Luka 12 - Nouveau Testament et Psaumes en Ndandi Version 1962

Erihana abiga

¹ Oko mugulu oyo, amaelfu mangi boko syondeko bama bihindana haguma, kyaleka ibaryatangirirana, iye mwa tsuka eribwira abiga buwe erimbere ati, Muyitegaye busana nekihamya kyabaFarisayo, ekyo ni teba.

² Sihari ekikunigirwe ekitinda-syabisulwa, kutse ekibisire ekitindasyaminyikala.

³ Omwatsi wahi ogo mwabirikanirya omo mwirimya asyo gwirwa omo kyakakala, nebyo mwabiribuga omo bihwehwe omo syongonde syamanyumba byasyabugirwa oko lutwe lwa manyumba.

⁴ Ngababwira, abira bage, nyiti, simubahe abakita omubiri, nenyuma waho sibawite ebyo bangaswakola.

⁵ Nikwa ngandibasayisya oyo mutolere eriubaha: Musage oyo amabiita iniawite namaka werigusa omo kyuna kyomuliro; ega, ngababwira, mubahe oyo!

⁶ Ebiswiri bitanu sibiguribawa busana nesenge ibiri kwehi? Sihari akaguma kakubyo akaki biriranawa embere syoMungu.

⁷ Kandi nesyonzwiri esyoko mitwe yenyu sinaganzire esyosi. Simubahe; muri bobuguri kwilaba ebiswiri bingi.

⁸ Kandi ngababwira, oburi mundu oyu kanyikanganaya emuliro wabandu, oMugala womundu asya mukangania emuliro wabalaika goMungu;

⁹ nikwa oyu kanyigana emuliro wabandu asyaganwa emuliro wabalaika goMungu.

¹⁰ Noburi mundu oyu kanegulira oMugala womundu asyabugirwa; nikwa oyu katsuma eKirimu Kibuyirire siendisyabuyirwa.

¹¹ Omugulu bakabaleta embere syamanyu mba werihindana nabarongani nabehamuli, simuhahukaye emitima ekyo mwasyasubirya kutse ebyo mwangabuga.

¹² Ku sangwa eKirimu Kibuyirire kyasyabakangirirya ebyo mutolere eribuga oko ndambi eyo.

Owebindu kikiru

¹³ Omuguma woko ndeko mwabuga naye ati, Mukangirirya, ubwire omugala wetu uti tugabe omwandu wetu.

¹⁴ Nikwa mwamubwira ati, We mulume, nindi wanyiyira mo mutsweri wenyu kutse omugabi wenyu kwehi?

¹⁵ Kandi mwabuga nabo ati, Mulebaye, muyitegaye okwirumwa ryosi; kusangwa engebe yomundu siri busana nobungi bwebindu biwe.

¹⁶ Neryo mwatwirabo omusyo, ati, Ekitaka kyo mundu webindu bingi mokyerya bingi;

¹⁷ neryo mwaganirya omwisi wuwe ati, Nasyakolaki kwehi? kusangwa singwite aheribika ebyalya byage.

¹⁸ Neryo mwaswayibwira ati, Ngandikola eki: inahi mbula ebigona byage, inahimba ebinene kwaho; umwebyo monasyabika ebyalya byage nebindu byage.

¹⁹ Neryo nasya bwira omutima wage nyiti, uwe mutima, uwite ebindu binene bibikire busana ne mituta mingi; uluhuke, urye, upulaye, utseme.

²⁰ Nikwa Mungu mwamubwira ati, Uwe kikiru! Omo kiro eki omutima wawe akandibirikirwa; nebindu ebyo wabiri bika, byasyabya byandi kwehi?

²¹ Noyu kayibikira ebindu kwari atya, ate webindu busana noMungu.

Amaganiryo

²² Neryo mwabwira abiga buwe ati, Nibya ngababwira simubye namaganiryo busana nengebe yenyu, muti mwasya ryaki, kutse busana nomubiri, nga mwasyambalaki.

²³ Ku sangwa engebe ilengire ebyalya, nomubiri alengire esyongimba.

²⁴ Muringikanaye ebikororo: sibyebiba kutse erigesa, sibyeyira embiso kutse ekigona, nikwa Mungu akarisayabyo. Nenyu muri bobuguri bungahi kwilaba esyonyonyu esyo kwehi?

²⁵ Nindi kwinywe busana namaganiryo angatoka eritomekera oko mituta yengebe yiwe oburi bwokuboko kuguma kwehi?

²⁶ Nikwa nenyu mwamatindatoka erikola omwatsi muke ngoyo, busana naki mukayiganiriraya busana nebindi ebyo kwehi?

²⁷ Muganiraye ebirangaranga, ngoko bikalasa; isibyekola omubiri kutse sibyeluka; nikwa ngababwira, nyiti, Solomono nolukengerwa luwe losi mwatambalibwa nge kiguma kyakubyo.

²⁸ Nikwa Mungu amambalya ebiti ebiriho omoli munabwire nomungyakya ibyaguswa omo riko, siendisyabambalya kwila baho kutsibu kwehi? inywe bandu berikirirya ike.

²⁹ Kandi simusonda-sondaye ebyo mwangarya nago mwangapulya, kutse simubye noburingikania wengitsi.

³⁰ Kusangwa ebihanda byosi bye kihugo bikasonda-sonda emyatsi eyi; na Tata wenyu anasi ebibari bwaga.

³¹ Nikwa kumbe, musonde obwami buwe, nebindu ebi byasyabya byenyu nibya.

³² Simubahe, ekihyo kike, kusangwa kikatsemesaya ndeke Tata wenyu eribaha obwami.

³³ Mugulaye ebindu byenyu, muhitaye; muyibanire matusi awatekula, nebindu ebiri omo lubula ebite keha, ahatehika omurahi nehinyurugunzu ehikaheraya.

³⁴ Ku­sangwa ahari ebindu benyu, hemitima yenyu ikabya.

Eriteya eriasa rya Yesu

³⁵ Esyombindi syenyu sibye isinabohire, nesiseke syenyu syake,

³⁶ mubye nga bandu bakalindirira omukama wabo ahasyasuburira erilwa omwirya ryeriherukania, ibatoka erimu kingurira neryo-neryo omugulu akasa erikongota.

³⁷ Omuyisa ari oko bagombe abo omukama akegaya ibanalolire; kwenene ngabuga nenyu, asyaboha embindi yiwe inikalyabo okwirya, iniahikaho iniakolerabo.

³⁸ Amasa oko kisisimuko ekyakabiri, kutse ekyakasatu, akegayabo bane batya, omuyisa ari na bagombe abo!

³⁹ Nikwa muminye eki, kumbe mwenye nyumba abya asi endambi yahi omurahi akandihika, ngabiribya inianalolire isiangaleka enyumba yiwe ikatulwa.

⁴⁰ Nenyu mubye imunasikire; kusangwa oMugala womundu akasa omo ndambi mutalengekenie.

Omugombe oyu utesiganiraya

⁴¹ Petero mwabuga ati, Mukama ukatwa omusyo oyu busana netu kutse busana nabosi kwehi?

⁴² OMukama mwabuga ati, Nindi yo mwimaniri oyu tebirirawa owamenge kwehi? omu kama wuwe asyamuhira erisuga abandu buwe, nerihabo akalengi kakaryo oko ndambi itolere.

⁴³ Omuyisa ari oko mugombe oyo omugulu omukama wuwe asyasa nerimweya akakola atya.

⁴⁴ Kwenene ngabuga nenyu, asyamuhira erisuga ebindu biwe byosi.

⁴⁵ Nikwa omugombe oyo amayibwira ati, Mukama wage alindireyo, iniatsuka eriswirya abagombe bobulume nabo bukali, nerirya neripulya nerikunda,

⁴⁶ omukama womugombe oyo asyasa ekiro atemulindirira noko ndambi atasi, asyamu suyira, nerimuhira haguma nabatikirirye.

⁴⁷ Nomugombe oyo wabya asi erisonda ryomukama wuwe, nikwa mwatakokotya kutse erikola ngerisonda riwe, asyaswiribwa kutsibu.

⁴⁸ Nikwa oyu tetaminya akakola ebitolere eriswiribwa, asyabana eriswi ribwa hake. Oburi mundu oyu kahabawa bingi asyaburibwa bingi; nokoyu bandu bakabikaya bingi basyamubulya bingi kwilaba.

Erigabana

⁴⁹ Monasa erigusa omuliro omo kihugo; kumbe aribiriaka! nangaswasondaki kwehi?

⁵⁰ Ngwite eribatisya eryo nangaba tisibwamo; kandi ngakwa engitsi erilinda ekiro ryasyabererera!

⁵¹ Mukaganiraya muti nasa nerileta obuholo omo kihugo kwehi? Eyihi, ngababwira, nikwa erigabana;

⁵² kusangwa eritsuka lino omo nyumba nguma hasyabya abatanu abagabene, abasatu nababiri nababiri na basatu abagabene;

⁵³ basyaga bana, ise na mugala nomugala nise, nyinya na mwali na mwali na nyinya, nyinyi-byala na mwaliana na mwaliana na nyinyi byala.

Eriminyerera emigulu

⁵⁴ Kandi mwabuga nesyondeko, ati, Omugulu mukalangira ekitu kikasira eyo eryuba rikalengera, mukabuga muti lino embula ikandiwa; neryo iko byanabya bitya.

⁵⁵ Nomugulu mukalebaya erihunga ryelutambi rikabuhirira, muti, ekihuhani kikalire kikandibya; iko byanabya bitya.

⁵⁶ Abatebya inywe! munasi erilengerera kisosekanio kye kihugo nekyanya; nikwa busana naki simwasi erilengerera omugulu wasesene kwehi?

⁵⁷ Busana naki simwetswera busana nenyu ekitunganene kwehi?

⁵⁸ Omugulu ukagenda nomutsongeri wawe emuliro womu tsweri, ulenge erisangana naye omo nzira, syakukurire oko mutsweri, nomutsweri erikuhererya omusoda naye akakugusa omo muliki.

⁵⁹ Ngakubwira, siwendisyalwamo na hake utewariha esenge yenyumanyuma.