Luka 3 - Nouveau Testament et Psaumes en Ndandi Version 1962

Yoane Mubatisa

¹ Omo mututa werikumi neitanu yeritabala rya Tiberio Kaisari, Pontio Pilato inina murongani weYudea, na Herode ini mwami we Galilaya, na Filipo mugala wabo ini mwami we kihugo kyeIturea ne kihugo kyeTarakoniti, na Lisania ini mwami weAbilene,

² nomo buhereri bukulu bwa Ana na Kayafa, eKinywa kyoMungu mokyahika uku Yoane mugala wa Zakaria omo mbwarara;

³ mwaya omo kihugo kyosi omo ndambi ya Yorodani, eritula omwatsi weribatisya ryeribinduka busana neribuyirwa ryebibi.

⁴ Ngoko kisakire omo kitabu kyebinywa bya Isaya muminyereri ati, Omulenge woyu kabirikira omo mbwarara: Mukokotaye enzira yoMukama, Mutungananaye esyonzira siwe.

⁵ Oburi musya asyasulibwa, Noburi kitwa noburi katwa byasyabondereribwa, Nebihengemire byasyatungananibwa, Nesyonzira sitahalire syasyaringiriranibwa;

⁶ Abosi bemibiri basyalola okwilamya ryoMungu.

⁷ Neryo mwabuga oko syondeko esyahika eribatisibwa naye ati, Inywe bana besyonzoka! Nindi wabakengesaya erisaga eriagarirwa erikandisyasa kwehi?

⁸ Mubute ebiguma ebitolere eribinduka simutsuke eriyibwira muti, Tuwite Abrahamu mo tata wetu; kusangwa ngababwira nyiti, Mungu angatoka eriha ngania abana omo mabwe aya busana na Abrahamu.

⁹ Na lino embasa inikirye omo ndina yemiti; oburi muti owatebuta ebiguma asyakondwa iniaguswa omo muliro.

¹⁰ Nesyondeko mosyamubulya siti, Netu tukoleki kwehi?

¹¹ Naye mwabwi rabo ati, Oyu wite esyokanzu ibiri, ahe oyu tawite; noyu awite akaryo, naye akole atya.

¹² Abasolesya nabo mobahika eriba tisibwa, mobabuga naye bati, Mukangirirya, netu tukoleki kwehi?

¹³ Naye mwabuga nabo ati, Simwimaye ebilabire oko byo mwategekawa.

¹⁴ Nabasoda mobamubulya bati, Netu, tukoleki kwehi? Naye mwabuga nabo ati, Simunyege mundu namaka kutse eritsongera ogundi namabehi, kandi musime ebihembo byenyu.

¹⁵ Na bandu bosi ibanemolinda omo maha, kandi abandu bosi mobabulya omo mitima yabo busana na Yoane, nga nganabya ini Kristo,

¹⁶ Yoane mwasubiryabo bosi ati, Ngaba tisaya omo magetsi; nikwa ogundi akasa oyu nyilengirye akagala, sinyitolere erikundula emikoba yoko ngendero siwe; iye akandisyababatisya omo Kirimu Kibuyirire nomo muliro.

¹⁷ Olugare luri omo byala biwe eribirya ekibuga kiwe ndeke, erihunika enganu omo kigona kiwe, nikwa omusunga asyahi syago omo muliro owatehombera.

¹⁸ Ritya nerihana rindi ringi, mwakanirya abandu engulu yowene.

¹⁹ Nikwa Herode omwami, iniamabikungwa na ye busana na Herodia, muka mugala wabo, kandi busana nebibi byosi Herode akola,

²⁰ mwatomeka oko byosi ebyo, kwerihira Yoane omo muliki.

Eribatisibwa ryaYesu

²¹ Nikwa omugulu abandu bosi bamabibatisibwa, na Yesu nibya amabibatisibwa abere anemosaba, olubula molwakingu kala,

²² neKirimu Kibuyirire mokyamwandagalirako omwi sosa omubiri wa kalikuku, nomulenge mwalwa elubula ati, Uri Mugala wage mwanze; ngatsemisibwa ndeke busana nawe.

Ekitunga kyaYesu

²³ Na Yesu, omugulu atsuka omubiri wuwe abya wemituta amakumi asatu, ni mugala ngoko baringikanaya ambu wa Yosefu, wa Heli,

²⁴ wa Matati, wa Lawi, wa Melki, wa Yana, wa Yosefu,

²⁵ wa Matatia, wa Amosi, wa Nahumu, wa Esli, wa Nage,

²⁶ wa Mati, wa Matatia, wa Simei, wa Yosefu, wa Yuda,

²⁷ wa Yoana, wa Resa, wa Serubali, wa Saltiele, wa Neri,

²⁸ wa Melki, wa Adi, wa Kosamu, wa Elmadamu, wa Eri,

²⁹ wa Yose, wa Eliezeri, wa Yorimu, wa Matata, wa Lawi,

³⁰ wa Simeoni, wa Yuda, wa Yosefu, wa Yonamu wa Eliakimu,

³¹ wa Melea, wa Menana, wa Matata, wa Natani, wa Dawidi,

³² wa Yese, wa Obedi, wa Boazi, wa Salmoni, wa Nasoni,

³³ wa Aminadabu, wa Aramu, wa Esironi, wa Peresi, wa Yuda,

³⁴ wa Yakobo, wa Isaka, wa Abrahamu, wa Tera, wa Nahori,

³⁵ wa Seregu, wa Reu, wa Pelegi, wa Eberi, wa Sela,

³⁶ wa Kainana, wa Arufaksadi, wa Semu, wa Noa, wa Lameki,

³⁷ wa Metusaeli, wa Enoka, wa Yaredi, wa Mahaleli, wa Kainana,

³⁸ wa Enosi, wa Seti, wa Adamu, wa Mungu.