Mariko 6 - Nouveau Testament et Psaumes en Ndandi Version 1962

Yesu omo muyi weNazareti

¹ Neryo mwalwa eyo mwaya ewabo; nabiga buwe mobamu kwama.

² Noko sabatu mwatsuka erikangirirya omo nyumba yerihindana; neryo abangi abamowa mobasweka bati, Ebi byosi oyu alusirye byohi kwehi? Kandi amenge omundu oyu akahabawa ni wahi kwehi? Emibiri yamaka yingaha ikakolawa omo byala biwe!

³ Oyu si mubatsi omugala wa Maria namugala wabo Yakobo na Yose na Yuda na Simoni, na bali babo sibari hano haguma netu kwehi? Neryo moba mupona.

⁴ Yesu mwabuga nabo ati, Omuminyereri siaribula erikengwa imono omo kihugo kiwe, nomo katikati kekitunga kiwe, nomo nyumba yiwe.

⁵ Neyo mwatatoka erikola emibiri ikalakalire, ibana balwere bake abahira kwebyala alamyabo.

⁶ Kandi mwasweka busana neritendikirirya ryabo. Kandi mwalendera omo miyi omo mbande syosi akaka ngirirya.

Erituma abakwenda

⁷ Neryo mwayibirikirira erikumi nababiri, mwatsuka eritu mabo babiri babiri, mwahabo ehamuli busana nebirimi bibi.

⁸ Mwategekabo sibatwale ekindu omo lugendo lwabo gono mutso musa butsira obundu, butsira engunza, butsira esyo faranka omo matusi wabo;

⁹ nikwa bambale esyongendero kandi sibambale esyokanzu ibiri.

¹⁰ Kandi mwabuga nabo ati, Aho mukingira omo nyumba, mubyemo erihika aho mwasya lwiramo.

¹¹ Aha bandu batinda-syabaliga eribakokya bakagana eribowa, omugulu mukalwayo, imwakunguta olututu oluri omo bisandu byenyu busana neritulago ukubo.

¹² Mobagenda moba tulago bati abandu babinduke.

¹³ Mobalusya esyombinga nyingi, mobahakabya amaguta wabakoni bangi mobala myabo.

Erihola rya Yoane

¹⁴ Omwami Herodi mowa engulu yiwe; kusangwa erina rya Yesu iryamabiminyikala. Abandi bati, Yoane mubatisa abiri lubuka omo baholi; kikaleka ebya kagala ebi ibyakolwa omwisi wuwe.

¹⁵ Nikwa abandi bati, Ni Eliya. Nabandi bati, Ni munyereri, ngo muguma goko baminyereri bakera.

¹⁶ Nikwa omugulu Herode owa engulu eyo mwabuga ati, Yoane oyo natwa komutwe, abirilubukibwa.

¹⁷ Kusangwa Herode ini amabituma eriyatsimba Yoane nerimuboha omo muliki busana na Herodia muka mugala wabo ye Filipo; kusangwa iniabiri muhikya.

¹⁸ Kusangwa Yoane mwabwira Herode ati, Ni kitsibu eriimya muka mugala wenyu.

¹⁹ Neryo Herodia mwamukwa ekiniga, mwasonda erimwita. Nikwa mwataluka,

²⁰ kusangwa Herode mubaha Yoane, inianasi kwari mundu atunganene nomundu ubuyirire, neryo mwamuteya ndeke. Nomugulu amowa mwagangaganga; nikwa mwamowa nobu tseme.

²¹ Nikwa omwanya mwabanika omugulu Herode oko kiro kyeributwa riwe mwaha erirya oko barongani biwe nesyo ndwalisya siwe nabakulu beGalilaya.

²² Kusangwa omugulu mwali wa Herodia asyasatirabo, mwatsemesya Herode nabageni buwe; nomwami mwabuga nomwanamuto oyo ati, Unzabe ekyo wanzire kyosi, ngandikuhakyo.

²³ Kandi mwamulahirirya ati, Ekyosi wangasaba, ngandikuhakyo, nomo kyangabya eki hande kyobwami bwage.

²⁴ Naye mwaya eyihya mwabulya nyinya ati, Nyisabeki kwehi? Naye mwamusubirya ati, Omutwe wa Yoane Mubatisa.

²⁵ Neryo-neryo mwaya oko mwami luba, mwabulya, ati, Ngasonda iwamba linolino omutwe wa Yoane Mubatisa oko kisya.

²⁶ Nomwami mwabya nobulige bunene; nikwa busana nerilahirya riwe na busana nabageni buwe mwatanza erimukagago.

²⁷ Neryo-neryo omwami mwatuma omusoda wokobateya mwamutegeka erileta omutwe wa Yoane.

²⁸ Naye mwagenda mwatwirago omo nyumba yomuliki, kandi mwaleta omutwe wuwe oko kisya, mwahago omwanamuto; nomwanamuto mwahago nyinya wuwe.

²⁹ No­mugulu abiga buwe bowa engulu yiwe, mobasa mobaheka omubiri wuwe, mobahirago omwisinda.

Abakwenda mobasubula

³⁰ Nabakwenda mobasuba eyiri Yesu, mobamubwira ebyosi babya bamabikola nerikangirirya.

³¹ Kandi mwabuga nabo ati, Mwase inywe bene ahate bandi, muluhuke akatambi. Ku sangwa habya bangi abakasa ibaswagenda, ibakabula endambi yerirya.

³² Neryo mobalwayo omo bwato mobaya ahate bandi ibo bene.

³³ Nikwa bangi mobalola kubo bakagenda, moba minyirerabo, mobatibitayo omo bisandu erilwa omo miyi yosi, mobatangabo.

³⁴ Nomugulu amabisabuka mwalebya endeko nene, mwakwabo olukugo, kusangwa babya ngesyombuli sita wite omulisya; neryo mwatsuka erikangiriryabo emyatsi mingi.

³⁵ Neryo hasonda erihombera, abiga biwe mobamuhikako bati, Hano sihari bandu sihari miyi, bwamahombera;

³⁶ tumabo bagende omo kihugo omo miyi eyitimbire hano bayigulire ebyerirya.

³⁷ Nikwa mwasubiryabo ati, Nenyu muhebo ebyerirya. Nabo mobamubwira bati, Tugende tugure amandu wesyofaranka elfu ibiri tuhe gobo baryego kwehi?

³⁸ Naye mwabulyabo ati, Muwite amandu angahi kwehi? Mugende mulebaye. Nabo babere babilebya ibamusubirya bati, Ni atano namahere abiri.

³⁹ Neryo mwategekabo bikale ahisi abosi oko biti mo ndekondeko.

⁴⁰ Neryo mobikala omo ndekondeko, igani-igana namakumi atano-atano.

⁴¹ Neryo mwimya amandu atano na mahere abiri mwalalamira elubula mwatsumulabyo mwatsutsanga amandu, mwahago abiga bahirego embere wabandu; kandi mwagaba amahere abiri omukati-kati kabo bosi.

⁴² Abosi mobarya mobuguta.

⁴³ Mobakumakuma ebihandebihande byatahanguka nebyamahere mobyusula omo bitiri ikumi na bibiri.

⁴⁴ Nabosi barya amandu ayo babya balume amaelfu atanu.

Yesu mwatandayira oko mageisi

⁴⁵ Neryo-neryo mwatunda abiga buwe omo bwato, basoke embere siwe eyisirya, eBetesaida, asigale akalagana nendeko.

⁴⁶ Neryo abere abilagana nabo, mwaya oko bitwa erisaba.

⁴⁷ Neryo bwamabihombera, obwato bwabya omo ngetsi, naye abya iyowene oko kitaka.

⁴⁸ Neryo mwalangira kobakataluka erigoya, kusangwa erihunga moryahuluka embere syabo. Noko kisisimuko kyakani kyekiro, mwahika kubo, akagenda omo bisandu oko ngetsi. Mwabya ngakatwangana kubo,

⁴⁹ nikwa babere bamulolako akagenda oko ngetsi mobaganirya bati ni mulimu, mobalaka;

⁵⁰ kusangwa abosi mobamulolako, moba hahukya emitima. Nikwa neryo-neryo mwabuga nabo ati, Muhumule ni ngye; simubahe.

⁵¹ Naye mwingira omo bwato haguma nabo nerihunga moryumbya nabo mobasweka kutsibu,

⁵² kusangwa mobataminya busana namindu, kusangwa emi tima yabo iyabirikala.

⁵³ Neryo babere babisoka, mobahika oko kihugo kye Genesareti, mobahanga obwato oko mukokoro.

⁵⁴ Babere balwa omo bwato neryo-neryo abandu mobamuminya,

⁵⁵ bo batibita oko mbande syosi sye kihugo ekyo mobatsuka erileta abakoni oko ngingo syabo eriya aho bowa ambu ari.

⁵⁶ Nehosi ahika, omo hiyi, kutse omo miyi mineneminene, kutse omo kihugo, mobahira abakoni omo maguriro, mobamugonga-gonga bati batule oko musike wolukimba luwe; nabosi batula kulo mobalamibwa.