Eribisurirwa 15 - Nouveau Testament et Psaumes en Ndandi Version 1962Olwimbo lwabakakinda 1 Neryo monalangira ekindi kitikotiko omo lubula, ekinene nekyeriswekera, abalaika barinda namalige alinda, awe nyumanyuma, kusangwa Mungu akabugira mugo erihitana riwe. 2 Kandi monalangira ekisosire engetsi yekiyo ikitulungene nomuliro, nabakinda enyama eyo nolusumba lwayo neriganza ryerina ryayo, ibanimene hakuhi nengetsi yekiyo ibanawite esyonanga syoMungu omo byala byabo. 3 Mobimba olwimbo lwa Musa mugombe woMungu, nolwimbo lweKyana kye mbuli, bati, Uwe Mukama Mungu waMaka gosi, Emibiri yawe ni mineneminene neyeriswekera! Uwe Mwami wemigulu, Esyonzira syawe situnganene ni syekundu! 4 Uwe Mukama, Nindi utesyakubaha nerikenga erina ryawe kwehi? Kusangwa wowene ubuyirire. Ebihanda byosi byasyasa nerikukukamira, Kusangwa eritswera ryawe ryabiribisulwa. Amalige alinda 5 Nenyuma waho monalangira, ehekalu yehema yeritulago omo lubula yabya ininakingwire, 6 nabalaika barinda mobalwa omo hekalu ibanawite oko malige alinda, ibambite esyongimba sihenirye ndeke, esikangire, namupa wesyozahabu iniabohire omo bikuba byabo. 7 Nekiguma kyebihangikirwe ebiriho bini mokyaha abalaika barinda bebisya birinda byesyozahabu ibyo swire nerihitana ryoMungu oyuriho nakera nakera; 8 nehekalu moyusula nomuki akalwa oko lukengerwa lwoMungu nomo kagala kuwe, isihari mundu ukatoka eriingira omo hekalu amalige arinda wabalaika barinda atariahwa. |
Le Nouveau Testament et les Psaumes en Ndandi © British and Foreign Bible Society, 1962.
Bible Society of the Democratic Republic of Congo