Esyonyimbo 17 - Nouveau Testament et Psaumes en Ndandi Version 1962

Erisabira eribikwa

Erisaba ryaDawidi.

¹ Uhulikirire omwatsi atunganene uwe MUKAMA! gowe erilaka ryage! Utege okutu okwisaba ryage erikalwa omo minywa eyite neriteba!

² Eritswera ryage rilwe embere syawe! Ameso wawe atungerere ebitunganene!

³ Wamalenga omutima wage, wamasyambana omo kiro, Wamandenga, siwendisyanyibana kwebibi; Nyiti obuno bwage sibuhalaye.

⁴ Nikwa busana nemibiri yabandu, busana nebinywa byeminywa yawe, Nabiriyibika oko syonzira syabakalire

⁵ Eribasula ryage ryabirisika omo syonzira syawe, Ebisandu byage sibetatendera.

⁶ Ngakulakira, kusangwa ukanyisubiraya, uwe Mungu; Unyitegere okutu kwawe, gowe ebinywa byage.

⁷ Ukangaye olwanzo lubuya lwawe lweriswekera, Uwe ukalamaya abakasonda aherisagira esyonzigu syabo oko byala byawe byamali.

⁸ Unyibike nga kalangira akeriso; Unyibise omo kitsutsu kyebipupa byawe,

⁹ Oko babi abakanyinubaya, Oko syonzigu syage nyiti esikanyitimbako.

¹⁰ Bakakinga emitima yabo okwiganyira; Amuno wabo akabuga ebyeriyihamya.

¹¹ Bakatutolaya; lino bakanyitimbako; Bakahira ameso wabo eritukinda ahisi.

¹² Baringe ndale eyanzire eritulanga, Ngomusuko wendale eyikayibisa omo kisaka.

¹³ Uwe MUKAMA, uhangane! Umuhangane kwemuliro, ukindebo! Utongolaye engebe yage oko mubi nomuyari wawe,

¹⁴ Oko bandu omo byala byawe, Uwe MUKAMA, Oko bandu abawite erigabo ryabo ryengebe ni rye kihugo. Enda yabo isulibawe nebyo wabiribikirabo; nabana babo babane ebilabire; Batoke erisakirya abana babo balere bebindu.

¹⁵ Nikwa ingye, nasyalebya obusu bwawe mo ritunganene; Omugulu nasyabuka, nasyasima erilola erisosa ryawe.