Eribisurirwa 20 - Nouveau Testament et Psaumes en Ndandi Version 1962

Eribohwa ryeSatani emituta elfu

¹ Neryo monalangira omulaika akandagala akalwa elubula, iniahambire omo byala biwe ekiboholi kyekyuna ekitawite kabuno nobuhulula bunene.

² Neryo mwatsimba ekiyoka, enzoka eyo yakera, oyo ni Diabolo na Satani, kandi mwamuboha busana nemituta elfu nguma,

³ mwamugusa omo kyuna ekyo, kandi mwakingakyo mwahira kukyo kwekibohi, siatebe ebi handa kandi, erihika aho emituta elfu nguma yasyahwera. Nenyuma waho atolere eriboholwa akatambi kake.

⁴ Neryo monalangira ebitumbi byobwami, nabikere kubyo mobahabwa eritswera esyombanza. Kandi monalangira ebirimu byabatubawa kwemitwe busana neritulago rya Yesu na busana nekinywa kyoMungu abatakukamira enyama kutse olusumba lwayo nabatahirawa kwekiminyikalo kyayo oko masu wabo kutse oko byala byabo. Mobabyaho mobasinga haguma na Kristo emituta elfu nguma.

⁵ Nabaholi basaka mobataswabyaho emituta elfu nguma iteyahwa. Eri ni lubuka ryerimbere.

⁶ Ari nomuyisa neribuyirire oyu kasangira erilubuka ryerimbere! Oluholo lwakabiri siluri namaka oko bari batya, nikwa basyabya bahereri boMungu nabaKristo, kandi basyasinga haguma naye emituta elfu nguma.

Eritswera ryenyumanyuma

⁷ Nemituta elfu nguma yasyabya yahwa, Satani asyaboholwa erilwa omo nyumba yiwe yomuliki

⁸ asyahuluka eriteba ebihanda ebiri omo ngonde ini sye kihugo, Gogi na Magogi, erihindaniabo oko malwa eriganza ryabo riri ngomusege woko ngetsi.

⁹ Mobahetuka omo kihugo omo bugali bwakyo moba timba oko kilaririto kya babuyirire noko muyi owanzirwe; nikwa omuliro mwandagala akalwa elubula mwabugabo,

¹⁰ na diabolo oyo watebabo mwaguswa omo ngetsi yomuliro nobu singo aho enyama eyo nomuminyereri wamabihi babya, basyagalwa omwitungi nomo kiro kera na kera.

¹¹ Neryo monalangira ekitumbi kyobwami kinene kihenirye noyu wabya ikere kukyo, e kihugo nolubula mobyasaga eribyaho riwe, nomwanya mwatabanika busana nabyo.

¹² Nage mona langira abaholi, abanenebanene nabakebake, ibanimene emu liro wekitumbi kyobwami, nebitabu mobyasanzulwa. Nekindi kitabu mokyasanzulwa, kyekitabu kyengebe. Nabaholi moba tswerwa busana nebisakirwe omo bitabu, busana nebyo bakola.

¹³ Nengetsi moyahulukya abaholi bamuyo, oLuholo neKurimu mobyahulukya abaholi bamubyo, nabosi mobatswerwa busana nebyo bakola.

¹⁴ Neryo oLuholo neKurimu mobyaguswa omo ngetsi yomuliro. Engetsi yomuliro, lo luholo lwakabiri;

¹⁵ noburi mundu erina riwe ryamatindabanika ko risakire omo kitabu kyengebe, mwaguswa omo ngetsi yomuliro.