Esyonyimbo 41 - Nouveau Testament et Psaumes en Ndandi Version 1962

Eririra ryomukoni

Oko Mwimbiri mukulu. Sauma ya Dawidi. Omuyisa ari noyu kaganiraya abera:

¹ OMUKAMA asyamulamya oko kiro kyobulige.

² OMUKAMA asyamulembera nerimuteya eribyaho, asyabya omutsumulwa omo kihugo; Siendisyamuha okwisonda ryesyonzigu siwe.

³ OMUKAMA asyamutwanira oko ngingo omwitoha: Ukasesa engingo yiwe omo ndwala yiwe.

⁴ Monabuga nyiti, uwe AMUKAMA, unyiganyire: Ulamaye ekirimu kyage; kusangwa nabirikukola nabi.

⁵ Esyonzigu syage sikanyibugako nabi, siti, Asyahola omugulu wahi nerina riwe iryahera kwehi?

⁶ Kandi omuguma wakubo amasa akanyibana akabuga mabihi; Omutima wuwe akayisongeraya ebibi; Omugulu akahuluka, akabugabyo.

⁷ Abosi bakanyikwa ekiniga bakabuga omo bihwehwe; Bakanyiyira embita nyibi.

⁸ Bati, endwala nyibi yabirimuhamba; Na lino kwagotsere siendsyaswahangana.

⁹ Ega, omwira wage mwanze, oyo nayiketera, oyo warya okobundu bwage, Abirinyihandira akasinziro kiwe.

¹⁰ Nikwa uwe MUKAMA, unyiganyire unyihanganaye, Inatoka erituhabo.

¹¹ Busana neki ngaminya ko ukanyitsemera, Kusangwa enzigu yage siarinyisinga,

¹² Nikwa ingye ukanyisikaya busana neritunganene ryage, Ukanyihira embere syobusu bwawe kera na kera.

¹³ Omuyisa abye oko MUKAMA, oMungu wa Israeli, Eritsuka kera nerihika kera na kera. Bibye bitya, nakandi bibye bitya.