Mariko 11 - Nouveau Testament et Psaumes en Ndandi Version 1962

Eriingira eYerusalema neripipwa

¹ Omugulu basonda erihika eYerusalema, eBetefage ne Betania, oko kitwa kyMizeituni, mwatuma babiri boko biga buwe,

² mwabuga nabo ati, Muye oko muyi embere kwinywe, neryo-neryo omugulu mukandihikayo mukandieya ekyana kyepunda ikinahangire, ekitekyataheka omundu; mu hangulekyo muletekyo.

³ Hamabya omundu ukabulaya ati, Busana naki mukakola mutya, mubuge muti, oMukama yuri nobwaga bwakyo akandiswasubyakyo hano luba.

⁴ Neryo mobagenda, mobeya ekyana kyepunda ikinahangire oko lukyo okona nzira eyihya; mobahangulakyo.

⁵ Nababya bimeneho mobabuga nabo bati, Mukakolaki erihangula ekyana kyepunda kwehi?

⁶ Mobabwirabo ngoko Yesu abwirabo; nabo moba ligirabo.

⁷ Mobaleta ekyana kyepunda uku Yesu, mobasanza kukyo kwesyongimba syabo; naye mwikala kukyo.

⁸ Abangi mobasanza esyongimba syabo omo nzira, nabandi mobasesa ebisanza byomonzira ebyo batwa omo marima.

⁹ Abalabira embere nabamukwama mobabirikira bati, Hosana! Abye nomuyisa oyu kasa omo rina ryoMukama!

¹⁰ Omuyisa abye oko bwami obukasa, obwami bwatata wetu Dawidi! Hosana endata kutsibu!

¹¹ Neryo mwingira eYerusalema, kandi mwingira omo hekalu; mwatimbya ameso erilebya ebyosi, neryo kusangwa bwasonda erihombera, kwalwamo atya mwaya eBetania haguma nerikumi nababiri.

Mutini mwatakirwa

¹² Nomongyakya-ngyakya, balwa eBetania, mwakwa enzala.

¹³ Nerilangira ehali omuti womutini iniawite ebikoma, mwa hika kugo akalebya nga nganabana ko kindu. Abere ahika kugo mwatabana kindu bye ne bikoma, kusangwa siabya omugulu webiguma byemitini.

¹⁴ Neryo mwabuga nago ati, Sihabye omundu wasyarya ebiguma kuwe kandi nakera nakera. Nabiga buwe mobowa ekyo.

Erihiga abatundi

¹⁵ Neryo mobahika eYerusalema. Mwingira ehekalu mwa tsuka erihigira eyihya abagulaya nabagurira omo hekalu, mwabindula amatara wabahinganaya esyofaranka nebitumbi byabagulaya ehirikuku;

¹⁶ mwataliga omundu oyu hekire kindu erilabira omo hekalu.

¹⁷ Mwakangirirya ati, Sikisakire kiti, Enyumba yage yasyahulwa mo nyumba yerisabiramo busana nebihanda byosi kwehi? Nikwa inywe mwabiriyirayo mo mwangalu wa banyeyi.

¹⁸ Abahereri bakulu nabasaki mobowa ebyo mobasonda-sonda enzira yerimuherya; kusangwa mobamubaha, kusangwa endeko yosi moyasweka busana neri kangirirya riwe.

¹⁹ Nomwigolo-golo ryebiro byosi mwabya akalwa oko muyi.

Mutini moma

²⁰ Nomongyakya-ngyakya bakalaba, mobalangira omuti womutini inumire eritsuka oko mirihi.

²¹ Petero mwibuka mwabuga naye ati, Mukama, lebaya! Omuti womutini wa tsuma umire!

²² Yesu mwasubiryabo ati, Mubye nerikirirya ku Mungu.

²³ Kwenene ngabuga nenyu, Oburi mundu amabwira ekitwa eki ati, Kulika ugusawe omo ngetsi, atetikatika omo mutima wuwe, nikwa akikiriraya ekyo akabuga ko kikandikolwa, kyasyakoleka busana naye.

²⁴ Kikaleka inababwira nyiti, ebyo byosi mukabulaya omwisaba mwikiriraye ko mwamabibana byo, mwasyabanabyo.

²⁵ Nomugulu mukahangana erisaba, mwamabya nomwatsi oko mundu, mumubuyire, neryo Tata wenyu oyuri elubula naye iniababuyira ebibi byenyu (

²⁶ nikwa mwamatindabuyira, Tata wenyu oyuri elubula siendisyababu yira ebibi byenyu).

Eribatisya ryaYoane

²⁷ Mobahika eYerusalema kandi. Nomugulu abya akale ndera omo hekalu, abahereri bakulu nabasaki nabakulu moba muhikako,

²⁸ mobamubwira bati, Ni hamuli yahi ikaleka iwakola emyatsi eyi kwehi? kutse ni ndi wakuha ehamuli eyi erikolayo kwehi?

²⁹ Yesu mwabuga nabo ati, Ngandibabulya eKinywa kiguma; munyisubiraye, nage ngandibabwira nga ni hamuli yahi ikaleka inakola emyatsi eyi.

³⁰ Eribatisya rya Yoane ryalwa elubula kutse oko bandu kwehi? Munyisubiraye.

³¹ Nabo mobakubisania obuhaka omukati-kati kabo bati, Twamabuga tuti, Ryalwa elubula, akandibuga ati, Busana naki simuritikirirya kwehi?

³² Nikwa tubuge tuti, Ryalwa oko bandu kwehi? Mobubaha bandu, kusangwa abosi mobasima Yoane bati ni muminyereri kundu.

³³ Kyaleka ibasubirya Yesu bati, Sitwasi. Yesu mwabuga nabo ati, Nage sindiendi babwira nga ni ehamuli yahi ikaleka inakola emyatsi eyi.