Matayo 11 - Nouveau Testament et Psaumes en Ndandi Version 1962

¹ Neryo Yesu abere abibuga eritegeka abiga buwe erikumi nababiri, mwagenda akalwayo nerikangirirya neritulago omo miyi yabo.

Abiga baYoane

² Nikwa omugulu Yoane owira omo nyumba yomuliki emibiri ya Kristo, mwatuma mwalayira abiga buwe

³ erimu bulya ati, Nina we oyu kandisyasa, kutse tulinde ogundi kwehi?

⁴ Yesu mwasubiryabo ati, Mugende mubwire Yoane ebyo mwamowa nebyo mwamalangir

⁵ esyondimatime sirimolangira nebirema birimogenda, abahaga bari mwera nabatsiha barimowa, nabaholi banemolubukibwa, nabera banemokangiri ribwa engulu yowene.

⁶ Nomuyisa ari noyu tindisyatwikalibwa busana nage.

⁷ Omugulu bagenda, Yesu mwatsuka eribuga nesyondeko busana na Yoane ati, Mwaya lola koki omo mbwa rara kwehi? Olubingu olukatengatenganibawa nerihunga kwehi?

⁸ Nikwa mwayayo busana naki kwehi? Erilola oko mundu oyu wambite esyongimba nyolo-nyolo kwehi? Lebaya abakambala esyongimba nyolo-nyolo bari omo manyumba wabami.

⁹ Nikwa mwayayo busana naki kwehi? Erilola oko muminyereri kwehi? Ega, ngababwira nyiti, oyu labire omu minyereri kutsibu.

¹⁰ Yoyu kyasakawa busana naye riti, Lebaya, ngatuma omukwenda wage embere syobusu bwawe, Oyu wasyakokotya enzira yawe emuliro wawe.

¹¹ Kwenene, ngabuga nenyu, nyiti, oko bosi babutawa nabakali sihari hahangana omukulu kwilaba Yoane Mubatisa; nikwa oyuri muke omo bwami bwelubula amulengire.

¹² Eritsuka oko biro byaYoane Mubatisa erihika na lino obwami bwelubula bukalwiriranawa, nabandu berilwirirana ibimyabo namaka.

¹³ Kusangwa abaminyereri bosi nebihano bikaminyerera eri hika ku Yoane;

¹⁴ kandi mwamabya mwanzire eriligabyo, Oyu ni Elia oyo wabya akandisyasa.

¹⁵ Oyu wite amatwi weriowa owe.

¹⁶ Nikwa nasyaringirirania olulengo olu naki kwehi? Luringene nga bana abikere omwiguliro bakabirikira oko balikyabo bati,

¹⁷ Twabiribabuhira amarenga, simwetasata; twabirisusumana, simwetarira.

¹⁸ Kusangwa Yoane mwasa isiarirya kutse eripulya, ibabuga bati, Ari ko mbinga;

¹⁹ oMu gala womundu asa akarya akapulaya, ibabuga bati, Langira, omuri webingi nomukundirya, omwira wabasolesya na bakola nabi! Nikwa amenge akatunganana busana nemibiri yago.

Erihayira emiyi

²⁰ Neryo mwatsuka erihayira emiyi eyo eyakolera mo mibiri mingi yiwe yamaka, kusangwa mobatabinduka.

²¹ Ati, Obulige kuwe Korazini! obulige kuwe Betesaida! kusangwa kumbe emibiri yamaka eyakolawa kuwe yarikolawa oko Tiro neSidona, nga babiribinduka kera ibambite emitole neribu.

²² Nikwa ngababwira, ryasyabya ryolo oko kiro kyeritwa olubanza busana neTiro neSidona kwilaba inywe.

²³ Nawe Kapernaumu, wasyahamibwa elubula kwehi? Wasyandagaliribwa erihika ekurimu. Kusangwa kumbe emibiri ya maka eyakolawa kuwe kumbe yarikolawa omo Sodoma, nga yabirisigala erihika muna bwire.

²⁴ Nikwa ngababwira nyiti oko kiro kyolubanza rya­syabya ryolo busana ne kihugo kya Sodoma kwilaba we.

Eribirikira abakaluha

²⁵ Oko mugulu oyo Yesu mwabuga, Ngakuha ewasingya, Tata, oMukama welubula ne kihugo, kusangwa wabiribisa emyatsi eyi oko bamenge naberiminya wabiribisulabyo oko bana balere;

²⁶ Ega, Tata, kusangwa ritya ryabya erisonda ryawe ryolukogo.

²⁷ Emyatsi yosi nabirihabwayo na Tata wage; sihari mundu wasi Mugala nina Tata, kandi sihari mundu wasi Tata nina Mugala nokoyu Mugala anzire erimu bisulira.

²⁸ Mwase kwingye, inywe bosi ko mukanuba neriri toherwa, nage ngandibaluhukya.

²⁹ Muheke engomo yage, mwiyire kwingye; kusangwa ndi molomolo nowomutima ahehere, nenyu mwasyabana eriluhuka omo mitima yenyu.

³⁰ Kusangwa engomo yage yanguhire, nomuheke wage anguhirire.