Esyonyimbo 45 - Nouveau Testament et Psaumes en Ndandi Version 1962

Olwimbo lweriherukya ryomwami

Oko mwimbiriri mukulu: ngebirangaranga. Erikangirirya ryabagala ba Kora; olwimbo lwolwanzo.

¹ Omutima wage amatswaga nomwatsi mubuya; Ngabuga emyatsi nabirikolera omwami: Olulimi lwage ni kasaki komusaki womuhwa.

² Ulabire obubuya bwabagala babandu; Olukogo lutirwe omo minywa yawe: Okwebyo Mungu abirikutsumula kera na kera.

³ Ubohe omuyari wawe oko ndungu, Uwe wamaka, Olukengerwa nobukengwa bwawe.

⁴ Omo bukengwa bwawe usambe uhekawe omwikinda, Busana nomwatsi wekwenene nobolo neritunganene: Nebyala byawe byamali byasyakwigisya emyatsi yeriubahya.

⁵ Emisoha yawe italirye; Abandu basyawa ahisi omwisi wawe; Iyo iri omo mutima wesyonzigu syomwami.

⁶ Uwe Mungu ekitumbi kyawe kyobwami, ni kyakera na kera: Omutso wobwami bwawe ni mutso weritunganene.

⁷ Wanzire eritunganene ukakwa ebibi ekiniga: Busana nekyo Mungu, Mungu wawe abirikuhakabya Namaguta wobutseme kwilaba balikyenyu.

⁸ Esyongimba syawe syosi sikakumba manemane na uri, namda lasani; Omo nyumba ya meno yesyonzogu esyonanga syabirikutse mesya.

⁹ Abali bomwami bari omukati-kati kabakali bawe berisikya; Omugole imene oko byala byawe byamali iniambite zahabuya Ofiri.

¹⁰ Uhulikirire, uwe mwali, uganiraye, utege kutu kwawe; Wibirirawe bandu benyu, nenyumba ya tata wawe:

¹¹ Ritya omwami asyanza obubuya bwawe; Kusangwa iye ni mukama wawe; umunamire.

¹² Omwali we Tiro asyabyaho nerihitya; Abebindu bokobandu basyayanzirirya oko lukogo lwawe.

¹³ Omwali womwami omo nyumba ni wolukengerwa kundu: Esyongimba siwe silukire omo zahabu.

¹⁴ Asyatwalwa oko mwami iniambite esyongimba isyabirikangabanibwa: Abakondo bali kyabo abakamukwama Basyaletwa okuwe.

¹⁵ Basyaletwa neritsanga nobutseme: Basingira omo nyumba yomwami.

¹⁶ Abana bawe basyabya omo mwanya wabotata wawe, Wasyayirabo mo bakulu omo kihugo kyosi.

¹⁷ Nasyaleka erina ryawe iribukwa omo syondengo syosi: Neryo ebihanda byasyakuha ewasingya kera na kera.