Eribisurirwa 19 - Nouveau Testament et Psaumes en Ndandi Version 1962

Eriherukya ryeKyana kyembuli

¹ Enyuma waho monowa owabya ngomulenge munene wolukuko lwabandu bangi omo lubula akabirikira ati, Haleluya! Erilamya nolukengerwa Namaka ni byoMungu wetu,

² Kusangwa eritswera riwe ni ryakwenene neritunganene; Abiritswera omusingiri wobukali munene Oyo watsandaya e kihugo Omwisingira riwe, Kandi abirikisirya okwiye Omusasi wabagombe buwe.

³ Eyindi ngendo mobabirikira bati, Haleluya! omuki wuwe akahetuka Kera na kera.

⁴ Nabakulu makumi abiri nabani nebihangikire ebiriho bini mobagwa ahisi mobakukamira oMungu oyo wikere oko kitumbi kyobwami, bati, Bibye bitya. Haleluya!

⁵ Nomulenge mwalwa oko kitumbi kyobwami akabirikira ati, Mupipe oMungu wetu, inywe abagombe buwe bosi, Inywe mukamubaha, abakebake nabanenebanene.

⁶ Neryo monowa owabya ngo mulenge wolukuko lwabandu bangi, ngerihuha ryamagetsi mangi kandi ngo mulenge weri luma ryenguba ryamaka, ati, Haleluya! Kusangwa Mukama Mungu wetu waMaka gosi akasinga.

⁷ Tutseme tusime, tumuhe olukengerwa, Kusangwa eriherukya ryeKyana kyembuli ryamabihika, NoMuheruki wuwe abirisika;

⁸ Abirihabwa eriambalibwa olukimba lomusohe oluwenenga, lukangabenie olubuyabuya— Kusangwa olukimba lomusohe lubuya olo yemibiri itu nganene yababuyirire.

⁹ Nomulaika mwabuga nage ati, Saka ebi: uti, Omuyisa ari oko bakabirikirawa okwirya ryeriherukya ryeKyana kyembuli. Kandi mwabuga nage ati, Ebi ni binywa byekwenene byo Mungu.

¹⁰ Neryo monagwa embere syebisandu biwe erimu kukamira, nikwa mwabuga nage ati, Siwangakola utya! ndi mugombe mulikyenyu haguma nawe na bagala benyu abawite eritulago ryaYesu. Kukamire Mungu. Kusangwa eritulago ryaYesu ni kirimu kyobuminyereri.

OMwami wabami

¹¹ Neryo monalangira elubula ilukingukere, talebaya, efarasi nyeronyero! Noyo wikere kuyo iniakahulawa oYutesiganiraya noWekwenene, omo ritunganene akatswera inialwa namalwa.

¹² Ameso wuwe ni kirimi kyomuliro, noko mutwe wuwe hari esyombita nyingi; iniawite erina risakire ritasibwe nomundu ini naye iyowene.

¹³ Ambite ekanzu eyinigire omo musasi, nerina eryo akahulawamo ni Kinywa kyoMungu.

¹⁴ Nemilondo yerilwa yelubula ibambite esyongimba syemisohe mibuyabuya, esihenirye nyibuyabuya ibanamukwamire oko syofarasi esihe nirye.

¹⁵ Nomuyari owatwire akalwa omo buno buwe busana neriswirya ebihanda, kandi asyasinga nomutso wekyuma; asyalyatangirira aherikamira ebinyu byerikarama ryeriagarirwa ryoMungu waMaka gosi.

¹⁶ Noko kanzu yiwe noko kihinga kiwe iniawite erina erisakire riti, OMwami wabami noMukama wabakama.

Erikindwa ryenyama

¹⁷ Neryo monalangira omulaika inianimene omo ryuba, mwabirikira nomulenge munene oko syonyonyu syosi esikagu luka omo kyanya ati, Mwase, muhindane busana nerirya inene ryoMungu,

¹⁸ erirya esiswi syemibiri yabami, nesyasyondwa lisya syemilondo, nesyabandu bamaka, nesyesyofarasi nesyaba hekirwe nasyo, nesyabandu bosi, abakayigenderaya nabakobe, abakebake nabanenebanene.

¹⁹ Kandi monalangira enyama eyo nabami abo muna kihugo nemilondo yabo ibahindene nerilwa noyo wikere oko farasi nemilondo yiwe.

²⁰ Nenyama eyo moyahambwa, nomuminyereri wamabihi haguma nayo oyo wabya akakola ebitikotiko embere syayo ebyateba abahirawako ekiminyikalo kyenyama nabakukamira olusumba lwayo. Ababiri aba mobaguswa omo ngetsi yomuliro owakagulumira nobusingo ibaneho.

²¹ Nabasaka mobitwa nomuyari woyo wikere oko farasi, omo muyari owakalwa omo buno buwe; nesyonyonyu mosyuguta esiswi syabo.