Esyonyimbo 147 - Nouveau Testament et Psaumes en Ndandi Version 1962

Eripipa oMungu

¹ Mupipe oMUKAMA; Kusangwa ni kibuya eriimbira oMungu wetueripipa; Kusangwa ryowene, neripipa rikuwana.

² OMUKAMA akahimba eYerusalema; Akahindanaya abagusawa aboko Israeli.

³ Akalamaya ababunikire omo mitima, Akasengasenga amalige wabo.

⁴ Akaganza eriganza ryesyongununu; Akabirikirasyo esyosi omo mena wasyo.

⁵ OMUKAMA wetu ni mukulu, nowamaka omo butoki; Namenge wuwe siawite olulengo.

⁶ OMUKAMA akasiyikirira abahehere: Akandagariraya ababi ahisi oko kitaka.

⁷ Mwimbire oMUKAMA haguma newasingya; Mwimbire oMungu wetu eripipa omo nanga,

⁸ Oyu kaswika amatuku nebitu, Oyu kakokotaya embula busana ne kihugo, Oyu kalasaya ebiti oko bitwa.

⁹ Akaha enyama akaryo kayo, Noko hyana hyebikororo ehikalaka.

¹⁰ Siaritsemera akagala kefarasi: Siaritsemera emihimbi yomundu.

¹¹ OMUKAMA akatsemera abakamubaha, Abakabya namaha omo lwanzo luwe lubuya.

¹² Upipe oMUKAMA, uwe Yerusalema; Upipe oMungu wawe, uwe Sayuni.

¹³ Kusangwa abirisikya esyonzeguriro syamarimbo wawe; Abiritsumula abana bawe omwisi wawe.

¹⁴ Akayira obuholo bwemitano yawe; Akakugutaya nenganu yowenenga.

¹⁵ Akatuma eritegeka riwe oko kihugo; eKinywa kiwe kikatibita kutsibu.

¹⁶ Akaha enzururu ngobweya bwembuli; Akapanzapanza eritsuku ngeribu.

¹⁷ Akagusa amatwa wuwe nga bitahangukira: Nindi angatoka erihangana embere syeritsuku riwe kwehi?

¹⁸ Akatuma eKinywa kiwe, inianyenyetyabyo: Akaleka erihunga riwe eribuhirira, na magetsi akasenda.

¹⁹ Akakangaya Yakobo eKinywa kiwe, Amahano neritswera riwe oko Israeli.

²⁰ Siariatayira atya nekindi kihanda; Kandi eritswera riwe, sibetaminyaryo. Mupipe oMUKAMA.