Matayo 20 - Nouveau Testament et Psaumes en Ndandi Version 1962

Abahingi omwirima

¹ Kusangwa obwami bwelubula buringene nomwenye nyumba oyo wasinduka erisondya bahingi busana neri rima riwe ryebinyu.

² Amabilagana nabahingi busana nesyo faranka ikumi oko kiro kiguma, mwatumabo omwirima riwe ryebinyu.

³ Neriyayo oko ndambi isatu mwalangira abandi ibanimene buyira omwiguliro;

⁴ mwabuga nabo ati, Nenyu mugende omwirima ryage ryebinyu, nesitolere nasyabahasyo. Nabo mobagenda.

⁵ Neriyayo kandi oko ndambi endatu nendambi yomwenda, mwakola atya.

⁶ Noko ndambi ngikumi nenguma mwayayo mweya abandi ibimene; mwabuga nabo ati, Busana naki mwimene buyira esyondambi syosi kwehi?

⁷ Mobamubwira bati, Kusangwa sitwetabana omundu werituha omubiri. Neryo mwabuga nabo ati, Nenyu mugende omwirima ryebinyu.

⁸ Omugulu erigologolo ryahika, omwenye eririma ryebinyu mwabwira omwimaniri wuwe ati, Birikira abahingi urihebo obuhingi bwabo, eritsuka oko munyumanyuma, erihika oko werimbere.

⁹ Nomugulu abahabawa omubiri oko ndambi ikumi nenguma mobasa oburi mundu mwangirira esyofaranka ikumi.

¹⁰ Nikwa abatsuka eriasa, mobaganirya nga bakandiimya kwilaba aho; nikwa oburi mundu mwangirira esyofaranka ikumi.

¹¹ Babere babiangirirasyo mobatonga mwenye nyumba,

¹² bati, Abenyuma aba bamakola oko ndambi nguma, wabiriri ngiriraniabo netu itwabirisiba tukahinga omwitungi ryosi nekihuhira kyeryuba.

¹³ Naye mwasubirya muguma wakubo ati, Mwira, sinditakuyira nabi; motutetalagana nawe busana nesyofaranka ikumi kwehi?

¹⁴ Wimaye esyawe, ugende; Mongayisoga eriha oyu wenyuma ngawe.

¹⁵ Siritolere ngakola nebyage ngoko ngayisoga kwehi? Kutse ukanyiganira erihitya ryage kwehi?

¹⁶ Ritya owenyuma asyabya werimbere, kandi owembere asyabya wenyuma.

Omugala womundu asyagalwa

¹⁷ Omugulu Yesu abya akahetukira eYerusalema, mwatwala erikumi na babiri aha yihengekire, mwabwirabo mo nzira ati,

¹⁸ Lebaya, tukandisyahetukira eYerusalema; oMugala womu ndu asyahoterwa oko bahereri bakulu nabasaki, basyamutswera olwerihola,

¹⁹ nerimuha oko Bihanda erimusekererya nerimu swirya emikoba nerimubamba, noko kiro kyebisatu asyalubu kibwa.

Yakobo na Yoane

²⁰ Neryo nyinya wa bagala baZebedayo mwamuhikako haguma nabagala biwe, mwamukukamira mwamusaba kindu.

²¹ Naye mwabuga naye ati, Ukasondaki kwehi? Naye mwa musubirya ati, Utegeke bagala bage aba babiri bikale, muguma oko byala byamali nomuguma oko malembe omo bwami bwawe.

²² Nikwa Yesu mwamusubirya ati, Simwasi ebyo mukasaba. Inywe mwanganatoka eripulya oko lutehi olo ngandipulyako kwehi? Mobamubwira bati, Twanganatoka.

²³ Naye mwa bwirabo ati, Mwasyapulya oko lutehi lwage, nikwa eriikala oko byala byamali byage noko malembe si ryage eribaharyo, nikwa ni ryabo Tata wage abirikokoteryaryo.

²⁴ Omugulu erikumi bowa ebyo, mobahitana busana nababutirwe haguma babiri abo.

²⁵ Nikwa Yesu mwayibirikirirabo ati, Munasi abatabali beBihanda bakatabala kubo erikala kubo, nabakulu babo baka tegekabo.

²⁶ Sibyendisyabya bitya omukati-kati kenyu; nikwa oyu kasonda eribya mukulu omukati-kati kenyu ritolere iniabya mugombe wenyu,

²⁷ noyu kasonda eribya werimbere omukati kati kenyu atolere iniabya mukobe wenyu;

²⁸ ngoko Mugala womundu siasa erikolerwa, nikwa erikolera, neriha engebe yiwe nge ndongolya busana na bangi.

Esyondimatime ibiri

²⁹ Omugulu balwa eYeriko, endeko nene mobamukwama.

³⁰ Neryo lebaya, esyondimatime esibiri isikere oko musike wenzira, omugulu syowa ko Yesu akalaba, mobabirikira kutsibu bati, Mukama utugenyere, uwe Mugala waDawidi!

³¹ Nendeko moyakungabo, eribwirabo bati babye bukutu; nikwa mobalabya kwaho eribirikira kutsibu bati, Mukama, utuganyire, uwe Mugala wa Dawidi!

³² Neryo Yesu mwahangana mwabiriki rabo ati, Mukasonda inabakoleraki kwehi?

³³ Mobamubwira bati, Mukama, ameso wetu alibulawe.

³⁴ Yesu mwakwirabo bulige mwatula oko meso wabo, neryo-neryo mobabana erila ngira mobamukwama.