Esyonyimbo 143 - Nouveau Testament et Psaumes en Ndandi Version 1962

Erisaba busana nerilamibwa

Sauma ya Dawidi.

¹ Uwe MUKAMA, gowe erisaba ryage; utege okutu ko kwigonga-gonga ryage: Omwitindasiganirya ryawe unyisubiraye nomo ritunganene ryawe.

² Sutswere omugombe wawe; Kusangwa sihari omundu oyuriho oyu tunganene omo meso wawe.

³ Kusangwa enzigu yabiriendererya ekirimu kyage; Abirinyikalya ahari omwirimya, ngabahola kera.

⁴ Kyaleka ekirimu kyage ikyapisima omwisi wage; Omutima wage omwisi wage amakerakererwa.

⁵ Ngibuka ebiro byakera; Ngaganiraya emibiri yawe yosi; Ngaganiraya omubiri webyala byawe.

⁶ Ngasanza ebyala byage ukuwe: Ekirimu kyage kikwire enyota busana nawe, nga kitaka kiluhire. [Sela

⁷ Wanguhe erinyisubirya, Uwe oMUKAMA; ekirimu kyagekikapisima: Sunyibise obusu bwawe, Ngasyabya nga bakandagalira ekurimu.

⁸ Unyogwisaye olwanzo lwawe lubuya engyakyangyakya; Kusangwa uwe ngayiketera: Unyiminyisaye enzira eyo nyitolere erilabamo; Kusangwa ngakusumbira omutima wage.

⁹ Unyilamaye, uwe oMUKAMA, oko esyonzigu syage: Ngakusagirako erinyibisa.

¹⁰ Unyikangiriraye erisonda ryawe; Kusangwa uwe uri Mungu wage: Ekirimu kyawe ni kibuya; Unyisondole omo kihugo kyeritunganene.

¹¹ Unyisubaye, Uwe MUKAMA, busana nerina ryawe: Omo ritunganene ryawe ulusaye omutima wage omo bulige.

¹² Kandi omo lwanzo lwawe lubuya ukonde esyonzigu syage, Uheraye abosi abakagalaya ekirimu kyage; Kusangwa indi mugombe wawe.