Mariko 1 - Nouveau Testament et Psaumes en Ndandi Version 1962

¹ Eritsuka ryengulu yowene ya Yesu Kristo, oMugala wo Mungu.

² Ngoko kisakire nomuminyereri Isaya ati, Lebaya ngatuma omukwenda wage embere syawe, Oyo wasyakokotya enzira yawe;

³ Omulenge woyu kabirikira omo mbwarara: ati, Mukokotaye enzira yoMukama, Mutungananaye esyonzira siwe—

⁴ Yoane Mubatisa mwabanika omo mbwarara, iniakatula omwatsi weribatisya ryeribinduka busana neribugira ryebibi.

⁵ Ne kihugo kyosi kyeYudea, nabandu bosi beYerusalema mobamweya; mobabatisibwa naye omo lusi lwa Yorodani, ibakakangaya ebibi byabo.

⁶ Yoane abya ambite obweya bwengamia, iniakambala omukoba omo mbindi yiwe, naye mwabya akarya esyongike nobuki bwomoli.

⁷ Kandi mwatu lago ati, Oyu nyilengirye akagala akasa enyuma kwingye, sinyitolere eriunama nerikundula omukoba wesyongendero siwe.

⁸ Ingye nabiribabatisya omo magetsi; nikwa iye asyaba batisya omo Kirimu Kibuyirire.

Eribatisibwa rya Yesu

⁹ Omo biro ebyo Yesu mwalwa eNazareti yeGalilaya mwa batisibwa na Yoane omo Yorodani.

¹⁰ Abere abilwa omo magetsi, neryo-neryo mwalangira olubula ilukingukere ne Kirimu kikamwandagalirako nga kalikuku;

¹¹ nomulenge mwalwa elubula ati, Uri Mugala wage mwanze; ngakutsemera ndeke.

Erilengwako rya Yesu

¹² NeKirimu mokyamuhigira omo mbwarara neryo-neryo.

¹³ Mwabya omo mbwarara eyo ebiro makumi ani, erilengwako neSatani; iniane haguma nesyonyama syomoli; nabamalaika mobamukolera.

¹⁴ Babere babiboha Yoane, Yesu mwahika eGalilaya, eritula engulu yowene yoMungu,

¹⁵ ati, Endambi yamahikana, nobwami bwoMungu buri hakuhi; mubinduke, mwikiriraye engulu yowene.

Abiga berimbere

¹⁶ Nerilaba hakuhi nengetsi ya Galilaya, mwalangira Simoni na Anderea omugala wabo Simoni ibakagusa kisohi omo ngetsi; kusangwa babya abasohi.

¹⁷ Yesu mwabwirabo ati, Mungwame nasyabayira mo basohi babandu.

¹⁸ Neryo-neryo mobasiga ebisohi byabo mobamukwama.

¹⁹ Kandi mwasegera emuliro hake, mwalangira Yakobo mugala wa Zebedayo na Yoane mugala wabo, babya omo bwato ibakalanda ebisohi.

²⁰ Neryo-neryo mwabirikirabo; nabo mobasiga ise wabo Zebedayo omo bwato haguma nabahingi, mobamukwama.

Erihiga esyombinga nyibi

²¹ Mobingira eKapernaumu; neryo-neryo oko sabatu mwi ngira omo nyumba yerihindana mwakangirirya.

²² Kandi mobasweka busana nerikangirirya riwe, kusangwa mwakangi riryabo ngoyu wite ehamuli, isiari nga basaki.

²³ Neryo-neryo habya omundu omo nyumba yerihindana oyuri kwembinga nyibi;

²⁴ mwalaka kutsibu ati, Turi nomwatsi wahi haguma nawe, uwe Yesu weNazareti kwehi? Wamasa erituherya kwehi? Nyinasi kuriwe, Omubuyirire woMungu.

²⁵ Nikwa Yesu mwakungayo, ati,. Ubye bukutu, umulweko!

²⁶ Ne mbinga nyibi eyo, moyamuperekumya nerilaka nomulenge munene, noyamulwako.

²⁷ Nabosi mobasweka, kyaleka babu lania, bati, Eki niki kwehi? Erikangirirya rihyarihya! Neha muli akategeka esyombinga nyibi, nasyo sikamowa.

²⁸ Neryo neryo engulu yiwe moyagendagenda ehosi omo kihugo kihererenye neGalilaya.

Erilama ryanyinyi-byala wa Simoni

²⁹ Neryo-neryo mwalwa omo nyumba yerihindana, mwingira omo nyumba ya Simoni na Anderea, haguma na Yakobo na Yoane.

³⁰ Nikwa nyinyi-byala wa Simoni inialwere erihuhana, neryo-neryo mobamutulirago omwatsi wuwe.

³¹ Naye mwasa mwamuwata oko byala mwamusumba, nerihuhana moryamu lwako; naye mwakolerabo.

³² Omwigolo-golo eryo, eryuba rikalenga, mobamuletera abosi ababya balwere nabari kwesyombinga.

³³ Nomuyi gosi mobahindana oko lukyo.

³⁴ Naye mwalamya abosi ababya balwere esyondwala emisindomisindo, kandi mwahiga esyo mbinga nyingi; kandi mwataliga esyombinga sikabuga, kusa ngwa syabya isinamwasi.

³⁵ Omongyakya-ngyakya mwahangana, mwaya ahate bandu, mwasabiraho.

³⁶ Na Simoni nababya haguma naye mobamu kwama,

³⁷ nabo mobamubana, mobabuga naye bati, abandu bosi bakakusonda-sondaya.

³⁸ Naye mwasubiryabo ati, Tugende oko yindi miyi ihererenie na hano, inatoka eritulago eyo nibya; kusangwa ekyo kyaleka inasa.

³⁹ Kandi mwalendera ehosi eGalilaya, akatulago nerigusa esyombinga syeyihya.

Omuhaga

⁴⁰ Nomuhaga mwamuhikako akamugo nerimuku kamira mwabuga naye ati, Wamabya wanzire wangatoka erinyerya.

⁴¹ Naye mwamugenyera, mwakakya ebyala biwe mwamutulako ati, Nyanzire; were.

⁴² Neryo-neryo ebihaga mobyamulwako, mweribwa.

⁴³ Naye mwamutegeka kutsibu, mwamutuma ati agende neryo-neryo,

⁴⁴ mwabuga naye ati, Subwire mundu ekindu; nikwa uyayikanganaye oko muhereri, uhere obuhere obo Musa ategeka busana neriera ryawe, busana nerikangania oko bandu.

⁴⁵ Nikwa iye mwagenda mwatsuka eribuga ehosi eritsungania engulu eyo yehosi, kyaleka iniatatoka eriingira omu muyi neriyiminyikala, nikwa abya omoli; nabandu mobamuhikako bakalwa oko mbande syosi.