Mariko 5 - Nouveau Testament et Psaumes en Ndandi Version 1962

Oyu ri kwebirimu bingi

¹ Mobahika eyisiria yengetsi, omo kihugo kya baGerase.

² Abere abilwa omo bwato, neryo-neryo omundu oyuri kwekirimu kibi mwahindana naye akalwa omo masinda;

³ oyo wabya ikere omo masinda: isihari mundu oyu wangatoka erimuboha kandi, kutse omo buhurura;

⁴ kusangwa abya iniabohire engendo nyingi omo muliki namahulula, nikwa mwananulago amahulula, nemiliki mwatsutsangayo; isihari omundu wabya namaka werimukinda.

⁵ Omo kiro nomwitungi iniakabugabuga omo masinda noko bitwa, akayihutalya omo mabwe.

⁶ Neryo alangira Yesu iniakine hali, mwatibita mwa mukukamira;

⁷ mwabirikira nomulenge munene ati, Wanga kolaki kwingye, We Yesu oMugala woMungu wEndata koByosi kwehi? Ngakulahiriraya oko Mungu, sunyihutalaye.

⁸ Ku sangwa iniamabibuga nomundu oyo ati, uwe kirimu kibi umelweko!

⁹ Kandi Yesu mwamubulya ati, Erina ryawe uwendi kwehi? Naye mwasubirya ati, Erina ryage ni Milondo; kusangwa turi bangi.

¹⁰ Neryo mobyamugo-ngagonga biti siahigebyo erilwa omo kihugo.

¹¹ Neryo habya ekihyo kinene kesyongurube, sikalira oko kitwa;

¹² kandi mobyamugonga gonga biti, Ututume omo syongurube, twingire musyo.

¹³ Neryo mwaligirabyo. Nebirimu bibi mobyalwamo, mo bingira omo syongurube; nekihyo, eriganza ryakyo hakuhi nesyoelfu ibiri, mosykimira omo ngetsi sikalwa oko kitwa, mosyasenda omo ngetsi.

¹⁴ Nabarisya mobatibita, mobayatulago oko muyi nomo kihugo ekyo, Nabandu mobasa erisyalebya kobyabere.

¹⁵ Mo bahika oko Yesu, mobalangira omundu oyu wabya kwe syo mbinga inianikere, inianambite iniawite amenge ngabandi, omundu yowabya kwemilondo yebirimu; mobubaha.

¹⁶ Naba langira omwatsi oyo mobatulago ekyabere oko wesyombinga noko syongurube.

¹⁷ Neryo mobatsuka erigo Yesu alwe omo kihugo kyabo.

¹⁸ Naye omugulu abingira omo bwato, omundu oyo wabya kwembinga mwamugonga-gonga ati, abye naye.

¹⁹ Nikwa mwagana, mwabuga naye ati, Uye eka wawe eiri abira bawe, ubwirebo ebyo Mukama abiriku kolera, ngoko abirikuganyira.

²⁰ Naye mwagenda mwatsuka eritulago eDekapoli ebyo Yesu abirimukolera byosi; nabandu bosi mobasweka.

Mzuali waYairo

²¹ Neryo Yesu abere abisokera eyisiria kandi omo bwato, endeko nene moyahindana erimutimbako; naye abya oko musike wengetsi.

²² Neryo muguma woko bakama benyumba yerihindana, erina riwe Yairo; mwasa mwamulolako, mwagwa oko bisandu biwe,

²³ mwamugonga-gonga kutsibu, ati, Kali kage kakahola. Wase umuhire kwebyala byawe iniatoka erilamibwa neribyaho.

²⁴ Neryo mwagenda naye. Nendeko nene moyamukwama moyamuhatatania.

²⁵ Neryo habya omukali oyo wabya iniakwire erisenda ryomusasi emituta erikumi nibiri,

²⁶ iniabiriagalwa kutsibu omo byala byabasaki bangi, iniabiririha ebyosi abye awite isiaritabukabuka nikwa iniabiritoha.

²⁷ Abere owa engulu ya Yesu, neryo mwamwasira kwemugongo omo ndeko mwatula oko lukimba luwe.

²⁸ Ku sangwa mwayibwira ati, Namatula oko lukimba luwe lusa, ngandilamibwa.

²⁹ Neryo-neryo erisenda ryomusasi moryoma; naye mowa omo mubiri wuwe kwamalama endwala yiwe.

³⁰ Kandi Yesu, eriminya omwisi wuwe kwakagala kabirimu lwako, mwabindukira endeko neryo-neryo, mwabulya ati, Ni ndi wamatula oko syongimba syage kwehi?

³¹ Abiga buwe mobamusubirya bati; Unalangire kwendeko ikakuhatatanaya, kandi ukabuga uti, Nindi wamanyitulako kwehi?

³² Naye mwatimbya meso erilebya oyu riakola atya.

³³ Nikwa omukali inianasi ekyamamubyako, mwasa neriubaha nerititimana mwa gwa ahisi embere siwe, mwamubwira ebyekwenene byosi.

³⁴ Naye mwabuga naye, ati, Mwali wage, erikirirya ryawe ryamakulamya; ugende buholo, ulamibawe kwendwala yawe.

³⁵ Abere anemobuga, abandi benyumba yomurongani we nyumba yerihindana bati, Mwali wawe abirihola. Ukinaswalu hiraya oMukangirirya yoki kwehi?

³⁶ Nikwa Yesu mwatahira mwebyo babuga momatwi mwabwira omurongani wenyumba yerihindana ati, Sigubahe, wikiriraye risa.

³⁷ Neryo mwataliga ogundi mundu akamukwama nina Petero na Yakobo na Yoane mugala wabo Yakobo.

³⁸ Babere bahika oko nyumba yomu­rongani wenyumba yerihindana, mwalangira olukanda naba karira nerisusumana kutsibu.

³⁹ Neryo abere ingira, mwabuga nabo ati, Busana naki mukabugaya olukanda neririra kwehi? Omwana siaholire nikwa agotsere.

⁴⁰ Mobamuseka kutsibu, Nikwa mwahulukiryabo eyihya abosi, mwimya ise womwana na nyinya nababya haguma naye, mwaya aho omwana ari.

⁴¹ Mwamuwata oko byala mwamubwira ati, Talita kumi; eribindula ambu, Akana karo, ngabuga nawe nyiti, Hangana.

⁴² Neryo-neryo akana kato mokahangana mokalendera; ku sangwa amatabuga emituta erikumi nibiri abutirwe. Neryo neryo mobasweka nerisweka inene.

⁴³ Neryo mwategekabo kutsibu sihabye mundu oyu kaminya eki, neryo mwabwirabo bamuhe akerirya.