Matayo 13 - Nouveau Testament et Psaumes en Ndandi Version 1962

Omubibi wembuto

¹ Oko kiro ekyo Yesu mwalwa omo nyumba mwikala oko musike wengetsi.

² Nesyondeko nene mosyahindana ahabya, kyaleka iningira omo bwato mwikala; nendeko yosi moyikala oko mukokoro.

³ Naye mwabwirabo emyatsi mingi omo misyo, mwabuga, ati, Lebaya, omubibi mwaya biba.

⁴ Nomugulu abya akabiba, esindi esyombuto mosyatogera oko mutanda nzira, nesyonyonyu mosyasa mosyaryasyo.

⁵ Esindi mbuto mosyatogera ekitaka kyamabwe, ahate mukungu mungi, neryo-neryo mosyalasa, kusangwa sihabya omutaka mungi,

⁶ nikwa omugulu eryuba ryahuluka mosyahya; neryo kusangwa isisiwite emirihi mosyoma.

⁷ Esindi syombuto mosyatogera omo mahwa, namahwa mwalasa mwanigasyo.

⁸ Esindi esyombuto mosyatogera oko kitaka kyowene mosyasohola embuto, esindi erigana, nesindi amakumi endatu, nesindi amakumi asatu.

⁹ Oyu wite amatwi owe.

¹⁰ Neryo abiga mobasa mobabuga naye bati, Busana naki ukabuga nabo omo misyo kwehi?

¹¹ Naye mwasubiryabo ati, Inywe mwabirihabwa eriminya ebibisire byobwami bwelubula, nikwa ebo sibetahabwa.

¹² Kusangwa oyu wite asyahabwa, asyabya nebingi; nikwa oyu tawite asyasagulwa ekyo awite.

¹³ Eki kikaleka inabuga nabo omo misyo, kusangwa bakalola sibelangira, neriowa sibariowa, kutse eriminya.

¹⁴ Eriminye rera rya Isaya ryabiribererera kubo erikabuga riti: Mwasyowa kwenene nikwa simwendisyaganirya na kera, Mwasyalangira kwenene nikwa simwendisyaminya na hake

¹⁵ Kusangwa omutima wabandu aba abirikala Na matwi wabo abirihumana okwowa, Nameso wabo babirilibago, Ibatalangira omo meso wabo Neriowa omo matwi wabo, Neriminya nomutima wabo, Ibanyibindukira inalamyabo.

Erikumbula omusyo

¹⁶ Nikwa ameso wenyu ari nomuyisa, kusangwa akalangira, namatwi wenyu kusangwa akowa.

¹⁷ Kwenene ngababwira, abaminyereri bangi nabandu batunganene mobanza erilola kwebyo mukalangira, mobatalangirabyo, neriowa ebyo mukowa, mobatowabyo.

¹⁸ Neryo mowe omusyo womubibi.

¹⁹ Omu gulu omundu akowa eKinywa kyobwami isiariminyakyo, omubi akasa iniapura ekyabibawa omo mutima wuwe; esyo syesya bibawa oko mutanda nzira.

²⁰ Nikwa esyabibawa oko kitaka kyamabwe, yoyu ukowa eKinywa neryo-neryo akangirirakyo nobutseme;

²¹ nikwa siawite omurihi omwisi wuwe, nikwa akasika akatambi kake, nomugulu obulige kutse eriendererya rikahuluka busana nekinywa, neryo-neryo akatwikala.

²² Nikwa eyo yabibawa omo mahwa, yoyu kowa eKinywa, nikwa amaga niryo we kihugo nobutseme bwebindu bikaniga eKinywa ekita buta ebiguma.

²³ Nikwa eyo yabibawa oko kitaka kyowene, yoyu kowa eKinywa akaminyakyo; yoyu kwenene akabuta ebiguma, ehandi erigana, nehandi amakumi endatu, nehandi amakumi asatu.

Ebiti omo nganu

²⁴ Ogundi musyo mwatwago embere syabo, ati, Obwami bwelubula bwangaringiriranibwa nomundu oyu wabiba embuto yowene omwirima riwe;

²⁵ nikwa omugulu bandu babya to enzigu yiwe moyasa moyabiba biti omukati-kati kenganu, moyagenda.

²⁶ Neryo omugulu omugera ahuluka nerisohola, neryo ebiti ebyo mobyahuluka.

²⁷ Na bagombe bomwenye enyumba eyo mobasa mobamubulya bati, Mukama mutabiba embuto yowene omwirima ryawe kwehi? Neryo riwite ebiti byo riti kwehi?

²⁸ Naye mwabuga nabo ati, Enzigu yabirikola eki. Nabagombe mobamubulya bati, Wanzire itwaya kuma kumabyo kwehi?

²⁹ Nikwa mwabuga ati, Eyihi; isimukandibya mukakumakuma ebiti imwakulanga nenganu haguma nabyo.

³⁰ Muleke ebibiri byosi bilase haguma erihika oko mugulu werigesa; noko mugulu werigesa nasyabwira abagesi nyiti, Mutsuke erihindania ebiti musengebyo mo mulomulo okwihis ibwa, nikwa muhindanaye enganu omo mbiso yage.

Embuto ya haradali

³¹ Ogundi musyo mwatwago embere syabo ati, Obwami bwelubula buringene nakabuto kaharadali ako mundu imaya mwabibako omwirima riwe;

³² nako ni kake kwilaba esyo­mbuto syosi, nikwa omugulu kabirikula kakabya kanene kwilaba ebindi biti ikabya omuti, nesyonyonyu syomukyanya isyasa isyahimba esyonyutu omo mitahi yako.

Ekihamya

³³ Mwatwirebo ogundi musyo ati, Obwami bwelubula buringene nekihamya ekyo mukali imaya abisakyo omo hirengi hisatu hyeyisyano, erihika aho eyosi yamabibya mwekihamya.

³⁴ Yesu mwabuga ebi byosi oko syondeko omo misyo; mwatabwiraboki ate musyo.

³⁵ Kibererere ekyabugawa nomu minyereri ati: Nasyakumbula obuno bwage omo misyo, Nasyabuga ebyabisawa okwitsuka ryekibanza kye kihugo.

³⁶ Neryo mwasiga esyondeko mwaya omo nyumba. Nabiga buwe mobamuhikako bati, Utukumbulire omusyo webiti byomwirima.

³⁷ Naye mwasubiryabo ati, Oyu kabiba embuto yowene yo Mugala womundu;

³⁸ eririma kye kihugo, nembuto yowene babagala bobwami; ebiti babagala bomubi,

³⁹ nenzigu eyo wabibabyo ni Setani; erigesa ryerihwererera ryemigulu, nabagesi babamalaika.

⁴⁰ Nikwa ngoko ebiti bikakumakumawa nerihisibwa omo muliro, ko bikasyabya bitya okwihwererera ryemigulu.

⁴¹ OMugala womundu asyatuma abalaika buwe, basyahindania nerilusya omo bwami buwe ebyosi ebikaleta ebibi nabakola nabi bosi,

⁴² asyagusabo omo kitabiro kyomu liro; eyo abandu basyarira nerikeregeta ameno wabo.

⁴³ Oko mugulu oyo abatunganene basyakangabania ngeryuba omo bwami bwaTata wabo. Oyu wite amatwi, owe.

Ebindu omwirima

⁴⁴ Obwami bwelubula buringene nebindu ebibisire omwi rima, ebyo mundu abana mwaswikirabyo; neryo omo butseme buwe akayagulaya ebyosi abya awite iniagula eririma eryo.

Elulu yowene

⁴⁵ Kandi, obwami bwelubula buringene nomutundi oyu kasonda esyolulu nyibuya,

⁴⁶ naye abere abana elulu nguma yo buguri bunene, mwaya gulya ebyosi ebyo abya awite mwagulayo.

Butahataha

⁴⁷ Kandi, obwami bwelubula buringene nekisohi ekyagusawa omo ngetsi mokyahindania emisondo yosi ya mahere;

⁴⁸ kye bere kyabiusula, abandu mobakurirakyo oko mukokoro mobi kala ahisi moba-sombolera esyowene syomo syonyungu nikwa mobagusa esitowene.

⁴⁹ Ko bikandisyabya bitya okwihwere­rera ryemigulu. Abalaika basyasa basyasombola ababi omo batunganene,

⁵⁰ nerigusabo omo kitabiro kyomuliro; eyo bandu basyarira nerikeregeta ameno wabo.

⁵¹ Mwamaminya emyatsi yosi eyi kwehi? Nabo mobamu bwira bati, Ega.

⁵² Neryo mwabwirabo ati, Busana neki oburi musaki owabiriyigisibwa busana nobwami bwelubula aringene nomwenye nyumba oyu kahulukaya omo bindu biwe ebihya bihya nebya kera.

Yesu eNazareta

⁵³ Kandi Yesu abere abibuga emisyo eyi, mwalwayo,

⁵⁴ nerihika omo kihugo kiwe mwakangiriryabo omo nyumba yabo yerihindana, kyaleka ibasweka bati, Omundu oyu alusaya amenge aya nemibiri eyi yamaka byo hahi kwehi?

⁵⁵ Oyu si mugala womubatsi kwehi? Ninya wuwe yute hulawa mo Maria kwehi? Na bagala babo si Yakobo na Yosefu na Simoni na Yuda kwehi?

⁵⁶ Na bali babo bosi situri nabo kwehi? Ko mundu oyu alusaya ebi byosi byohahi kwehi?

⁵⁷ Moba mupona. Nikwa Yesu mwabwirabo ati, Omuminyereri siari bula olukengerwa monomo kihugo kiwe nomo nyumba yiwe.

⁵⁸ Naye mwatakoleraho emibiri yamaka mingi, busana neriti ndikirirya ryabo.