Esyonyimbo 42 - Nouveau Testament et Psaumes en Ndandi Version 1962

EKITABU KYAKABIRI Erikwa enyota busana noMungu

Oko mwimbiriri mukulu. Olwimbo lwa bagala baKora.

¹ Ngoko engabi ikakwa nyota yesyonyusi, Ritya ekirimu kyage kikakwa olukando lwawe, uwe Mungu.

² Ekirimu kyage kikakwa enyota busana noMungu, busanano Mungu oyuriho: Nasyasa omugulu wahi neriminyikala embere syoMungu kwehi?

³ Emisoni yage yabiribya akaryo kage omwitungi nomo kiro, Ibanemobulya ekiro kyosi bati, oMungu wawe ari hahikwehi?

⁴ Emyatsi eyi ngibuka, omugulu nguta ekirimu kyage, ukwingye, Ngoko nagendanaya nemilondo, monasondolabo oko nyumba yoMungu, Nomulenge wobutseme neripipa, emilondo eyikabika ekiro kikulu.

⁵ Busana naki ukunama uwe ekirimu kyage? Kandi ukasweka omwisi wage? Ubye namaha oko Mungu; Kusangwa nasyaswamupipa busana neriwatikya ryobusu buwe.

⁶ Uwe Mungu wage, ekirimu kyage kyamunama omwisi wage: Kikaleka inakwibuka omo kihugo kyaYorodani, Nekya biHermoni, noko kitwa Misari.

⁷ Emirindi ikabirikira emirindi oko lukanda lwemisalala yawe: Ebisunda byawe byosi nerigunga ryawe byabirinyibwayirako.

⁸ OMUKAMA akanditegeka eriganyira riwe omwitungi; Nomo kiro olwimbo luwe lwasyabya nage, Erisaba oko Mungu wengebe yage.

⁹ Nasyabuga noMungu ribwe ryage, Nyiti, Busana nakiwabirinyibirirwa? Busana naki ngasusumana busana nerinubibwa ryesyonzigu syage?

¹⁰ Esyonzigu syage sikanyisiningurira ngomuyari mo makuhawage, Omugulu bakabuga nage endambi yosi bati, oMungu wawe ari hahi?

¹¹ Uwe kirimu kyage, busana naki ukunama kwehi? Busana naki ukasweka omwisi wage? Ubye na maha oko Mungu; kusangwa nasyamupipa, Oyuri eriwatikya ryobusu bwage, noMungu wage.