Esyonyimbo 24 - Nouveau Testament et Psaumes en Ndandi Version 1962

OMUKAMA ni Mwami

Sauma ya Dawidi.

¹ E kihugo ni kyoMUKAMA neriusula ryakyo, E kihugo na abikere mukyo;

² Kusangwa ahandakyo oko syongetsi, Kandi mwasikyakyo okwigunga ryamagetsi.

³ Ni ndi wasyahetukira oko kitwa kyoMUKAMA kwehi? Ni ndi asyahangana ahabuyirire hiwe kwehi?

⁴ Oyu wite ebyala byerire nomutima ahenirye; Oyu tesumba omutima wuwe okwibiha Noyu telahiraya neriteba.

⁵ Iye asyabana omuyisa oko MUKAMA, Neritunganene oko Mungu werilamya riwe.

⁶ Olu ni lulengo lwabakamusonda-sonda, Abakasonda-sonda obusu bwawe, Uwe Yakobo.

⁷ Musumbe emitwe yenyu imwe bikiraga! Musumbawe inywe ngyo syerikota: Nomwami wolukengerwa asiingira.

⁸ OMwami wolukengerwa ni ndi kwehi? MUKAMA wakagala na maka, MUKAMA wobutoki omo malwa.

⁹ Musumbe emitwe yenyu inywe bikiraga, Ega musumbeyo, inywe ngyo syerikota: Nomwami wolukengerwa asiingira.

¹⁰ OMwami wolukengerwa ni ndi? oMUKAMA wemilondo Iye ni Mwami wolukengerwa.