutse yalwa oko bandu kwehi? Mobakubisania buhaka bati, Twama buga tuti yalwa elubula, akanditubwira ati. Busana naki simu ritamwikirirya kwehi?

²⁶ Nikwa twamabuga tuti, Yalwa oko bandu, tukubaha endeko; kusangwa abosi bakaliga Yoane kwari muminyereri.

²⁷ Kyaleka ibasubirya Yesu bati, Sitwasi Naye mwabuga nabo ati, Kwehi nage sindindibabwira nga ngakola emyatsi eyi nehamuli yahi.

²⁸ Mukaganirayaki kwehi? Omundu abya na bagala babiri; mwaya oko werimbere mwa mubwira ati, Mugala, ugende ukole mubiri omwirima ryebinyu ryage munabwire.

²⁹ Naye mwasubirya ati, Namagana; nikwa enyuma mwabinduka mwayayo.

³⁰ Mwaya oko wakabiri mwa mubwira ngogundi; naye mwamusubirya ati, Ngayayo Mukama, nikwa mwatayayo.

³¹ Oko babiri ni ndi wakola erisonda rise wuwe kwehi? Nabo bati, Owerimbere. Yesu mwabuga nabo ati, Kwenene ngabuga nenyu, nyiti, Abasolesya nabasingiri bakabatanga omo bwami bwoMungu.

³² Kusangwa Yoane mwabahikako omo nzira yeritunganene, nenyu momutamwi kirirya, nikwa abasolesya nabasingiri mobamwikirirya; nenyu nomo mwanalangira mutya, momutabinduka mukamwikirirya.

³³ Mowe ogundi musyo. Habya omundu mwenye nyumba oyu wahere eririma ryebinyu, mwatimbya kwekiyite, mwatakula abo endindo yerikamiramo, mwahimbaho enyumba nyiri, mwa sigiraryo abarimi, mwaya omo kindi kihugo.

³⁴ Ekirimu kyebiguma kyabere kyahika, mwatuma abagombe buwe oko barimi, erienda ebiguma biwe;

³⁵ na barimi mobatsimba abagombe buwe mobaswirya omuguma, mobita ogundi, no gundi mobamuswirya amabwe.

³⁶ Kandi mwatuma abandi bagombe, kwilaba aberimbere; nabo mobakolabo batya.

³⁷ Enyuma waho mwatumirabo omugala wuwe ati, Bakandi kenga omugalagala wage.

³⁸ Nikwa abarimi babere balangira omugala, mobabwirana bati, Oyu ni muri womwandu; mwase, tumwite twimaye omwandu wuwe.

³⁹ Mobamutsimba moba mugusa eyihya weririma ryebinyu, mobamwita.

⁴⁰ Nikwa omugulu mwenye eririma asyasa, asyakolaki na barimi abo kwehi?

⁴¹ Mobamubwira bati, Asita abandu bahanya abo omo luholo lubi, asyasigira eririma ryebinyu ryabandi barimi aba syamuha ebiguma oko birimo byabyo.

⁴² Yesu mwabuga nabo ati, Simuritasoma na kera omo masako kwehi? Eribwe eryo abahimbi bagana Ryabiribya omutwe womugongo-gongo; Eri ryabya erikola ryoMukama, Ni kyeriswekera omo meso wetu.

⁴³ Neryo ngababwira nyiti, obwami bwoMungu mwasyasa gulwabo bwasyahabwa ekihanda kikabana ebiguma byabo.

⁴⁴ Noyu wasyaterera okwibwe eri asyatsutsangika mo bitswe bitswe; nikwa omugulu ryasyatogera mundu ryasyamugunzu ngula.

⁴⁵ Omugulu abahereri bakulu nabaFarisayo bowa emisyo yiwe, mobaminya kwahulabo.

⁴⁶ Nikwa omugulu balenga erimutsimba, mobubaha esyondeko, kusangwa moba muliga kwari muminyereri.