Mariko 12 - Nouveau Testament et Psaumes en Ndandi Version 1962

Abahingi babi

¹ Neryo mwatsuka eribuga nabo omo misyo, ati, Habya omundu wahera eririma rya binyu, mwatimbya kuryo kwekikunda, kandi mwatakula ekyuna ekyerikamiramo ebinyu kandi mwahimba enyumba nyiri, neryo mwasigiraryo abahingi, mwaya omo kindi kihugo.

² Nomugulu weriera abere abihi kana, mwatuma omugombe oko barimi, erienda oko biguma byeririma ryebinyu.

³ Nabo mobamutsimba mobamuswirya, mobamuhiga, naye mwasubula byala bisa.

⁴ Kandi mwatu mirabo ogundi mugombe, naye mobamuhutalya omo mutwe, mobamuhemula.

⁵ Kandi mwatuma ogundi, naye mobamwita; nabandi bangi, abandi mobaswiryabo nabandi mobitabo.

⁶ Neryo mwasigalira nomuguma, yo mugala omwanze; mwasala amutuma kubo, ati, Basyakenga mugala wage.

⁷ Nikwa abarimi abo mobabwirana, bati, Oyu ni muri womwandu; mwase, tumwite, nomwandu akandisyabya wetu.

⁸ Mobamutsimba mobamwita mobamugusa enyuma weririma ryebinyu.

⁹ Omwe nye eririma ryebinyu asyakolaki kwehi? Asyasa iniaherya aba­rimi abo, asyaha eririma ryebinyu ryabandi.

¹⁰ Simweta-soma erisaka eri kwehi riti, Eribwe kundu eryo abahimbi bagana Ryabiribya erikawataya engonde;

¹¹ Eri ni kola ryoMukama, Ni kyeriswekera oko meso wetu.

¹² Neryo mobasonda-sonda erimutsimba, nikwa mobubaha endeko, kusangwa mobaminya kwatwa omusyo oyu go kubo; nikwa mobamuleka mobagenda.

Ritolere erisola?

¹³ Kandi mobamutumira abandi boko baFarisayo na ba Herode, erimutega omwibuga riwe.

¹⁴ Neryo mobasa moba buga naye bati, Mukangirirya, tunasi uri kwenene, suritsomana omundu; kusangwa surisombola ebitaga nebite bitaga, nikwa kwenene ukakangiriraya enzira yoMungu. Rinatolere erisola ku Kaisari, kutse eyihi kwehi?

¹⁵ Turihe kutse siturihe kwehi? Nikwa eriminya eriteba ryabo, mwabuga nabo ati, Busana naki mukanyilengako kwehi? Munyiletere olufaranka, nyilebayelo.

¹⁶ Nabo mobamuletera oluguma. Neryo mwa bulyabo ati, Ekisosikanio eki namasako aya ni byandi kwehi? Mobamusubirya bati, Bya Kaisari.

¹⁷ Yesu mwabuga nabo ati, Muhe Kaisari ebyaKaisari, noko Mungu ebindu ebine byoMungu. Nabo mobamuswekera.

Erilubuka

¹⁸ AbaSadukayo mobamuhikako, abakabuga kohate erilu buka; mobamubulya bati,

¹⁹ Mukangirirya, Musa mwatusa kira ati omugala wabo womundu amahola akasiga omukali, ateamubuta ko mwana, omugala wabo iniasigarya omukali, inia swabutira mugala wabo abana.

²⁰ Habya abagala babo barinda basubeneko; owerimbere mwahikya omukali, mwahola mwatasiga abana;

²¹ nowakabiri mwamusigarya, naye mwa hola isiaritasiga abana; nowakasatu atya;

²² nabarinda bosi mobatasiga abana. Enyuma wa bosi omukali naye mwahola.

²³ Omwilubuka asyabya mukandi kwehi? Kusangwa abarinda bosi mobamwimya mo mukali wabo.

²⁴ Yesu mwabuga nabo, Si busana nomwatsi oyu mukatala isimwasi amasako kutse akagala koMungu kwehi?

²⁵ Ku sangwa omugulu bakalubuka oko baholi, sibehikaya kutse sibehikibawa, nikwa baringene nga bamalaika omo lubula.

²⁶ Nikwa busana na baholi erilubukibwa, simweta-soma omo kitabu kyaMusa, omo mulondo owakahula ekisaka, ngoko Mungu abuga naye ati, Ingye ndi Mungu wa Abrahamu, noMungu waIsaka, no Mungu wa Yakobo kwehi?

²⁷ Iye si Mungu wabaholi nikwa ni wa bariho; mwabiritala kundu.

Ekihano kinene

²⁸ Omuguma wokobasaki mwahikaho mowa bakakubisania obuhaka, neriminya kwasubirayabo ndeke, mwamubulya ati, Kwe ekihano ekyerimbere oko byosi ni kyahi kwehi?

²⁹ Yesu mwasubirya ati, Ekyerimbere kyeki kiti, Hulikirira, Israeli: oMukama Mungu wetu, oMukama ni muguma;

³⁰ Wanze Mukama Mungu wawe nomutima wawe gosi, nekirimu kyawe kyosi, namenge wawe gosi, nakagala kawe kosi.

³¹ Nekya kabiri kyeki, Wanze mulikyenyu ngoku uyanzire. Sihari ekindi kihano kilengire ebi.

³² Nomusaki mwabuga naye ati, Wama singana Mukangirirya; wamabuga kwenene kwari muguma, ko hate ogundi nina ye;

³³ nerimwanza nomutima gosi, namenge gosi, na kagala kosi, nerianza mulikyenyu ngoku uyanzire, bilabire amahere gosi weriokererya nawateweriokererya.

³⁴ Omugulu Yesu alangira kwamasubirya na menge, mwabuga naye ati, Suri hali oko bwami bwoMungu. Nenyuma kwaho sihabya mundu wangaswamubulya.

Mugala wa Dawidi

³⁵ Yesu mwakangirirya omo hekalu, ati, Kwa basaki baka buga ko Kristo ari mugala wa Dawidi bati kwehi?

³⁶ Dawidi naye, eKirimu Kibuyirire kikabuga omwisi wuwe, kiti, OMukama mwabuga noMukama wage ati, Wikale oko byala byage byamali, Erihika oko mugulu nasyahira esyonzigu syawe Omwisi syebisandu byawe.

³⁷ Dawidi naye akamwahula mo Mukama; neryo ni mugala wuwe ati kwehi? Na bandu bangi mobamowa neritsema.

Abasaki

³⁸ Omwikangirirya riwe mwabuga ati, Muyitegaye busana nabasaki, bakanza erilendera omo syokanzu nyirinyiri, neribu kibwa omwiguliro

³⁹ nebitumbi ebyowene byomo manyumba werihindana nerisikibwa aheri rira,

⁴⁰ abakabuga amanyumba wabakwakali ibakasaba inuli omwiteba. Aba basyabana eri tswerwa lubi okwilaba.

Erihitya ryomuk zoakali

⁴¹ Naye mwikala ahisirya okwisanduku ryesyofaranka, mwa samalira endeko ikahira esyofaranka omwisanduku. Nabandu bangi bebindu mobahiramo bingi.

⁴² Nomukwakali muguma mwera mwahikaho, mwahiramo esyosenge ibiri, ini ikuta iguma.

⁴³ Naye mwabirikira abiga buwe, mwabwirabo ati, Kwenene ngabuga nenyu, mukwakali mwera oyu amahiramo bingi kwilaba ebyabandi bosi ebyo bamahira omwisanduku.

⁴⁴ Kusangwa ebo bosi mobahiramo busana nebindu byabo bingi; nikwa iye omo bwera buwe abirihiramo ebyosi alwe awite, ebyosi aryendirya.