Esyonyimbo 25 - Nouveau Testament et Psaumes en Ndandi Version 1962

Erisabira erilemberwa

Sauma ya Dawidi.

¹ Okuwe MUKAMA ngasumba ekirimu kyage.

² Uwe Mungu wage nabiriyiketera we, Suleke ngitwa esisoni; Suleke esyonzigu sikatsemera eringinda.

³ Ega, sihari oyu kakulinda oyu wasitwa esisoni: Abakateba hate ekikaleka, bo bakandisitwa esisoni.

⁴ Uwe MUKAMA, unyikangaye esyonzira syawe. Unyigisaye esyonzira syawe.

⁵ Unyisondole omo kwenene yawe, nerinyigisya; Kusangwa uri Mungu werilama ryage; Ni we ngalinda omwitungi ryosi.

⁶ Uwe MUKAMA, wibuke erigenyera ryawe nolwanzolubuya lwawe; Kusangwa bitula na kera.

⁷ Siwibuke ebibi ebyomo bulwana bwage, kutse malolo wage: Ngo lwanzo lubuya lwawe unyibuke, Busana nobubuya bwawe, uwe MUKAMA.

⁸ OMUKAMA ni mubuya kandi atunganene: Neryo asigisya abebibi enzira.

⁹ Abakayikehaya asyasondolabo omo ritunganene, Kandi abakayikehaya asyakangiriryabo enzira yiwe.

¹⁰ Esyonzira syosi syoMUKAMA ni syolwanzo lubuya nekwenene Ukwabo bakabika erilage riwe neritulago riwe.

¹¹ Busana nerina ryawe, uwe MUKAMA, Ubuyire malolo wage kusangwa ni manene.

¹² Omundu ni ndi oyu kubaha MUKAMA kwehi? Asyamwigisya enzira eyo asyayisoga.

¹³ Ekirimu kiwe kyasikala omo buholo; Nolubuto luwe lwasyalagwa e kihugo mo mwandu.

¹⁴ Obwira bwoMUKAMA buri nabo abakamubaha; Naye asyakangyabo erilaga riwe.

¹⁵ Ameso wage akalola oko MUKAMA ebiro byosi; Kusangwa asyapura ebisandu byage omo muliati.

¹⁶ Unyikebere, unyiganyire; Kusangwa namakera-kererwa namabya nobulige.

¹⁷ Amalige womutima wage abirikanya, Unyilusaye omo malige wage.

¹⁸ Uganiraye eriagalwa ryage nobulige bwage; Ubuyire ebibi byage byosi.

¹⁹ Ulebaye esyonzigu syage, kusangwa ni bangi; Bakanyikwa ekiniga ekikalire.

²⁰ Utegaye ekirimu kyage, unyilamaye: Suleke ngitwa esisoni, kusangwa ngakusagirako.

²¹ Ebyekwenene neritunganene binyitegaye, kusangwa ngakulinda.

²² Uwe Mungu, utongolaye Israeli, oko malige wuwe gosi.