Eribisurirwa 17 - Nouveau Testament et Psaumes en Ndandi Version 1962

Babeli

¹ Neryo muguma woko wabalaika ababya bawite ebisya birinda mwasa mwambwira ati, Wase ngandikukangya eritswera ryomusingiri munene oyu wikere oko magetsi mangi,

² abami be kihugo babirimusingira nabikere omo kihugo babiri kunda nebinyo byerisingira riwe.

³ Neryo mwandwala omo mbwarara inandi omo Kirimu, monalebya omukali inianikere oko nyama eyolukulakula iyeswire amena aweritsuma iniwite emitwe irinda namahembe ikumi.

⁴ Nomukali abya ambite olukima lwomunyama nolukulakula, iniambite zahabu nama bwe wobuguri bunene nesyolulu, iniahambire omo byala biwe olutehi lwezahabu oluswire ebitowene nebitisirire byobusingiri buwe;

⁵ nomo busu buwe ihasakire erina eribisamire riti: Babeli munene, nyinya wabasingiri kandi nyinya webitowene bye kihugo.

⁶ Kandi monalangira omukali oyu iniakundire omusasi wababuyirire nomusasi wabahingana na Yesu. Nabere namulolako monasweka kundu.

Enyama yemitwe 7 na mahembe 10

⁷ Nikwa omulaika mwabuga nage ati, Wamaswekeraki kwehi? ngandikubwira ekibisamire kyomukali oyo, nekyenyama eyimuhekire eyiwite emitwe irinda namahembe ikumi.

⁸ Enyama eyo walangira eyabya, eyiteho lino, neyikandisyahetuka erilwa omo kyuna kitawite akabuno kandi ikaya aheritogota; nabikere omo kihugo amena wabo atasakire omo kitabu kyengebe eritsuka ryekibanza kye kihugo, basyasweka balola oko nyama eyo, kusangwa yabyaho itakiriho kandi yasyabyaho.

⁹ Hano hakasonda oburingikania bwamenge: emitwe irinda ni bitwa birinda ebyo mukali ikereko;

¹⁰ kandi ni bami barinda, abatanu bakubo babiritera, nomuguma ane, nogundi siariahika, kandi asyabya ahika asikala akatambi kake kasa.

¹¹ Nenyama eyo yabya kandi iteho, oyo ni womunane nikwa ni muguma woko balinda, kandi ikaya okwitogota.

¹² Na mahembe ikumi ago walangira ni bami ikumi abatebasinga, nikwa basimya ehamuli ngabami busana nendambi nguma, haguma nenyama eyo.

¹³ Aba ni boburingi kania buguma bakaha enyama eyo akagala nehamuli yabo;

¹⁴ basyalwa neKyana kyembuli, kandi eKyana kyembuli kyasya kindabo, kusangwa iye ni Mukama wabakama noMwami wabami, nabari haguma naye babirikirawa abayisogawa abatesiganiraya.

¹⁵ Neryo mwabuga nage ati, Amagetsi ago walangira ago mukali musingiri abya ikereko, ni bandu nesyondeko nebihanda nemibuge.

¹⁶ Namahembe ikumi walolako, ayo nenyama eyo basyakwa omukali musingiri oyo ekiniga; basyamututula erimuyira mo ndumbu, basyarya omubiri wuwe basyamuhisi rirya omo muliro,

¹⁷ kusangwa Mungu abirihira omo mitima yabo eribererya erisonda riwe eribya oko buringikania buguma neriha enyama eyo erisinga, erihika oko mugulu ebinywa byoMungu byasyahikana.

¹⁸ Nomukali oyo walolako go muyi munene owakatabala oko bami be kihugo.