Luka 11 - Nouveau Testament et Psaumes en Ndandi Version 1962

Erisaba

¹ Abere akasabira ahandi, neryo abere abuga, omuguma goko biga buwe mwamubwira ati, Mukama, Utukangiri raye erisaba, ngoko Yoane akangiriraya abiga buwe.

² Naye mwabuga nabo ati, Omugulu mukasaba, imwabuga muti: Tata, erina ryawe risikibawe, Obwami bwawe bwase.

³ Utuhe oburi kiro akaryo akekiro ekyo;

⁴ utubuyire ebibi byetu; kusangwa netu tukabuyira oburi mundu oyuri komwinda wetu; kandi sutulete omwilengwako.

⁵ Kandi mwabuga nabo ati, Nindi ukwinywe kwehi? oyu wite mwira wuwe akamuhikako omo kati kanene akamubwira ati, Mwira unyibweke amandu asatu;

⁶ kusangwa omwira wage amabinyihikako akalwa oko lugendo, nage singwite ekyerimutsumbira;

⁷ noyuri omonyumba akandimusubirya ati, Sunduhaye; oluyi lukingire, na bana bage bagotsere haguma nage oko ngingo; sinditoka eri hangana nerikuha kindu.

⁸ Ngababwira nyiti, nomo angabya atetahangana kusangwa ni mwira wuwe, nikwa busana nerimu hatikana akandihangana nerimuha ebyosi ari nobwaga.

⁹ Nga babwira, Mubulaye, mwasyahabwa; musondaye, mwasyabana; mukongote oko luyi, mwasyakingulirwa.

¹⁰ Kusangwa oyu kabulaya akahabawa, noyu kasonda akabana, noyu kakongota akakingulirawa.

¹¹ Nindi kwinywe ise, omwana amamusaba erihere, iniamuha enzoka kwehi? kutse amamusaba obundu iniamuha eribwe kwehi?

¹² Kutse amabulya eriyi, iniamuha enge kwehi?

¹³ Neryo inywe mwamabya muri babi, munasi eriha abana benyu erihitya ryowene, Tata wenyu welubula sialabire aho kutsibu eriha eKirimu Kibuyirire oko bakamu bulaya kwehi?

Belzebuli

¹⁴ Kandi abya akagusa eyihya esyombinga kwoyo wabya mumu; nembinga yabere yabimulwako, emumu moyabuga, nabandu mobasweka.

¹⁵ Nikwa abandi bakubo mobabuga bati, akagusa esyombinga omo Belzebuli, omukama wesyombinga;

¹⁶ nikwa abandi, erimulengako, mobamusonda-sondako ekitiko tiko ekikalwa elubula.

¹⁷ Nikwa iye iniakaminya oburingikania bwabo, mwabuga nabo ati, Oburi bwami obukagabana buka hera, nenyumba yamayirwania ikatera.

¹⁸ NeSatani yamayi gabula yoyene, obwami bwayo bwasyahangana buti kwehi? Kusangwa mukabuga muti, Ngagusa esyombinga omo Belze buli.

¹⁹ Nage namagusa esyombinga eyihya omo Belzebuli, abagala benyu bakagusasyo mundi kwehi? Kikaleka ibasyabya batsweri benyu.

²⁰ Nikwa amabya ini busana nomunwe woMungu ngagusa esyombinga, lero obwami bwoMungu bwa mabibahikako.

²¹ Omugulu mundu wamaka, amabiambala ebindu byamalwa, amateya omuyi wuwe, ebindu biwe biri nobuholo;

²² nikwa oyu mulengirye akagala amamubambira akamukinda, akamulusayako ebindu biwe byamalwa ebyo ayiketera, iniagaba ebindu biwe.

²³ Oyu te nage ni nzigu yage, noyu te kumakuma haguma nage akapanzapanza.

²⁴ Omu­gulu ekirimu kibi kikalwa oko mundu, kikalaba ahate magetsi ikyasonda aheriluhukira; ikyabulaho ikyabuga kiti, Ngandisuba omo nyumba yage nalwamo.

²⁵ Neryo kyahikayo ikyeya inina birirye ininakomire.

²⁶ Neryo kikagenda nerileta ebindi birimu birinda ini bibi kwilabakyo, ibingira ibikalamo; nenduli yomundu oyo iyabya nyibi kwilaba erimbere.

²⁷ Abere akabuga omwatsi oyu, omukali abya omo ndeko mwasumba omulenge wuwe mwamubwira ati, Omuyisa ari nenda yakubuta, namabere warya!

²⁸ Naye mwabuga ati, Nikwa okwilaba aho omuyisa ari noyu kowa eKinywa kyoMungu neribikakyo.

Ekitikotiko kya Yona

²⁹ Nomugulu esyondeko syabya sikakanya, iye mwatsuka eribuga ati, Olugendo olu ni lulengo lubi; lukasonda ekitiko tiko, nikwa silwendisyahabwakyo kyene kitikotiko kyaYona.

³⁰ Kusangwa ngoko Yona abya kitikotiko busana nabandu beNinawe, kitya Mugala womundu asyabya atya busana nolulengo olu.

³¹ Omwami wobukali woLutambi asyahangana okwitswera nabandu bolulengo olu asyatswerabo lubi; kusangwa alwa oko syonduli sye kihugo neriowa amenge wa Solomono, kandi lebaya, oyu lengire Solomono ari hano.

³² Abandu beNinawe basyahangana okwitswera olulengo olu basyatsweralo lubi; kusangwa mobabinduka okwikangirirya ryaYona, kandi lebaya, oyu lengire Yona ari hano.

³³ Sihari oyo kakaya oluseke akahiralo omo kyuna kyenyumba kutse omwisi wekitiri, nikwa oko kyeriteka koluseke, abakingira ibatoka erilola oko kyakakala.

³⁴ Eriso ryawe ni luseke lwomubiri wawe; eriso ryawe ryamabya ryowene, omubiri wawe gosi inioswire nekya kakala; nikwa ryamabya ni ribi, omubiri wawe inioswire nomwirimya.

³⁵ Neryo utegaye ekyakakala omwisi wawe sikibya mwirimya.

³⁶ Neryo omubiri wawe gosi amusula nekyakakala, isiawite mwanya ari mo mwirimya, asyabya neri kangabania ogosi, ngoluseke omugulu lukakukoleraya.

Obuhanya oko baFarisayo

³⁷ Abere akabuga, omuFarisayo mwamubulya ati arire haguma naye; neryo mwingira mwikala oko butara.

³⁸ Nomu Farisayo mwasweka erilangira kwatetatsuka erinaba embere werirya.

³⁹ OMukama mwabuga naye ati, Lino inywe abaFarisayo mukeraya enyuma wolutehi nekisya, nikwa omwisi muswire erinyega nobubi.

⁴⁰ Inywe bikiru! Oyu wakokotaya enyuma mwatakokotya nomwisi kwehi?

⁴¹ Nikwa muhebusana nerihitya ebindu ebiri omwisi; neryo lebaya, ebyosi byasyabya ibinerire busana nenyu.

⁴² Nikwa obuhanya kwi nywe abaFarisayo! Kusangwa mukaleta ekiguma kyerikumi kyamunanaa na muchicha nesindi nyenyi syosi, imukasiga eritunganene nerianza Mungu; ebi mutolere erikolabyo, neri tindasiga ebindi ebyo.

⁴³ Obuhanya kwinywe abaFarisayo! kusangwa mwanzire ebitumbi ebyowenenga omo manyumba werihindana neribukibwa omo maguriro.

⁴⁴ Obuhanya kwi nywe! kusangwa muri ngesisinda esitaminyikere, abandu bakalaba kusyo isibasi.

Obuhanya oko bimiri

⁴⁵ Neryo muguma wokobimiri mwamusubirya ati, Muka ngirirya, eribuga utya inukatutsuma.

⁴⁶ Naye mwabuga ati. Obuhanya kwinywe abimiri nibya! kusangwa mukahekaya abandu emiheke eyikalire erihekwa, nenyu simwetulaya oko miheke eyo kono munwe muguma wenyu.

⁴⁷ Obuhanya kwi nywe! kusangwa mukahimba esisinda syabaminyereri abo abotata wenyu bita.

⁴⁸ Nenyu muri balangiri nabaliga emibiri yabotata wenyu; kusangwa bo bitabo, nenyu mukahimba esisinda syabo.

⁴⁹ Kikaleka amenge woMungu iniabuga ati, Nasyatumirabo abaminyereri nabakwenda, abandi bakubo basitabo neriendereryabo,

⁵⁰ neryo omusasi wabaminyereri bosi, owutawa eritsuka ryekibanza kye kihugo, iniatoka eribu ribwa abo lulengo olu,

⁵¹ eritsuka oko musasi wa Abeli erihika oko musasi wa Zakaria, oyo wakwira omukati-kati kaheriherera nehekalu. Ega ngababwira, asyabulibwa abo lulengo olu.

⁵² Obuhanya kwinywe abimiri! kusangwa mwabirilusya eki boholi kyamenge; nenyu simwetingira, nabakasonda eriingira mukakakirayabo.

⁵³ Abere akalwayo, abasaki nabaFarisayo mobatsuka erimu hatikania kwe binywa nerimukuna eribuga bingi,

⁵⁴ ibaka murinda, erimutega oko mwatsi angabuga.