Luka 6 - Nouveau Testament et Psaumes en Ndandi Version 1962

Yesu Mukama wesabato fi

¹ Omo sabato, omugulu alaba omo malima wenganu, abiga buwe mobatwa amakundi mobaryago, ibakanyugusulago omo byala byabo.

² Nikwa abandi boko baFarisayo mobabuga bati, Busana naki mukakola ebitatolere erikola omo bihano oko sabato kwehi?

³ Yesu mwasubirya ati, Simuritasoma ekyo Dawidi akola omugulu akwa enzala kwehi? iye nababya haguma naye:

⁴ ngoko ingira omo nyumba yoMungu, mwimya mwarya amandu mwaha ababya haguma naye owahirirawa oMungu, awatatolere omo bihano eriribwa nomundu ibana bahereri ibobene.

⁵ Neryo mwabuga nabo ati, oMugala womundu yoMukama wesabato.

Ebyala byumire

⁶ Noko yindi sabato, omugulu ingira omo enyuma yerihi­ndana nerikangirirya, habya omundu okuboko kwamali iku mire.

⁷ Abasaki nabaFarisayo mobamusamalira, erilebya ngakandilamya omo sabato, mobatoka erimutsongera.

⁸ Nikwa mwaminya oburingikania bwabo, mwabwira omundu owoku boko kumire ati, Wase uhangane hano. Naye mwahangana mwimanaho.

⁹ Yesu mwabwirabo ati, Ngababulaya nyiti, Rinatolere omo bihano erikola bibuya omo sabato kutse erikola nabi, erilamya engebe kutse eriheryayo kwehi?

¹⁰ Neryo mwatimbya ameso oko bosi, mwamubwira ati, Kakaya okuboko kwawe. Naye mwakola atya, nokuboko kuwe mokwasuba.

¹¹ Nikwa mobakarama mobakanirya haguma ekyo bangakola Yesu.

Eriyisoga erikumi nababiri

¹² Noko biro ebyo mwaya oko kitwa erisaba; nomo kiro kyosi mobwakya inianemosaba oMungu.

¹³ Bwabere bwakya mwabirikira abiga buwe mwayisoga kubo erikumi nababiri, mwahulabo mobakwenda;

¹⁴ Simoni, oyo ahula mo Petero, na Anderea, mugala wabo, na Yakobo na Yoane, na Filipo, na Bartolomayo,

¹⁵ na Matayo, na Tomasi, na Yakobo, mugala wa Alofayo, na Simoni oyo wahulawa mo Zelote,

¹⁶ na Yuda, omugala wa Yakobo, na Yuda Iskariota, oyo wabya muhoteri.

¹⁷ Neryo mwandagala haguma nabo mwahangana ahabondere, haguma nendeko nene yabiga buwe nendeko nene ya bandu abalwa eYudea hosi neYerusalema noko mukokoro weTiro neSidona, abasa nerimuhulikirira nerilamibwa kwesyondwala syabo;

¹⁸ nabagalawa nebirimu bibi mobalamibwa.

¹⁹ Ne­ndeko yosi moyasonda erimutulako, kusangwa akagala moka mulwako mokalamya bosi.

Abatsumulwa nabatakirwa

²⁰ Neryo mwasumba ameso wuwe oko biga buwe, mwabuga ati: Omuyisa ari kwinywe abera, kusangwa obwami bwoMungu ni bwenyu.

²¹ Omuyisa ari kwinywe mukakwa enzala lino, kusangwa mukandisyugutibwa. Omuyisa ari kwinywe muka rira lino, kusangwa mukandisyaseka.

²² Omuyisa ari kwinywe omugulu abandu bakabakwa obusu, nomugulu bakabagabula kubo neribatsuma, nerigusa erina ryenyu ngibi, busana no Mugala womundu!

²³ Mutseme ekiro ekyo, muyisumbe omo butseme, kusangwa lebaya, oluhembo lwenyu ni lungi omo lubula; kusangwa ritya abotata wabo bakola abaminyereri.

²⁴ Nikwa obulige kwinywe bebindu, kusangwa mwabiribana erisibikya ryenyu.

²⁵ Obulige kwinywe mwabiriuguta lino, kusangwa mwasyawira. Obulige kwinywe mukaseka lino, kusangwa mwasyasusumana neririra.

²⁶ Obulige kwinywe, omugulu abandu bosi basyabahula ndeke, kusangwa batya abotata wabo mobayira abaminyereri bamabihi.

Erikangya olwanzo

²⁷ Nikwa ngabuga nenyu mukowa nyiti, Mwanze esyonzigu syenyu, mukolere ndeke abakabakwa obusu,

²⁸ Mutsumule abakabatakira, musabire abakabakolera nabi nepono.

²⁹ Oyu kakuswiraya okwitema, umubindulire eryakabiri; noyu kaku sagula ekanzu yawe isiwamukaga nerikoti ryawe nibya.

³⁰ Uhe oko buri mundu oyu kakusaba; noyu kakusagula ebindu byawe, suswemubulayabyo kandi.

³¹ Ngoko mwanzire bandu ibaba kolera nenyu mukolebo mutya.

³² Mwamanza ababanzire, muri eriuwania ryahi kwehi? Kusangwa abakolanabi bakanza abanzirebo.

³³ Mwamakola ndeke abakabayira ndeke, muri eriuwania ryahi kwehi? Kusangwa abakolanabi nabo bakakola batya.

³⁴ Mwamabweka bandu imune namaha weriswatuhwa, imuri eriuwania ryahi kwehi? Abakolanabi nabo bakabweka oko bakola nabi, ibaswatuhwa ebiringene nabyo.

³⁵ Nikwa mwanze esyonzigu syenyu, muyire ebibuya, mubweke, simu sonde eribwekulwa; nebihembo byenyu byasyabya binene, nenyu mwasyabya abagala boyu wEndata Kutsibu; kusangwa ni mwenge oko batesima nabahemu.

³⁶ Mubye neriganyira ngoko Tata wenyu ari neriganyira.

³⁷ Simutswere, nenyu simwendisyatswerwa; Simutswere mutesasira, nenyu simwe ndisyatswerwa lubi; mubuyire, nenyu mwasyabuyirwa;

³⁸ mu hitaye, nenyu mwasyahabwa; olulengo luwene, olusokire, olutsingatsingirye, oluri kwomutswabo, wasyabagaliralo. Ku sangwa olulengo olo mukalenga mwasyalengerwalo.

Emisyo

³⁹ Kandi mwabwirabo omusyo: ati, Endimatime yangatoka erisondola endimatime kwehi? Ababiri sibendisyatogera omo bohya kwehi?

⁴⁰ Omwiga sialengire omwigisya wuwe, nikwa oburi mundu oyu kigisibawa ndeke asyabya ngo mwigisya wuwe.

⁴¹ Busana nako ukalangira akati akari omo riso rya mugala wenyu, nikwa surihenga ekitika kiri omo riso ryawe kwehi?

⁴² Kutse ukabuga na mugala wenyu uti, Mugala wetu taleka nyilole akati ako kari omo riso ryawe, nawe utetalebya ekitika ekiri omo riso ryawe kwehi? Uwe mutebya, tatsuka erilusya ekitika ekiri omo riso ryawe, neryo iwalangira ndeke erilola akati akari omo riso rya mugala wenyu.

⁴³ Kusangwa sihari muti uwene owakabuta ebiguma bibi, kutse kandi sihari omuti mubi owakabuta ebiguma byuwene;

⁴⁴ kusangwa oburi muti akaminyikala busana nebiguma byago. Kusangwa biguma byemitini sibiriohawa oko misakisaki, kutse ebiguma byebinyu sibiriohawa oko muti wamahwa.

⁴⁵ Omundu mubuya omo bindu bibuya bikalwa omo mutima wuwe akahulukaya ebibuya, nomundu mubi omo bindu bibi byomutima wuwe akahulukaya ebibi; kusangwa obuno bukabuga ebyoswire omo mutima.

Enyumba endata okwibwe

⁴⁶ Busana naki mukanyahula mo Mukama, Mukama, isi mwekola ebyo ngababwira kwehi?

⁴⁷ Oburi mundu ukasa kwingye akowa ebinywa byage akakolabyo, ngandikangya kwasosire:

⁴⁸ asosire ngo mundu oyu kahimba enyumba, oyo watakula omwisi hali, mwahira ekibanza okwibwe; nomugulu erigunga ryamagetse ryasa, olusi molwayiswirya oko nyumba eyo, molutasukasukanyayo, kusangwa ihimbire ndeke.

⁴⁹ Nikwa oyu kowa atekolabyo ari ngo mundu oyo wahimba enyumba oko kitaka butsira ekibanza; nolusi molwayiswirya kuyo, neryo-neryo moyatera, nerihera ryenyumba eyo mo ryabya inene.