Esyonyimbo 32 - Nouveau Testament et Psaumes en Ndandi Version 1962

Obutseme bweribuyirwa ryebibi

Sauma ya Dawidi. Olwimbo lwamenge.

¹ Omuyisa ari kwoyo wabiribuyirwa oko malolo wuwe, Ebibi biwe byabirikuningirwa.

² Omuyisa ari komundu oyo MUKAMA atesyaganza kwebibi, Nomo kirimu kiwe sihari matebo.

³ Omugulu ndakangaya ebibi byage, omubiri wage mwananuka, Busana nerisimba ryage omo kiro ne kiro.

⁴ Kusangwa ebyala byawe omwitungi nomo kiro mobyanyiritohera: Akagala kage mokahinduka ngomo kihuhahani kyomwisi. [Sela

⁵ Ngaligira erikangya ebibi byage ukuwe, sindibisa ebibibyage: Monabuga nyiti, ngandikangya MUKAMA ebibi byage; Nawe mowabugira embuga yebibi byage. [Sela

⁶ Kikaleka oburi mundu oyu kubaha Mungu angakusaba omugulu ukabanika: Omugulu wamagetsi manene asyagunga siendimuhikako.

⁷ Uri bubisamo bwage; wasyanyiteya oko malige; Wasyanyitimbako neriyisyandira ryerilama. [Sela

⁸ Nasyakuhana neriso ryage ryasyabya kuwe.

⁹ Simubye ngefarasi kutse ngenyumbu, esitawite amenge; Esikakakiribawa nekyuma kyomo buno nomukoba gomoBikya Initasyakuhikako.

¹⁰ Obulige bungi bwasyabya oko bebibi; Nikwa oyu kayiketera oMUKAMA, olwanzo lubuya lwasyamutimbako.

¹¹ Inywe batunganene mutsemere oMUKAMA mutsange, Inywe bosi bemitima itunganene muyisyandire nobutseme.