Emibiri 6 - Nouveau Testament et Psaumes en Ndandi Version 1962

Abawatikya barinda

¹ Neryo omu biro ebi omugulu eriganza ryabiga ryakanya, abaYuda abe kihugo kya baGiriki mobasiningulira abaEbrania, kusangwa abakwakali babo mobataganzwa okwiga birwa ryebiro byosi.

² Nerikumi nababiri mobabirikira endeko yabiga kubo, bati, Siritolere tukaleka eKinywa kyoMungu, tuka kolera obutara.

³ Balikyetu, musondaye omukati-kati kenyu bandu balinda abakasimawa, aboswire neKirimu Kibuyirire namenge, tuhirebo oko mubiri oyu.

⁴ Nikwa itwe twasyayi tsinga omwisaba, nomo mubiri weKinywa.

⁵ Nebinywa ebyo mobyatsemesya endeko yosi: mobayisoga Setefano omundu wuswire nerikirirya neKirimu Kibuyirire, na Filipo na Poro koro, na Nikanora, na Timoni, na Parimena, na Nikolao we Antiokia oyu wabinduka mo muYuda;

⁶ mobahirabo emuliro wabakwenda: neryo babere babisaba, mobahira kubo kwebyala.

⁷ Nekinywa kyoMungu mokyakanya; neriganza ryabiga moryakanya kutsibu omo Yerusalema; nendeko nene ryabahe reri mobaliga erikirirya eryo.

Setefano

⁸ Na Setefano iniuswire nolukogo namaka, mwakola ebyeri swekera bingi nebitikotiko omukati-kati kabandu.

⁹ Neryo mohahangana abandi abenyumba yerihindana ikahulawa mo ya Libertino, neya banyaKurene, nabanya Alesanduria, na banyaKilikia, nabanyaAsia, mobakuba obuhaka na Setefano.

¹⁰ Mobataluka erisinga obwenge neKirimu kikamubugisaya.

¹¹ Neryo mobayakulula abandu, ababuga bati, Motukowa oyu akabuga ebinywa byeritsuma Musa, noMungu.

¹² Mobagangagangya abandu, nabakulu na basaki, mobamuhikako, mobamuhamba, mobamuleta omwibugiro,

¹³ mobahangania abatula omwamabehi ababuga, bati, Omundu oyu siariumbaya erinegulira ahabuyirire hano, namahano:

¹⁴ kusangwa twabiriowa akabuga ati, Yesu oyu weNazareti asyaheryahano, kandi asyabindula emitsye Musa atuha.

¹⁵ Na bosi babya bikere omwibugiro, mobamusamalira, mobalangira obusu buwe ibwamabya ngo bwomulaika.