Luka 14 - Nouveau Testament et Psaumes en Ndandi Version 1962

Endevala yakabunda

¹ Omugulu ayarira omo nyumba yomurongani owabya wabaFarisayo omo kiro kyasabato, mobamusamarira.

² Neryo lebaya habya omundu embere siwe oyu lwere aka bunda.

³ Yesu mwabuga na bimiri na baFarisayo ati, Rina tolere omo bihano erilamya oko sabato, kutse eyihi kwehi?

⁴ Nikwa mobabya bukutu, Neryo mwamwimya mwamulamya, mwalagana naye.

⁵ Neryo mwabuga nabo ati, Nindi kwinywe oyu wite oko punda kutse enume eyabiritogera omo kyuna kyamagetsi, isiendilusyayo mukyo luba oko kiro kyasabato kwehi?

⁶ Mobataluka erimusubirya kwekyo.

Aherisikibwa

⁷ Neryo mwatwirabo omusyo ababirikirawa okwirya, iniabi rilebya ko bakayisoga aherisikibwa; mwabwirabo ati,

⁸ Omu gulu mundu akakubirikira okwirya ryeriherukya, siwikale aherisikibwa, ogundi mundu owerisikibwa kwilaba we, naye amabirikirwa;

⁹ noyu riababirikira inywe babiri akahika neri buga nawe ati, Usigire mundu oyu omwanya, nawe iwatsuka eriimya ahenyumanyuma nesisoni.

¹⁰ Nikwa omugulu uka birikirawa, ugende wikale ahenyumanyuma, nomukokya wawe amasa iniakubwira ati, Mwira, Segera emuliro; neryo wasya sikibwa omukati-kati kabosi abikere oko butara okwirya haguma nawe.

¹¹ Kusangwa oburi mundu oyu kayihira endata, asya kehibwa, noyu kayikehaya asyahamibwa.

¹² Mwabuga noyu wamubirikira ati, Omugulu ukayira erirya eryeritungi kutse ryeigolo-golo, subirikire abira bawe kutse abagala benyu kutse abekitunga kyawe kutse bali kyenyu bebindu, sibaswekubirikira kandi, iwamatuhwa.

¹³ Nikwa omugulu ukaha erirya, ubirikire abera, nebirema, nabakasindo gera nesyondimatime,

¹⁴ nawe wasyabana omuyisa, kusangwa sibangatoka eriswakutuha, Wasyatuhwa okwilubuka ryabatu nganene.

Erirya inene

¹⁵ Omugulu muguma wakubo abikere oko butara okwirya haguma naye owa eki, mwamubwira ati, Ari nomuyisa oyu kasyarira obundu omo bwami bwoMungu!

¹⁶ Nikwa mwa­buga naye ati, Omundu mwatsumba erirya inene, mwabirikira abangi;

¹⁷ nendambi yerirya yabere yahika mwatuma omu gombe wuwe oko babirikirawa ati, Mwase; kusangwa ebyosi byamabikokotibwa.

¹⁸ Nikwa abosi mobatsuka eriyihambulya. Owembere mwabuga naye ati, Nabirigula eririma, nyitolere eriya lebyaryo; ngakugo, undeke.

¹⁹ Nogundi ati, Nabirigula esyonde ikumi esibohire oko ngomo itano, nage ngaya lebayasyo; ngakugo, undeke.

²⁰ Nogundi mwabuga ati, Nabiriherukya omukali, kikaleka inataluka eri hika.

²¹ Neryo omugombe mwasa mwasyatulirago omukama wuwe. Neryo mwenye nyumba oyo mwahitana mwabuga nomugombe wuwe ati, Ugende luba omo mbalu nomo tuyira twomuyi, ulete abera nebirema nesyondimatime nabakasindo gera.

²² Nomugombe oyo mwabuga ati, Mukama, ebyo wategeka byabirikolwa, na lino hakine mwanya.

²³ Nomukama oyo mwabuga nomugombe ati, Ugende oko syombalu noko mitano uhatikane abandu eriingira, enyumba yage yusule.

²⁴ Kusangwa ngabuga nenyu, sihari nomuguma kwabo babiri­kirawa oyu kandisyagerya okwirya ryage.

Omusindo werikwama Yesu

²⁵ Neryo esyondeko nene mosyagenda naye; neryo mwake berabo mwabuga nabo ati,

²⁶ Omundu amasa kwingye isiarikwa ise wuwe ekiniga nanyinya nomukali wuwe na bana na bagala babo nabali babo, ega nengebe yiwe nibya, siangatoka eribya mwiga wage.

²⁷ Omundu oyu teheka omusalaba wuwe nerinyikwama, siangatoka eribya omwiga wage.

²⁸ Kusangwa nindi kwinywe, oyu kasonda erihimba enyumba nyiri, isiari tsuka eriikala ahisi neriganza esyofaranka syerihimba, ngana wite esyeriusulyayo kwehi?

²⁹ Bite bitya, abihira ekibanza, inialemwa eriusulyayo, nabosi abakasungayo ibatsuka erimu seka,

³⁰ bati, Omundu oyu mwatsuka erihimba, mwalemwa eribugayo.

³¹ Kutse omwami ni wahi, oyu kalwa nogundi mwami, isienditsuka eriikala neriya mbita nga nganatoka namaelfu ikumi erihindana nowa maelfu makumi abiri kwehi?

³² Bite bitya omugulu ogundi akine hali, iniatuma omukwenda eribulya musangano wobuholo.

³³ Ritya omundu gu kwinywe amatindasiga ebyosi awite siangatoka eribya omwiga wage.

³⁴ Omunyu owene; nikwa omunyu amatalya obusi bwago, obusi bwago bwasyasubibwa buti kwehi?

³⁵ Isiatolere busana nekitaka kutse busana nekyabu; bandu bakagusago eyihya. Oyu wite amatwi weriowa, owe.