Esyonyimbo 27 - Nouveau Testament et Psaumes en Ndandi Version 1962

Eriyiketera Mungu

Sauma ya Dawidi.

¹ OMUKAMA ni kyakakala kyage nerilama ryage: Nasyubaha ndi kwehi? MUKAMA ni kagala kengebe yage; Nasyasaga ndi kwehi?

² Omugulu abakolanabi bakanyihikako erirya omubiri wage, Esyonzigu syage nobwanise bwage, mobatwikala neriwa.

³ Nomo mulondo anganyibambira, Omutima wage siendisyubaha: Nomo malwa anganyihamba Mwebyo nasyasika nibya.

⁴ Ekindu kiguma nabiribulya MUKAMA, ekyo nasyasonda: Nyikale omo nyumba yoMUKAMA ebiro byosi byengebeyage, Eritungerera obubuya bwoMUKAMA, Neribulirirya omo hekalu yiwe.

⁵ Kusangwa omo kiro kyobulige asyanyibisa omo hema yiwemo bisobiso: Asyanyibisa omo kisenge kyehema yiwe; Asyanyisumbira endata okwibwe.

⁶ Neryo omutwe wage asyasumbirwa endata oko nzigu syage esikanyi timbako; Nage nasyaherera amahere wobutseme omo hema yiwe; Nasyimba, ega, nasyimbira MUKAMA eripipa.

⁷ Gowe, Uwe MUKAMA, omugulu ngabirikira nomulengewage: Unyiganyire, unyisubiraye.

⁸ Omugulu wabuga uti, Musonde Obusu bwage; omutimawage mwakubwira ati, Obusu bwawe, MUKAMA, nasyasondabo.

⁹ Sunyibise obusu bwawe; Suhige omugombe wawe omwihitana: Wabiribya eriwatikya ryage; Sunyiguse, kutse erinzigania, Uwe Mungu werilama ryage.

¹⁰ Kusangwa tata na koyo babirinziga, Nikwa oMUKAMA asyanyisoga-sogania.

¹¹ Unyigisaye enzira yawe, uwe MUKAMA; Nerinyisondola omo nzira eyikomire busana nesyonzigusyage.

¹² Sunyihe okwisonda ryesyonzigu syage: Kusangwa abalangiri bamabihi babirinyibambira, Nabakahumula ebikagalaya.

¹³ Kumbe ndikirirya erilola oko bubuya bwoMUKAMA, nga nabiripisima Omo kihugo kyabariho.

¹⁴ Ulindirire MUKAMA; ubye namaka, omutima wawe ahambe erisika; Ega, ulindirire MUKAMA.