Esyonyimbo 138 - Nouveau Testament et Psaumes en Ndandi Version 1962Ewasingya busana neriganyira ryoMUKAMA Sauma ya Dawidi. 1 Nasyaha ewasingya nomutima wage gosi: Embere wemyungu nasyakwimbira eripipa. 2 Nasyakukamira obwanga bwoluhande lwehekalu yawe ibuyirire, Neriha ewasingya oko rina ryawe busana nolwanzo lwawe lubuya nekwenene yawe: Kusangwa wabirihamya eKinywa kyawe kwilaba erina ryawe ryosi. 3 Ekiro nakulakira mowanyisubirya, Mowanyisikya na maka omo kirimu kyage. 4 Abami bosi be kihugo basyakuha ewasingya, uwe MUKAMA, Kusangwa babiriowa ebinywa byobuno bwawe. 5 Ega, Basyimbira esyonzira syoMUKAMA; Kusangwa olukengerwa lwoMUKAMA ni lungi. 6 Kusangwa nomo MUKAMA ari endata, abiriganirya abakayikehaya; Nikwa abakayihamaya akaminyirabo hali. 7 Nomo ngalendera omukati-kati kobulige, wasyanyisubya; Wasyakakya ebyala byawe erilwa nesyonzigu syage, Nebyala byawe byamali byasyanyilamya. 8 OMUKAMA asyahikania emyatsi yage: Uwe MUKAMA, olwanzo lwawe lubuya lukabyaho kera na kera; Susiganaye emibiri yebyala byawe. |
Le Nouveau Testament et les Psaumes en Ndandi © British and Foreign Bible Society, 1962.
Bible Society of the Democratic Republic of Congo