Biblia Todo Logo
Bìoball air-loidhne

- Sanasan -

Esyonyimbo 5 - Nouveau Testament et Psaumes en Ndandi Version 1962


Erisabira obuteya oko babi
Oko mwimbiriri mukulu: busana nesyonyamulera. Sauma ya Dawidi.

1 Uwe MUKAMA, uhulikirire ebinywa byage; Gowe erisimba ryage.

2 Uhulikirire omulenge werilaka ryage, oMwami wage noMungu wage, Kusangwa uwe ngasaba.

3 Uwe MUKAMA, mwangyakya ukowa omulenge wage; Omongyakya-ngyakya nasyakokotya obuhere busana naweneriteya.

4 Kusangwa suri Mungu oyu katsemera ebibi; Ebibi sibyangikala ahuri.

5 Abakayihamaya sibangahangana embere syameso wawe; Ukakwa ekiniga abakolanabi bosi.

6 Ukaheraya abakabuga amabihi; OMUKAMA akakwa syonye abiti nabandu bakateba

7 Nikwa ingye nasingira omo nyumba yawe busana nobunene bwolwanzo lwawe lusikire, Nasyakukama erilolya oko hekalu yawe ibuyirire omwikubaha.

8 Uwe MUKAMA, unyisondole, omo ritunganene ryawebusana nesyonzigu syage; Utungananaye enzira yawe embere syameso wage.

9 Kusangwa sihari ekwenene omo buno bwabo; Omutima wabo ni herya, Nomumero wabo ni isinda itatabire, Bakasihaya nolulimi lwabo.

10 Uwe Mungu, uganzirebo ebibi byabo; Uleke batoge omo mbita yabo; Ugusebo busana nebibi byabo bingi, Kusangwa babiribya bwanise bwawe.

11 Nikwa abosi bakakusagirako batseme, Bimbe neriyitsangura endambi yosi kusangwa ukimirabo, Abakanza erina ryawe batseme omwisi wawe.

12 Kusangwa wasyaha abatunganene omuyisa, uwe MUKAMA; Ukamuswika nolukogo ngengabo.

Le Nouveau Testament et les Psaumes en Ndandi © British and Foreign Bible Society, 1962.

Bible Society of the Democratic Republic of Congo
Lean sinn:



Sanasan