Mariko 15 - Nouveau Testament et Psaumes en Ndandi Version 1962

Yesu emuliro wa Pilato

¹ Bwabere bwasondikya abahereri bakulu haguma na bakulu na basaki, nabo omwibugiro abosi mobaya embita; moba boha Yesu mobamutwalira Pilato.

² Pilato mwamubulya ati, Uri Mwami wabaYuda kwehi? Naye mwamusubirya ati, Wamabuga.

³ Abahereri bakulu mobamuhandikirira emyatsi mingi.

⁴ Pilato mwamubulya kandi ati, Suwite ekyerisubya kwehi? Langira ngoko bamakuhandikirira emyatsi mingi.

⁵ Nikwa Yesu mwataswasubya kindi, kyaleka Pilato iniasweka.

⁶ Nikwa oko kiro kinene ekyo agenda akaboholerabo owo muliki muguma oyo bariamusaba.

⁷ Omukati-kati kabandu ababambirana bita abandi omwibambirana eryo habya omundu womuliki muguma oyo wahulawa mo Baraba.

⁸ Endeko moyasa moyatsuka eribulya Pilato akole ngoko akanakolerabo.

⁹ Naye mwasubiryabo ati, Mukasonda inababoholera oMwami wabaYuda kwehi?

¹⁰ Kusangwa aminya abahereri bakulu bamuhotera busana neritsura.

¹¹ Nikwa abahereri bakulu mobatsotsererya endeko bati aboholerebo Baraba.

¹² Neryo Pilato mwaswabulyabo ati, Ngandikolaki nomundu oyo muka hula mo Mwami wa baYuda kwehi?

¹³ Mobabirikira kutsibu kandi bati, Abambawe!

¹⁴ Pilato mwabuga nabo ati, Busana naki, amakola ebibi byahi kwehi? Nikwa mobabugira iguma kwilaba bati, Umubambe.

¹⁵ Nikwa Pilato erisonda eritse mesya bandu, mwaboholerabo Baraba; abere abiswirya Yesu emikoba, mwamuhabo ati abambawe.

Embita ya mahwa

¹⁶ Abasoda mobamutwala omo muhana weribugiro; moba birikira omulondo gosi wabasoda erihindana.

¹⁷ Mobamwa mbalya olukimba lwomunyama, mobaluka akakira kemisaki saki mobamwambalyako.

¹⁸ Mobatsuka erimubukya bati, Tukakukeraya, oMwami wabaYuda!

¹⁹ Mobamuswirya nolu seke oko mutwe, mobamutwira kwa matandi, mobamukukamira erimusikya.

²⁰ Omugulu bamabimusiningulira, mobamulusya kwo lukimba lwomunyama, mobaswamwambalya esyongimba siwe, mobamutwala eriyabambwa.

Eribamba Yesu

²¹ Mobatsimba omugendi, ye Simoni weKurene, iniakalwa ehandi, ise wAlesanduro na Rufu, mobamuhekya omusalaba.

²² Mobamuleta ahakahulawa mo Golgota (eribindula riti aha mahanga).

²³ Neryo mobamuha ebinyu ibinatulungene na manemane; nikwa mwatapulyabyo.

²⁴ Kandi mobamubamba, mobagaba esyongimba siwe omukati-kati kabo, ibakagusa ekura nga sibye syandi.

²⁵ Mobamubamba oko ndambi yesisatu.

²⁶ Namasako werimuhandikirira owabya endata kwiye abya iniakabuga ati, oMwami wa baYuda.

²⁷ Na haguma naye mobabamba abanyeyi babiri, muguma oko luhande lwamali wuwe nogundi oko malembe wuwe.

²⁸ Neryo amasako mwa bererera awakabuga ati, Aganzawa haguma na bakola nabi.

²⁹ Nabalaba mobamutsuma, neritengatengania emitwe yabo, bati, Sihaho! Uwe wangasambula ehekalu iwaswahimbayo oko biro bisatu,

³⁰ uyilamaye, ukime ulwe oko musalaba!

³¹ Na bahereri bakulu haguma nabasaki mobamusekererya, abandi nabandi, bati, Alamaya abandi; siatatoka eriyilamya.

³² Mu leke Kristo, oMwami wa Israeli, akimi alwe oko musalaba linolino, tulebaye twikiriraye. Nibya abambawa haguma naye mobamutsuma.

Oluholo lwa Yesu

³³ Neryo eritungi ryabere ryahika, mohabya omwirimya omo kihugo kyosi erihika oko ndambi yomwenda.

³⁴ Noko endambi yomwenda Yesu mwabuga nomulenge munene, ati, Eloi, Eloi, lama, sabaktani kwehi? eribindula ambu, Mungu wage, Mungu wage, busana naki ukanyisiganaya kwehi?

³⁵ Nabandi boko babya bahangeneho mobowa ekyo mobabuga bati, Lebaya akabirikira Elia.

³⁶ Omuguma mwatibita mu surya esiki omo sifongo, mwahirayo oko luseke mwamuhayo eripulya ati, Tulinde tulebaye kwElia akandiasa erimuhanula.

³⁷ Neryo Yesu mwabuga nomulenge munene, mwalusya ekirimu kiwe.

³⁸ Nolukimba lwehekalu molwatulwa mo bihande bibiri eritsuka endata erihika ahisi.

³⁹ Nomugulu murongani wabasoda, oyo wabya imene embere siwe alangira atya kwamalusya ekirimu kiwe, mwabuga ati, Kwenene omundu oyu alwe mugala woMungu!

⁴⁰ Kandi habya abakali babya hali hake ibak, atungerera, ukubo habya Maria Magdalene, na Maria nyinya wa Yakobo omulere na Yose, na Salome,

⁴¹ Abamukwama nerimukolera; omugulu abya eGalilaya nabandi bakali bangi abahetukira naye eYerusalema.

Eritabwa ryaYesu

⁴² Bwabere bwabya igologolo, kusangwa kyabya ekiro ky Erikokotya, kye kiro ekikabya embere yesabatu,

⁴³ Yosefu weArimatea, omundu ukengirwe omwibugiro, oyo wabya akalindirira obwami bwoMungu, mwasikya omutima mwaya eyiri Pilato, mwabulya ati, ahabawe omubiri wa Yesu.

⁴⁴ Neryo Pilato naye mwasweka kwabirihola kundu; mwa birikira omurongani wabasoda, mwamubulya nga hanamahwa ndambi abirihola.

⁴⁵ Abere aminyisibwa nomurongani wa basoda kwabirihola, mwaha Yosefu omubiri.

⁴⁶ Naye mwagula olukimba lomusohe, mwamuhanula, mwamuringira omo luki mba lomusohe, mwamuhira omwisinda eyabiribatswa omwi bwe; kandi mwakumbagarirya eribwe oko lukyo lweyisinda.

⁴⁷ Na Maria Magdalene na Maria nyinya wa Yose mobalebya aha mahirwa.