Esyonyimbo 95 - Nouveau Testament et Psaumes en Ndandi Version 1962Eripipa MUKAMA 1 Mwase twimbire oMUKAMA; Tubugaye olukanda lwekisehya okwibwe ryerilama ryetu. 2 Twase embere weribyaho riwe neriha ewasingya; Tubugaye olukanda lwobutseme okwiye nesyosauma. 3 Kusangwa MUKAMA ni Mungu mukulu, NoMwami mukulu kwilaba emyungu yosi. 4 Omo byala biwe muri emilindi ye kihugo; Obuli bwebitwa ni biwe nibya. 5 Engetsi ni yiwe, yo wahangikayo; Nebyala biwe byobyabumba ekitaka. 6 Mwase, tumukukamire kandi tuname; Tukukame embere syoMUKAMA Oyo watukola: 7 Kusangwa ni Mungu wetu, Netu turi bandu bolurisiryo luwe, nesyombuli syomobyala biwe. Munabwire kumbe mwamowa omulenge wuwe! 8 Simukalaye emitima yenyu ngeMeriba, Ngekiro kyaMasa omo mbwarara; 9 Omugulu abotata wenyu banyilengako, Banyilenga, mobalangira emibiri yage. 10 Emituta amakumi ani monagalwa nolulengo olo, Nyiti, Ni bandu bakatala omo mitima yabo, Sibetaminya esyonzira syage: 11 Kyaleka inalahirya omwihitana ryage, nyiti, Sibendisingira omwiluhuka ryage. |
Le Nouveau Testament et les Psaumes en Ndandi © British and Foreign Bible Society, 1962.
Bible Society of the Democratic Republic of Congo