Esyonyimbo 146 - Nouveau Testament et Psaumes en Ndandi Version 1962Eripipa oMUKAMA 1 Mupipe oMUKAMA. Upipe oMUKAMA, uwe kirimu kyage. 2 Omugulu nyiriho ngandipipa oMUKAMA: Ngandiimbira oMungu wage eripipa omugulu ngiwite erikota. 3 Simuyiketere abakulu, Kutse omugala womundu, oyute neriwatikya. 4 Omuka wuwe akahuluka, iniasuba oko kitaka kiwe; Omo kiro ekyo amaringikania wuwe akahera. 5 Obutseme buri noyu wite oMungu waYakobo busananeriwatikya riwe, Amaha wuwe ari koMUKAMA Mungu wuwe: 6 Oyo wabumba elubula ne kihugo, Engetsi, nebyosi ebirimo; Oyu kabika kwenene kera na kera; 7 Oyu katswera eritunganene busana nabakanubibawa; Oyu kaha abakawira akaryo. OMUKAMA akabohola ababohire; 8 OMUKAMA akalibula ameso wendimatime; OMUKAMA akahanganaya abunamire; OMUKAMA anzire abatunganene; 9 OMUKAMA akabika ababunga; Akasiyikirira esyongubi na bakwakali; Nikwa enzira yababi akahengekayo. 10 OMUKAMA asyatabala kera na kera, OMungu wawe, uwe Sayuni, oko ndengo syosi. Mupipe oMUKAMA. |
Le Nouveau Testament et les Psaumes en Ndandi © British and Foreign Bible Society, 1962.
Bible Society of the Democratic Republic of Congo