Esyonyimbo 149 - Nouveau Testament et Psaumes en Ndandi Version 1962OMUKAMA apipawe 1 Mupipe oMUKAMA. Mwimbire oMUKAMA olwimbo luhyaluhya, Neripipa riwe omo ndeko yababuyirire buwe. 2 Israeli atsemere oyo wamuhangika: Abana baSayuni batsemere oMwami wabo. 3 Bapipe erina riwe omo bitsange: Bamwimbire eripipa omo nzenze nenanga. 4 Kusangwa oMUKAMA akatsemera abandu buwe Asyabambirya abahehere nerilamibwa. 5 Ababuyirire batsemere olukengerwa: Bimbe busana nobutseme oko ngingo syabo. 6 Eripipa ringi ribye omo mumero wabo, Nomuyari wamuyi abiri omo byala byabo; 7 Erikisirya oko bihanda, Nerisuyira oko bandu; 8 Eriboha abami babo omo mahulula, Na bakulu babo nemisege yebyuma; 9 Eriberererya eritswera erisakire: Ababuyirire biwe bosi bawite erisikya eri. Mupipe oMUKAMA. |
Le Nouveau Testament et les Psaumes en Ndandi © British and Foreign Bible Society, 1962.
Bible Society of the Democratic Republic of Congo