Esyonyimbo 97 - Nouveau Testament et Psaumes en Ndandi Version 1962OMUKAMA akatabala 1 OMUKAMA akatabala; e kihugo kitseme; Nebitsira bingi bitsange. 2 Ebitu nomwirimya bikamutimbako: Ebitunganene neritswera ndeke ni kibanza kyekitumbi kiwe kyobwami. 3 Omuliro akatangirira embere siwe, Akahisaya esyonzigu siwe oko mbande syosi. 4 Eripalya riwe moryakolerya omo kihugo: E kihugo mokyalangira mokyatitimana. 5 Ebitwa mobyanuna ngebisisi emuliro woMUKAMA, Emuliro woMukama we kihugo kyosi. 6 Amatuko akakanganaya eritunganene riwe, Nabandu bosi babirilangira olukengerwa luwe. 7 Abosi abakakolera esisumba esikabatsawa bitawe esisoni, Abakayiketera esisumba; Inywe emyungu yosi mumunamire. 8 Sayuni moyowa moyatsema, Na bali baYuda mobatsanga, Busana neritswera ryawe, Uwe MUKAMA. 9 Kusangwa uwe oMUKAMA, uri endata kutsibu oko kihugokyosi: Uhamire kutsibu kwilaba emyungi yosi. 10 Inywe mukanza MUKAMA, mukwe ebibi byo kiniga: Iye abikire ebirimu byababuyirire buwe; Akalamayabo omo byala byabakola nabi. 11 Ekyakakala kikabibawa busana nabatunganene, Nobutseme busana nabatunganene omo mutima. 12 Mutsemere MUKAMA, inywe batunganene; Muhe ewasingya oko rina riwe ribuyirire. |
Le Nouveau Testament et les Psaumes en Ndandi © British and Foreign Bible Society, 1962.
Bible Society of the Democratic Republic of Congo