Esyonyimbo 125 - Nouveau Testament et Psaumes en Ndandi Version 1962OMUKAMA akategaye abuwe Olwimbo lwerihetukira. 1 Abakayiketera oMUKAMA Baringe kitwa kyaSayuni, ekitetokawa erisegeribwa, nikwa kikabyaho kera na kera. 2 Ngokwe bitwa bitimbire oko eYerusalema, Ritya oMUKAMA akatimba oko bandu buwe, Eritsuka lino nerihika kera na kera. 3 Kusangwa omutso webibi siendisyabya okwigabo ryabatunganene; Neryo abatunganene sibahire ebyala byabo oko bibi. 4 Ukole ekibuya, uwe MUKAMA, oko babuya, Okwabo batunganene omo mitima yabo. 5 Nikwa abakabindukira esyonzira syabo sihengemire, OMUKAMA asyasondolabo haguma nabakoli bebibi. Obuholo bubye oko Israeli. |
Le Nouveau Testament et les Psaumes en Ndandi © British and Foreign Bible Society, 1962.
Bible Society of the Democratic Republic of Congo