Luka 22 - Nouveau Testament et Psaumes en Ndandi Version 1962

Yuda akaguraya Yesu

¹ Nikwa erirya ryekiro kinene kyoBundu Bute moKihamya mokyahika hakuhi, ekikahulawa mo Erikiruka.

² Naba hereri bakulu nabasaki mobasonda-sonda ko bangamwita; kusangwa bubaha abandu.

³ Satani nayo moyingira mu Yuda oyu kahulawa mo Iskariota, oyu waganzirawa okwikumi nababiri;

⁴ naye mwayakania na bahereri bakulu na bakulu babasoda ngoko angamuhotera kubo.

⁵ Nabo mobatsema, mobalagana erimuha esyofranka.

⁶ Naye mwaliga, mwasonda-sonda omwanya werimuhotera kubo hate ndeko.

Erirya ryerikiruka

⁷ Neryo ekiro kyoBundu bute mo Kihamya mokyahika, ekitolere ekyana kyembuli kyerikiruka ikyitwa.

⁸ Neryo mwa­tuma Petero na Yoane ati, Mugende mutukokoteraye ebyeri kiruka, itwatoka eriryabyo.

⁹ Mobamubwira bati, Ukasonda itwaya kokoteryabyo hayi kwehi?

¹⁰ Naye mwabwirabo ati, Lebaya, omugulu mwabya mwabingira oko muyi, omundu oyu hekire erirega ryamagetsi akandihindana nenyu; mumukwame omo nyumba eyakandiingiramo,

¹¹ mubwire mwenye nyumba muti, Mukangirirya akakubulaya ati, Engonde ya bageni iri hahi kwehi aho ngandirira erikiruka haguma na biga bage.

¹² Naye akandibakangya engonde nene yendata inakokotirye; omo mo mukokoteraye,

¹³ Nabo mobagenda, mobeya iko bine ngoko aryabwirabo; mobakokotya erikiruka.

Erirya ryoMukama

¹⁴ Endambi yabere yabihika, mwikala oko butara, naba kwenda haguma naye.

¹⁵ Kandi mwabwirabo ati, Nabirisonda kutsibu erirya erikiruka eri haguma nenyu ndenagalwa;

¹⁶ ku sangwa ngababwira sindiendisyaswaryaryo erihika aho ryasya bererera omo bwami bwoMungu.

¹⁷ Neryo mwimya olutehi, amabiha ewasingya mwabuga ati, Mwimaye olu, mugabelo omukati-kati kenyu;

¹⁸ kusangwa ngababwira eritsuka lino sindiendisyapulya oko biguma byebinyu erihika aho obwami bwoMungu bwasyasira.

¹⁹ Kandi mwimya obundu, amabiha ewasingya mwatsutsangabo mwahabobo, ati, Oyu ni mubiri wage owakahabawa busana nenyu. Mukole mutya erinyibuka.

²⁰ Nolutehi atya babirya, ati, Olutehi olu olukutawa busana nenyu ni lagana rihya omo musasi wage.

²¹ Nikwa lebaya ebyala byoyu kanyihotera biri haguma nage oko butara.

²² Kusangwa oMugala wo mundu akagenda ngoko kyasohawa; nikwa obulige oko mundu oyu kamuhotera!

²³ Nabo moba tsuka eribulania bobene, nga ni ndi wakubo angakola eki.

Omukulu nindi?

²⁴ Nobuhaka mobwabya omukati-kati kabo, nga ni ndi asyahulwa mo mukulu.

²⁵ Naye mwabuga nabo ati, Abami beBihanda bakatabalirabo; nabawite ehamuli kubo bakahulawa mo bakoli bendeke.

²⁶ Nikwa butsira bitya kwinywe; nikwa omukulu omukati-kati kenyu abye ngo mulere, nomusondoli abye ngoyu kakola.

²⁷ Kusangwa ni ndi yo mukulu, oyu wikere okwirya, kutse oyu kakola kwehi? Si yoyu wikere okwirya kwehi? Nikwa ingye ndi mukatikati kenyu ngoyu kakola.

²⁸ Inywe muri ababiriikala haguma nage omwile ngwako ryage;

²⁹ ngoko Tata wage abirinyihirira obwami, nage ngabahirirabo

³⁰ imwatoka erirya neripulya oko butara bwage omo bwami bwage, mwasikala oko bitumbi byobwami eritswera ebihanda ikumi nebibiri bya Israeli.

Petero akandigana Yesu

³¹ Simoni, Simoni, lebaya, Satani yabiribasonda, iyabasenze geta nge nganu,

³² nikwa nabirikusabira erikirirya ryawe sirikehe; wamabibinduka kandi, usikaye abagala benyu.

³³ Naye mwamubwira ati, Mukama, nyisikire erigenda nawe omo nyumba yomuliki nomwihola.

³⁴ Naye mwamubwira ati. Petero, ngakubwira, engoko lume siendibika omo kiro eki utewagana kasatu kutanyasi.

³⁵ Kandi mwabuga nabo ati, Omugulu nabatuma butsira itusi kutse engunza kutse esyonge ndero, Momwabula ekindu kwehi? Mobamusubirya bati, Eyihi.

³⁶ Neryo mwabuga nabo ati, Nikwa lino oyu wite itusi ahekeryo, nengunza nibya. Noyu tawite omuyari aguraye olukimba luwe agurego.

³⁷ Kusangwa ngababwira nyiti erisaka eri ritolere iryabererera omwisi wage, riti, Aganzawa na bakola nabi; kusangwa ekisakire busana nage kiwite eribererera ryakyo.

³⁸ Nabo mobabuga bati, Lebaya Mukama, hano hari miyari biri. Naye mwabuga nabo ati, Bihwe bitya.

Getesemane

³⁹ Neryo mwahuluka, mwaya oko kitwa kyeZeituni, ngoko anabya akakola; nabiga mobamukwama.

⁴⁰ Neryo abere ahikaho mwabuga nabo ati, Musabe isimwingira omwilengwako.

⁴¹ Neryo mwasegera haraha naherigusa eribwe, mwakukama mwasaba,

⁴² ati, Tata, wamanza, unyilusaye kolutehi olu; nikwa butsira erisonda ryage, nikwa ryawe rikolawe.

⁴³ Nomu laika mwamubutukirako akalwa elubula, erimuha akagala.

⁴⁴ Neribya omwagalwa kutsibu mwasaba nomuhwa kwilaba; nolunza luwe molwabya nga matondi womusasi awakatogo ngera ahisi.

⁴⁵ Nomugulu ahangana abisaba, mwahika oko biga mweyabo ibane to busana nobulige,

⁴⁶ neryo mwabwirabo ati, Busana naki mukaya to kwehi? Muhangane musabe isi­mwingira okwilengwako.

Erihoterwa na Yuda

⁴⁷ Omugulu akinabuga; endeko moyasa, no mundu oyu kahulawa mo Yuda, omuguma werikumi na babiri, mwasondo lerabo. Mwasegera hakuhi na Yesu erimuryatsirira;

⁴⁸ nikwa Yesu mwabuga naye ati, Yuda, wangahotera oMugala womundu nerimuryatsirira kwehi?

⁴⁹ Nomugulu ababya naye balangira ebikandibya, mobamubulya bati, Mukama, tubandebo omo muyari kwehi?

⁵⁰ Nomuguma wakubo mwabanda omukobe womuhereri mukulu mwatwa okutu kwamali.

⁵¹ Yesu mwa­buga ati, Uleke ebyo! Neryo mwatula oko kutu kuwe mwa mulamya.

⁵² Neryo Yesu mwabwira abahereri bakulu na bakulu abehekalu nabakulu abayamubambira ati, Mukasa nga mukabambira munyeyi, imunawite emiyari namahumo kwehi?

⁵³ Omugulu nabya nenyu ekiro nekiro omo hekalu, momuta sumba ebyala erinyihamba. Nikwa endambi eno ni ndambi yenyu, neyakagala komwirimya.

Petero akagana Yesu

⁵⁴ Neryo mobamutsimba mobamutwala, mobamuleta omo nyumba yomuhereri mukulu. Nikwa Petero mwakwama neri kengehera;

⁵⁵ neryo babere babiakya omuliro omukati-kati komuhana mobikala haguma, Petero naye mwikala omukati-kati kabo.

⁵⁶ Neryo mwanamuto, amulolako inianikere omo kya kakala mwamusamarira mwabuga ati, Omundu oyu abya haguma naye.

⁵⁷ Nikwa mwayigana ati, Mukali, sinyimwasi.

⁵⁸ Noko kandi katambi ogundi mwamulolako mwamubwira ati, Nawe uri wakubo. Nikwa Petero ati, We mundu, sindi wakubo.

⁵⁹ Nenyuma wakandi katambi ngendambi nguma ogundi kandi mwahatikana ati, Kwenene omundu oyu abya haguma naye; kusangwa ni muGalilaya.

⁶⁰ Nikwa Petero ati, We mundu, Sinyasi ekyo ukabuga nga niki. Neryo-neryo akinabuga, engoko lume moyabika.

⁶¹ NoMukama mwakeba mwasamarira Petero. Na Petero mwibuka eKinywa kyoMukama, ngoko abuga naye ati, Munabwire engokolume iteyabika, ukandinyigana ngendo isatu.

⁶² Neryo mwahuluka mwarira nobulige bwerikariha.

Erisiningulira Yesu

⁶³ Nikwa bandu ababya bahambire Yesu mobamusekererya mobamuswirya;

⁶⁴ mobamuswika omo meso nibya mobamu bulya bati, Minyerera! Nindi wamakuswirya kwehi?

⁶⁵ Mo bamubwira ebindi binywa bingi, bakamutsuma.

⁶⁶ Bwabere bwakya, endeko yabakulu babandu mobahindana haguma, abahereri bakulu nabasaki; mobamutwala omwibugiro ryabo bati,

⁶⁷ Wamabya uri Kristo utubwire. Nikwa mwa bwirabo ati, Nomo nangababwira, simwendikirirya;

⁶⁸ nomo nangababulya, simwendinzubirya.

⁶⁹ Nikwa eritsuka lino Mugala womundu asikalibwa oko byala byamali byakagala koMungu.

⁷⁰ Nabosi bati, Nikwa uri Mugala woMungu kwehi? Naye mwabuga nabo ati, Inywe mukabuga kwari inina ngye.

⁷¹ Nabo mobabuga bati, Turi nobwaga bwerindi iminyisya ryahi kwehi? Twamabiowa itwe bene omo buno buwe.